°•.• تجمّع الأمل  71 للمقدمآت ومنتظرآت نَتِيجَة أطْفآل الأنابيب والحقن المجهَري •.•°

لارين حبيبتي سويت ترجيع لاجنه مجمده يوم حملي ببنتي قبل اربع سنين
اذا بغيتي شي اسألي انا حاظره ..

السﻻم عليكم

صارلي متابعتكم يوم ونص

ذكريات الله يوفقج ويرزقج يارب

سحوره الله يرزقكم الذريه الصالحه يارب
واذا كان زوجج متحمس لها حاولي تبينين له انج متحمسه اكثر
اذا بينتي انه عادي راح تخربين عليكم اشياء كثيره

كثروا من الاستغفار وقيام الليل والله يوفقكم






بالنسبه لي صارلي ثلاث سنوات ونص متزوجه ومالله راد اني احمل
من بعد شهرين ابتديت ماتركت شيخ ولا حرمه ولا حتى مستشفى كلهم يقولون سليمه
بس اهل زوجي يقولون ان عندي ضعف<ماعلينا هههههههههههه

بعد سنه ونص تفاجات ان زوجي كان منوم بالمستشفى باشتباه زايده وسووا له منظار
وطلع مافيه..
شكيت بالسالفه بس عديتها مثلها مثل غيرها
واستمريت افحص واعالج..لمن مره كنت اعالج عند حرمه بالجبيل (ام فريح )

فصادف ان اللي رجعني للبيت اخوي <<وعلاقته بزوجي قويه حيل

سال امي شفيكم هنا طبعا انا منسدحه بالسيت الثاني وميته تعب من المرخ

قالتله امي السالفه
ولمن وصلنا بيت اهلي طلب من امي تنتظره بسياره يبيها بشغله
ونزل هو معي دخلني البيت ورجع لامي
وراحوا تمشوا ورجعوا
فتحت امي الموضوع معي
وقالت خلاص اتركي العلاج قلتلها ليش
قالت انتي مافيج شئ خلي زوجج يفحص
حلفت عليها الاتعلمني شصاير
قالتلي ان اخوي قالها لاتتعبين بنتج وتسببين لها امراض مادامها سليمه ترى زوجها هو اللي مريض

وسكت عن الموضوع وانه خشه عني
وصرت اجامله هو وامه وعمتي كل ماخذوني لمكان اخذ العلاج واكرمكم الله بالزباله



وبيوم من الايام كان عندي مراجعه لقسم النساء في مدينة الملك عبدالعزيز الطبيه
هم حجزوها طبعا عند الدكتور جهاد طالب
وكانت الصدمه انهم طلبوا تحاليل لزوجي قبل مايفتحون ملفي
وهاذا اول الخير

لمن جاب تقرير طلعت حالته سيئه سيئه بواجد

الحيوانات المنويه كانت 2 مليون وماكانت فيها حركه
قاله الدكتور اذا عالج بمكان ثاني قال ايه بس مانفع معه

فسكروا ملفي قالوا انتي تقاريرج سليمه مايحتاج نعالجج

عقبه كمل علاج زوجي على امل انه يتحسن
مافي فايده
مره تحسن وصلت 16ونص مليون

وبنات عمتي ثنتين رجالهم نفس الحاله ياكلون عسل من (اممدوح)
هاذي طبيبه معروفه بالحفر وكثير كثير حملوا من بعد اذن الله بسببه هي

بس مانفعت معي انا وزوجي
لانه اكل العسل وتراجعت حالته صار عنده 8 ونص مليون حيوان بس والحركه صارت من 20-30%

قبل 6 شهور نصحه الدكتور انه يسوي اطفال انابيب

فقلتله بما ان حالتك عويصه وكل مالها بالنازل خلنا نسوي اطفال انابيب
وانت لاتوقف علاج حتى لو حملت كمل علاجك
واقتنع ولله الحمد

وبمان الدكتور جهاد طالب قالنا على الدكتور محمد بدر الدين بمستشفى المانع عندنا بالاحساء
وانه دكتور ممتاز وهو سعودي من اصول مصريه دارس ببريطانيا وعنده زماله ببريطانيا
ومن توظف بالمانع باول ينتين نجحت له 400 حاله ماشاء الله تبارك الله

بحثت عنه وكثير مدحوه
وحجزت موعد السبت
وكان الصباح الساعه 9:40

فطلعنا من البيت الساعه ثمان لان الاحساء زحمه بالحيييييييييييل وبيتنا بعيد عن اامستشفى بمسافة ساعه الاربع

