من الغطان انا والا هو

انا وزجي متفقين على انو الاربعاء اطلع بالليل
المهم بعدين جاء من الدوام غير رايه
قال بكره اوديك
قلت لا بروح لان بكره مافيه جمعه اليوم بشفهم وانا من زمان عنهم كم اسبوع لان بالعاده كل اسبوعين نشوف بعض
قال لا بكره روحي
ترجيته ورفض وسكت بس ماقدرت امسك نفسي بصيح لاني لي يومين اكرف وتعبانه وعلي الدوره ونفسيتي زفت بس ابي اطلع من البيت
وجلست عنده هو بجواله وانا اطالع بالتلفزيون
وانا واصله مابي كلمه مني لاني بصيح
وطالع فيني ويوم جت عيني بعينه قال لا صيحي
وانا اجلس اصيح
ماقدرت امسك نفسي
بس كنت منسدحه على الكنب وانا اغطي وجهي بالخداديه الصغيره ونزلت من دمعتين ومسحتها على طول بدون صوت وهو سكت
والله كنت اجسبه بيقول يالله امشي والا اعذر ولا شي دايم اذا قال لا او غير رايه خلاص لو ايش
وانا صحت برتاح وفعلا ارتحت ونسيت السالفه لاني ما ابي ابعص الجو مثل ما يقول دايم
ورجعت اسولف معه وهو سكت وقالي حلق تعبان من المكيف ورحت اسوي له عصير ليمون
ويوريني كقطع باليوتيب وجلست اضحك عاادي مافيه شي لاني جرت ازعل لليل ويكبر السالفه ويجلس يشرشحني والسالفه تافه ما تستاهل اخرب بيتي علششان طلعه
رضيت بالامر الواقع. ولا ابي مشاكل مثل العاده او اني اعااانده لانه عصبي وفيه قولون وجني ما ينتقاشر
المهم نزلت لامه شوي ورقيت وربي عااادي ماكن فيه شي
وجلست ارتب عنده بالصاله قال بسالك سوال ما شرهتي على نفسك وانتي تبكين علشان طلعه قلت له انا نفسيتي تعبانه من الدوره مو علشان طلعه وسكت
وانا عصبت منه بعد فوق ماهو موعدني يتشهر بعد
ويقول كنك بزر يوم تبكين
سكت وسويت عشاء وجلست عنده ونتعشي قالي انتي وراك مكتمه يعني اذا ما طلعتي تقلبين البيت نكد قلت انا زعلت من اسلوبك وسوالك لي
وتحسسني اني بزر والله يقهرررررر
وشلت العشاء وقلت بنام مابي اطلس معه
وقام هاتك ياسب فيني انتي ما تحترمني لا ما رحتي تقلبين الجو نكد انتي بزر كلي تراب
انا وياك مانتفق والله اخر مره تسوينها والا لي تصرف ثاني
وانا قلت له وفهمته على ايش زعلني بس مصر على موقفه طلعت من الوتس الا هو جاي الغرفه
واخذ له فراشبينام بالصاله اصلا ماتفرق معي كل يوم ينام بالصاله هاجر غرفته وكم شكيت لكم منه نومه بالصاله
وقام يتكلم وانا اصيح وطلع
وارسلي بكره مافيه طلعه
وجلست شوي وارسلت معه اذا تتكلم على الاحترام انا ما سبيتك ولا غلطت عليك
ويابو الاحترام شف الفاظ لي وتكلم بالاحترام وللامانه ما يغلط الا اذا عصب علي بس ماقد قال حيوانه او سب اهلي بس انتي بزر عقلك صغير وكلي تراب هاذي يقولها
انا بكيت لين عيوني تنفخت وطلعت لصاله لقيته يشخر نايم
وارسلت له انت نمت وانا اصيح
المهم
من الغطان تكفووون وش اسوي معه بكره