موضوع سخيف بس مكدر خاطري :/

السلام عليكم ورحمة الله وبركاته

انا الشهور الاخيره جاني اكتئاب من موضوع سخيف صراحه بس الظاهر من الفضاوه الي عندي خلتني اكبره وافكر فيه بتعمق

المهم الموضوع هو اني كرهت البنات الي من خامس ابتدائي الى المتوسط الي مايلبسون عباية راس وغطوه
اكرههم كره بالذات بنت اخت صديقتي تدرس بسادس وطويله تلبس من ملابس خالاتها ومع ذلك ماتتغطى ويعاملونها ع انها صغيره
انا كررهتها والحين بتروح للمتوسط وهي على حالها
ودايم اقول لصديقتي لبسوها عبايه قالت ماعمرها تغطت الا مره بالمدرسه طلعوهم واجبروهم يلبسون نقاب يعني بس مره وتقول انا مو عاجبني بس شسوي حتى لبسها مايعجبني انصح امها بس مافيه فايده وخلاص ماقدر اجبرها انا مو امها
قلت الا انتي خالتها ومربيتها من صغرها وبحسبة امها ،، وتعاملينها دايم ع انها صغيره حتى وصلت خامس وانتي تروشينها بنفسك كانها بزر وانا من اول ابتدائي معتمده ع نفسي بكل شيء >> طفشت صديقتي بهالموضوع
لدرجة صارت تخاصمني وتقول انتي ماتملين دايم تتكلمين عنها ترا طفشت
هههههه الله يعينها علي

المهم انا من خامس او رابع ابتدائي وانا البس عباية راس وغطوه حتى عباية الكتف ماعرفها كله من خواتي الي اكبر مني انا كنت اصغر وحده بس لبسوني زيهم وكنت اذا رحت للسوق انقهر من البنات الكاشفات الي بعمري.
واقول مايخافن من الله بس مااتضايق من العبايه بالعكس البسها واهتم بالستر لان احسبه واجب علي ..

والحين اشوف بنات بالمتوسط كاشفات
والله شفت وحده بالسوق يمكن بسادس تمشي وتدلع بشعرها حركاتها كأنها حرمه وجهها كأنها كبيره
ومو لابسه الا عباية كتف وجسمها وااااضح انها بالغه ... كرهتتتتتها قهرتني

مدري ليه انا كذا هو صحيح شي يقهر نشوف بنات بالغات ويتدلعون ويسوون انفسهم صغار
بس ليه هالموضوع مكدر خاطري بقوه يمكن من الفضاوه خلتني افكر واتعمق بهالموضوع
ويمكن لاني اغار منهم يستانسون وانا قبل لبست العبايه بددرري مع اني بلغت متأخره بالمتوسط مو زيهم بالغات ولا يتحجبون :(

لدرجة اجلس افكر واسترجع طفولتي واحاول اتذكر لو موقف واحد ماتغطيت فيه بس عشان اقول انا مثلهم عادي :( بس مالقيت لاني تغطيت حجاب كامل ورسمي من بدددري ومدرستنا اصلا لبستنا عباية راس وغطوه من رابع
مع ذلك اغلب البنات الي كانوا يدرسون معي ماتحجبوا زين الا بثاني متوسط

وعلى فكره مدرسة الابتدائي عندنا الحين باص البنات يشتكي للمديره منهم يقول بالباص ينزلن العبايات
ويفتحن الشبابيك ويناظرون الشباب ويلفتون انتباههم يعني لدرجة المراهقين صاروا يلاحقونهن بسياراتهم
هذا وهن بنات خامس و سادس

المهم انتبهو لخواتكم وبناتكم بهالسن وثانيا كيف اترك هالموضوع الي قاهرني هل هي غيره منهم بس ليه اغار وهالموضوع قديم وخلاص كبرت ههههههههه والله الفراغ يخليني اجيب الهم لنفسي غصب