شطحاتكم ومواقفكم قدام الرجال بالغلط

رفع رفع رفع

ما حبيت اطلع بدون اكتب زي ماضحكتوني اضحكم

مره قالت لي امي خوذي اخوك عند ابوك كان اخوي وقتها عمره 5شهور
شليته ورحت وانا في طريقي للمجلس اتكلم بصوت عالي وكان شكلي حاله وشعري حاله ثانيه لما وصلت عند الباب وانا اقول هلا يبه شوي الا ابوي يقول يابنت ابوي والرجال كانوا جالسين قبال الباب وهذي كانت اول زياره له وبعدها ما طب بتنا والمشكله الاعظم انه يصير جارنا والله فشله

ما دري ليش المواقف زي كذا لازم الشعر كشه والحاله معفوشه تقولون جني

مره رحت مع السواق لدكتورة الأسنان وقبل مااطلع من البيت وصتني اختي اشتري لها
"معجون اسنان سنسوداين"
ورحت وخلعت الدكتوره لي ضرسين وأعطتني اربع إبر بنج الله يسامحها
المهم انا طلعت من عندها داااااايخه ومن قوة تأثير البنج حسيت ان فمي صار على الجنب وطلعت
وأحس براطمي منتفخه
وانا طالعه تذكرت معجون اختي ودخلت الصيدليه اللي بجنب مركز الأسنان
وادور على المعجون قام سألني الصيدلي تفضلي
قلت له ابي معجون سنسوداين
طبعا انا اتكلم وداخل فمي قطع قطن ضاغطه عليهم وقالت لي الدكتوره خليهم 45 دقيقه
دفعه ومع البنج وبراطمي المنتفخة حسيت لساني ثقييييل
قلت له في معوون شدشداين خخخخخخخخخخخخخ
قال عفوا
قلت معوون معوون شدشداين خخخخخخخخخخخخخخ
ومن الغباء اللي فيني جلست أمثل له كأني وحده جالسه تفرش أسنانها
ورب الكعبه حسيت انه يقول هذي طالعه من اي مصح عقلي
وبعدها قال لو مش قادره تتكلمي ممكن تديني حد أكلمه
وقتها حسيت نفسي غبييييييييييه وطلعت من الصيدليه وفيني الصيحه

المهم وصلت البيت ورسلت مسج لاختي وقلت لها ترى ماقدرت اشتري لك
وكنت منسدحه على سريري ودخلت اختي مدرعمه تهاوش ليش ما شريت المعجون
وكنت معصصصبه وفجاه قمت وجلست اهاوش واقولها برا برا
بس مع البراطم والحاله اللي انا فيها قلت لها باوا باوا
خخخخخخخخخخخخخخ
وقفلت الباب بالمفتاح ورجعت انسدحت لين رجعت براطمي لحالتها الطبيعية
ورجعت اهاوش اختي بس بوضعي الطبيعي

عسووووله فطستيني ضحك الله يسعدك دنيا وآخره هههههههههههههه

عندي مواقف وش كثرها بس ماحب اقولها