وصلنا وخذولي الفحص الروتيني الوزن والضغط والحراره
والدكتور كان عنده عملية ترجيع
انتظرت ربع ساعه وخلص ونادانا

لمن دخلت ارتحت مادري ليش سبحان الله شوفته تريح النفس
سالنا ليش فكرنا بالاطفال الانابيب وشاف تقارير زوجي
وشرح لنا التلقيح الصناعي والانابيب والحقن المجهري
ومع حالت زوجي رشح لنا الحقن المجهري

قال الدوره الجايه اذا كنتم موافقين تعالي اول يوم

ولمن رجعنا وقال لامه قالت اصبروا توكم صغار وقدامكم السنين ان شاء الله
انا ماعجبني كلامها لانهم ماهم مجربين الضغط النفسي اللي اعيشه بسببهم

قالي خلاص ناجلها

وسكت عنه 5ﻻشهور بالاخير طقيت ماستحملت

وقالي خلاص الدوره الجايه نروح للدكتور

يوم الخميس اللي فات نزلت علي قبل صلاة العشاء كلمنا الدكتور قال انا طلعت لمؤتمر تعالوا السبت الصباح

طلبت منه ماحد يدري الا امه عشان ماتزعل اذا ماشتغلت والا سويت حاجه

لان حريم عايلتنا عندهم اطفال الانابيب انهم مهم عيالهم صج يعني جايبين بويضة حرمه ثانيه وحيوان منوي لرجل ثاني
ويحطونه برحم وحده غريبه

تفكيرهم غريب ع العموم

جاء السبت الصباح ومن كثر الحماس مانمت الليل ولاخليت زوجي ينام وراح علينا الموعد
كلمنا الدكتور قال خلاص تعالوا العصر

وطلعنا من البيت الساعه ثلاث :)

وصلنا وخذوا الفحص الروتيني

وناداني الدكتور وسال ايش توصلتوا له

قال زوج الحقن المجهري

شرحلي خطواته بالضبط

وسال اذا مستعده قلت ان شاء الله

اخذتني النيرس وراء الستاره عشان السونار
وتخيلوا سونار مهبلي بثاني يوم لاعت جبدي والله
المهم لمن فحص الدكتور قام يضحك ويتحمد الله
لان يقول المبايض ولله الحمد من احسن مايكون

فقال انه ماحتاج الا ابر منشطه بجرعه خفيفه
سالني اذا عندي الفوليك قلت عندي 5 جرام<لاني حامله الثلاسيميا ومصابه بانيميا الفول وهاذا علاجي الوحيد

والابر قال استخدمهم مره وحده باليوم 150
وجاب زوجي الابر من الصيدليه كانت مثل قلم الانسولين الواحد فيه 300
يعني كل قلم يومين

الدكتور قال الابره الاولى تعطيج اياها الممرضه والباقي انتي خوذيهم بالبيت

لمن اعطتني الممرضه الاولى كانت تشرحلي وانا مارد عليه رفعت راسها الا اختكم مغمي عليه هههههههههه

الدكتور فطس ضحك قال شلون اجل السحب والترجيع والولاده اذا الله كتب

المهم حدد لنا خمس ايام ونرجع له
يعني الخميس الصباح موعدي
واخذنا الابر ثلاث اقلام حسابهم 1090 ريال
والسونار مجانا

امس الاحد توهقت ماقدرت اضرب الابره
وزوجي راح لدوامه برى الاحساء مايرجع الا الاربعاء

نخيت ولد عمي اللي هو اخوه وداني لمستوصف فيصل ضربوني الابره بخمسه ريال

عاد اليوم ثالث ابره تكون والله يستر ويكتب لي الحمل ان شاء الله


وهاذي سالفتي لحد اليوم


بس عندي كذا سؤال
الابر التحضيريه ماوصفها لي الدكتور..؟!

وش الاكل والشرب اللي اتبعه ووش اللي اتجنبه..؟!

وشنو اللي لازم اسويه بهالفتره..؟!

وكيف يتم السحب يعني كم بويضه لازم نازله..؟!


واتمنى ماكون طولت عليكم

وسجلوني معكم D:

ما شاء الله حبيبتى ريوف الجنه

شرحتى بالتفصيل الملل :icon30:

تعبتى صح :tongue:

بنات اللي مع الدكتور مازن في الخاص وش اسم الابرة التحضيرية اللي ثالث يوم في الدورة ضيعت الرشيتة

وفين تناخذ؟