كل زوجه تقول رايها لو لك صديقه مو متزوجه تقبلي انها تتزوج زوجك؟

المشكلة إن البنات اللي ما تزوجوا ، يشجعون الزواج من الثانية يشوفون مصلحتهم يعني


وهذا أكيد من حقهم ......


لكنهم وللأسف يتناسون حق الزوجة الأولى في الحفاظ على بيتها وزوجها وعيالها واستقرارها

النفسي ، يعني من وجهة نظرهم إن الزوجة الأولى لااااااااازم تضحي ...

وأعذرهم لأنهم ماجربوا الزواج ...

لكن كل المشكلة تكمن في إنها يوم تتزوج واحد عنده زوجه وعياااال وتعيش معه

كم سنة وبعدين يفكر يأخذ الثالثة نلقى أختنا في الله تقوّم الدنيا وما تقعدها

وكأنه حلال عليها اللي سوته حراام على غيرها !!!!!!!!! يعني تغيرت وجهة نظرها

وين الكلاااام عن التضحية ومحاربة العنوسة !!!!!!!!!!!!!!

وعلى فكرة الكلااام هذا من واقع تجربة رأيتها مع ناس قريبين لي ..

ابي اقولك لو هو فيه سبب انه يبي يتزوج لمجرد الرغبه بالزواج هالشيء ارفضه اكيييد كلآ منا ماتبي احد يشاركها بزوجها

لكن اذا في سبب مثلآ زوجه مريضه او مهمله لبيتها ولزوجها لا الصراحه معه حق يتزوج

اقول لو قدر الله وبغى يتزوج علي بيكيفه يتزوج لكن صديقتي لالالا اتحمل وحده غريبه ولا وحده اعرفها اصلآ بنقهر كيف تجيها الجراءه توافق على زوجي

ومثل ماقلت اذا الزواج عشان سبب مقنع ماعندي مانع لو يبي اخطبها له لكن مجرد تغير لا طبعآ وبعدين العنوسه ماتنحل الا اذا انخرب بيتي

فيه نقاط كثيرة أتمنى يتسع الصدر لها:

أولا: مشكلة العنوسة مب لأن ما فيه رجال إلا المتزوجين ، لأ فيه رجال ما يقدرون يتزوجون عشان وضعهم المادي أو ما يبون يتزوجون

قبل الرجال يتزوجون من يوم يصير الواحد عمره 18 و الحين يطق آخر الثلاثينات ما تزوج وإذا فكر بياخذ صغيرة والبنت تعتبر عانس إذا وصلت الثلاثينات ما تزوجت

يسهلون الزواج ويتنازلون عن المهور ويخففون الأعباء وراح يلقون بدال الرجال عشرة
لكن بنات هالوقت أحب عليها تتزوج متزوج ومقتدر ماديا وخلاص معقلته الأولى من ولد ما عنده شي لأنه ما راح يجيب لها اللي هي تبيه وتصير ثانية ومدلعه ولا تتعذب مع واحد يا الله يسد الأكل والشرب

هذي الأولى أما الثانية

إذا بيتزوج أنا مستحيل أعرض عليه ولا فيه وحده بتزوج زوجها عشان مشاكل الناس وأول من بيقلب عليها صديقتها اللي برتها وزوجها اللي تبرعت فيه

وإذا هو يبي الزواج حتى لو ما عندي مشاكل صحية أو غيره وكان ملزم وقادر يفتح بيتين و يعدل من جميع النواحي فشرطي يتزوج أرملة أو مطلقة وكبيرة في السن


أتوقع كذا ما ضريته ولا ضريت نفسي ولا ضريت بنات المجتمع اللي زواجهم صار بأرقاب المتزوجات

شوفى اختى ....
على الرغم من ان انا زوجه ثانيه لزوجى ... الا اننى ارفض تماما ان يتزوج بعدى ... زوجى تزوج الثانيه لأن فيه اشياء تنقصه من الزوجه الأولى و هى تعلم و تم الزواج برضاها ... انا الحمد لله سديت النقص يعنى ما له عذر ... ثم ان زواج زوجى لن يحل ازمه العنوسه ...

غلى اى حال ان حصل و رغب فى الزواج ... ارفض تماما ان تكون صديقتى: لأن صديقتى اعرفها جيدا و تعرفنى و يسهل على تخيل حياته معها ... اما الغريبه لا اعرف عنها شئ و لن اتخيله ابدا معها...