&~* الـــزوجـــات الأولــيــات ... حـــيــاكُــنْ الله *~&

اخواتي انا بديت باعاده ترتيب اوراقي وباحاول اتماسك اكثر
مع انه لما تذكر انه خطب وانا مالي غير ٧ سنين وتزوج وانا لي تسع سنين وماكان ينقصه شي
وكنت مو حاسه اصلا باللي يصير انقهر واقعد اتحسب عليهم
اللي يشفع له انه ما نقص علي شي و زوجي هو هو من اول ما تزوجته بالعكس احسه قرب مني اكثر
وانه زواجه في السر ومن غير عربيه ..يعني مافي امل انها تتفاهم مع اهله ابدا او يتقبلوها هنا خاصه لانها مو سنيه
زوجي شكله كان يفكر انه يهديها للسنه ..بس ما ادري ايش اللي صار لانها غير محجبه ومتبرجه وحنا جدا محافظين
واحسه كثير ندمان ويقولي ابقعد اتحاسب على غلطه طول عمري
طبعا ما يقدر يطلقها لانها متعلقه فيه وهو خايف من ذنبها ...احس علاقتهم كعلاقة زملاء اكثر من علاقه ازواج

عموما بديت الحين اراجع نفسي وترجع لي ثقتي في نفسي وقلبي لسه مجروح و ما اتوقع انه حيبرى قريب
اخذت الايام اللي راحت اقرا في الفتاوي هل يجوز طلب الطلاق ومافي فتوى وحده اجازت طلب الطلاق بسبب التعدد
الا في حاله المشابهه لمراه ثابت بن قيس لما ذكرت اني اخاف الكفر بعد الاسلام وتكون خلع مو طلاق
وانا وصلت لهذه الحاله من فتره بس الحمدلله ،،فتره وعدت و رجعت ان شاء الله اني اقوى من قبل
وانا مستحيل اخلع زوجي او انفصل عنه
و هو وعدني انه ماراح يعلنه الا بعد كم سنه وباذني ..وانا صدقته ..وباحاول ابني حياتي من جديد على هذا الاساس




اتمنى من الاخوات اللي في نفس حالتي او مشابهه لها مثل ام اولادي اننا نتعاون ونساعد بعض
وبقيه الاخوات اكيد ما نستغنى عن نصايحكم ..

اول شي قررته اني اتوظف و هو وعدني يساعدني في انه يدبر لي وظيفه
وثاني شي قررت اني اعتبر انه ما تزوج وانه مافي غيري في حياته واعامله على هذا الاساس
وبما انه الصيف جاي والمناسبات كمان فلازم نيولوك لتحسين النفسيه :)
واكيد اهم شي انه اقوي علاقتي بربي وباحتسب كل شي اسويه والتبعل لوجه ربي



وكمان ساعدوني ايش الافكار والتجديد اللي لازم نسويه :)

السلام عليكم .. كفاية تلومي نفسك ما راح تحصلي الا التعب .. انت عملتي بأخلاقك وما يضيع شي عند الله تعالى
زوجك طيب وما قصر معاك سابقا وانتي بداخلك لا زلتي تحبيه ولا ما كان زعلتي منه .. هدي الموضوع وخذي استراحة زوجية اقطعي التواصل معاه واذا الاولاد يحتاجوا شي يطلبوه هم بنفسهم .. خليه يفتقدك .. هو منبهر فيها لانها شي جديد بس فترة وتصير امر معتاد عليه ..

حبيبتي فيه امر لاحظته واتمنى تتقبلي مني بصدر رحب .. من خلال كلامك عن ضرتك اشوفك تستنقصيها وانها بنت شوارع ومتبرجة وانو زوجك ما راح يتقبلها ووووو .. يمكن ياللي يصير لك بسبب هذا الحكي ... حبيبتي ربما تكون عند الله افضل منك ربما فيه عمل بينها وبين ربها رافع درجتها .. زوجك هو اللي طلبها على سنة رب العالمين وهي اكيد تبي تشوف حالها وتعيش حياتها .. استغفري ربك من كل الكلام اللي قلتيه واتركي الخلق للخالق ( يا ايها الذين امنوا لا يسخر قوم من قوم عسى ان يكونوا خيرا منهم ولا نساء من نساء عسى ان يكن خيرا منهن ولا تلمزوا انفسكم ولا تنابزوا بالالقاب بئس الاسم الفسوق بعد الايمان ) .

اسأل الله جل في علاه ان يملأ قلبك بالايمان ولا يجعل في قلبك احدا سواه تعالى .. وان يجعل ما اهمك رفعة لدرجاتك وحطاً من سيئاتك .. لا تكثري من الشكاية الا للواحد الاحد الذي بيده مقاليد الامور .. واعلمي انك بدعائك على الظالم وغيبته تستوفين شيئا من حقك وتستردين مظلمتك لذلك اتركيهم لله اعظم لشكايتك واضمن لرد حقك لك في الدنيا قبل الاخرى

وفا

انا مارح آلومك ع شي قدره ربي 


البارح كنت اكلم زوجي عنك وقالي احنا رجال ونفهم بعض ويقول اذا ماخاب ضني إنه حالياً يدور طريقه يتخلص فيها من الثانيه وشغال ع الصامت عشان ماينكشف امره  
والدلائل 1- جميع ملابسه ماهي موجوده عند الاولى 
2-مافاتح ابوك في الموضوع حتى وينتهي ويعطيه الاسباب 
3- مايبغى يطلق زوجته الاولى 
4- وعوده لزوجته بالعدل ولم يظلمها قبل زواجه لتأتي إمرأه تجعله يظلمها
5- الناس من حوله ينتقدونه ع تصرفه من اهل واصحاب 

فكيف برجل كان نعم الزوج تجعله امرأه يأخذ جميع ملابسه ويهجر زوجته ولاينام معهم 

والاحتمال الاخر أنه مسسحور 

اما اذا كان زوجك ظالماً من قبل الزواج ولايهتم بك ولابأبنائك فليس غريبا عليه هذا التصرف 

نهر
هي كانت تساله عن الصلاه والدين كثير واتوقع انه اعتبر انه هو اللي بيساعدها و يخرجها وبيهديها للسنه لكن الامر مو سهل
وانا مو عارفه ايش الزواج هذا المبني على غلط من البدايه فانا واثقه انه ربي بينصرني و يرده لي ردا جميلا ويفرجها علينا