سلام عليكم
كيفكم بنات ،أدخل في الموضوع
أنا ولدي حيصير أربع سنوات بعد شهر وناوية أحطه السنة الجاية في مدرسة انترناشونال (الحمرا) في جدة و هو المفترض بيكون kG2
بس لما رحت المدرسة وشفت المدرسات وعملوا له المقابلة انفجعت لقيتهم بيآخدوا أشياء يبغالها جهد وتدريس وكتابة وولدي لسة مايعرف يكتب شي
يادوب يشبخبط ويلون
وأنا إنسانة جدا مشغولة وحابة أدخله عشان يتعلم انجليزي وبنفس الوقت ينشغل عني بأشياء مفيدة وأفضى شوية
لكن لما شفت المناهج قلت أنا كدة حأنشغل معاه ، مو هو إلي حينشغل ، يبغاله تدريس ويحل الواجبات وعلى إيه كل دي العجلة وهو عمره لسة 4 سنوات وراح يرجع يآخد كل دي المعلومان في السنة إلي بعدها وإلي بعدها
ففكرت وقلت أخليه kg1 بدي الطريقة يآخد اللغة وينشغل ويتعلم ومايكون ضغط عليا أنا لأني مرة مني فاضية لتدريسه يادوب أفضى لدراستي وتدريس أخوانه توءم وبيتي وزوجي
لأنه أنا همي الأساسي يآخد لغة ...
مع العلم إني ماراح أخليه تيأخر عن سنة أولى ، لا أبدا أبغاه يدخل بعمره ، بس راح يآخد kg1 وبعدين kg2 وبعدها ماراح أخليه يكمل انتنرناشونال حأخليه يكمل في دار الذكر أخوانه فيها وهي مدرسة خاصة و فيها نجليزي قوي
إيش رأيكم بهادا الاقتراح ؟؟
أبغى مشورتكم ونصحكم ،مع العلم إنه ماشاء الله ذكي ويجي منه وجاوب عليهم في المقابلة الأرقام والأنماط كلها عرفها وحددوا له مستوى kg2 لكن أنا خفت يكون ضغط عليا وعليه وقلت نزلوه kg1
خاصة إني إنسانة مضغوطة جدا ومشغولة
أنتظر نصيحتكم
تجمع امهات الاطفال الي في مداااارس عااااالمية
متابعة النقاش، صفحة 150