السلام عليكم ورحمة الله وبركاته
بنات كبفكم?
انا عندي مشكله مأزمتني جدا
كيف ارد الخاطب بعد الموافقه على مضض أحس مو مره مقتنعه فيه
هو أخلاق ويصلي ووظيفه ومنصب تبارك الله
بس هو وسيم وأنا عاديه أخاف هالشيء يأثر علي أحس مافيه تكافؤ وماني قادره اصرح لاهلي بهالشيء لانهم يشوفونه شيء تافه
بس كذا يجيني شعور ان حياة العزوبيه احلى ما ودي انغث برجال في حياتي
شاركي في النقاش
سجلي الدخول لإضافة تعليق.
التعليقات
16- تكافؤ أيش ؟؟؟ عشانه وسيم وأنتي عاديه ؟؟؟؟ يا بنتي أحمدي ربك
هو أخلاق ويصلي ووظيفه ومنصب تبارك الله
ايش المطلوب ؟؟
يعني تنتظرين يجيك واحد اقل من العادي او شين شيفه مثلاً
توكلي على ربك وأستخيري وخليك واثقه من نفسك - لو ما انتي مليتي عيونة ماوافق عليك خليك من هبل البنات وتوكلي ع الله مبروك مقدماً
- اذا هو شافككك خلاص اهم شي استخيري والله يوفقك حبيبتي
- والله انا اقول استخيري الله سبحانه اذا ارتحتي توكلي على الله ووافقي عليه ماتشوفين هالايام والله البنات ميتين على الزوج
والله وافقي عشان ماتندمين بعدين والله يكتبلك مافيه الخير والسبب الي ذكرتيه تافه جدا اذا انتي عاجبته خلاص مالاداعي التعقيد
بالتوفيق - لا تزعلي مني بس احسك مو لاقيه عيب بخطيبك قمتي تعذربي بنفسك ! يا حبيبتي السبب اللي ذكرتيه ابدا مو مقنع هذي مجرد وسوسه من ابليس حاب يخرب عليكي .. اذا هوا شافك وعجبتيه ليه متخوفه ؟؟؟ بعدين سبحان الله عندي قناعه انو الرجال الحلوين فالغالب مايهمهم الشكل ابداً ...
... احمدي ربك بالزمن دا هيك خطيب ما بيتكرر مرتين ... الله يوفقك ويسهل امرك
مواضيع مشابهة
تابعي تجارب أخرى من هذا القسم.