موضوع بنت عمج يبي له تفكير عميق ولها 3 حالات من وجهة نظري ولا تتسرع
تدرس حاله حاله على حده ..
وانا اقول تبتدي بالحاله الأخيره اللي هي الثالثه وتشوف شنو اللي لها واللي عليها وبعدين تدرس باقي الحالات
الحاله الأولى:
بترجع عشان عيالها وهي دايسه على كرامتها لكن شنو الضمانات اللي راح تتقدم لها ؟؟
تفكر بالضمانات اذا هو يبيها [ بيت باسمها وباسم اولادها ] لانه هذا مافي لعب عيال وغير هالضمانات مافيه وتكتب عليه ورقه ان يدفع لها نفقه هي وعيالها عند محامي ثقه ,,, يعني ترجع وهي حاطه مصلحتها ومصلحة عيالها فوق كل شي واعتبار باوراق واثباتات مكتوبه عند محامي هي تختاره عشان لا يتلاعب باي شي
الحاله الثانيه :
انها تظل معلقه لا تطلق ولا شي كذا او كذا هي مش محتاجته عيالها عندها وهي معتمده على نفسها ومعززه ومكرمه وهو زوج بالاسم يعني مو محتاجة له
الحاله الثالثه :
الطلاق , وان ياخذ عياله طيب لنفكر بالعقل والمنطق ,, الحين لو طلقها واخذ عياله زوجته اللي شرطت طلاقها
هل بتقبل بوجودهم معه ؟؟ أكيد لا ,,
-اصلا بتنكد عيشته ويمكن بتقول له يا تطلقني يا عيالك ومثل ماخيرته المره الأولى بتخيره المره الثانيه
-هل هو بيعرف كيف يتعامل معهم في حال لو اخذهم اصلا بيرميهم على زوجته
-أهله خواته او اي احد هل بيتحملون يربون عيال غير عيالهم ؟؟؟الناس يا الله تربي عيالها
الاولاد نفسهم هم ماراح يتقبلونه وهو بيحس ان مافي فايده وبيضطر يرجعهم لها [ من وجهة نظري ]
طيب خلنا نكون مُنصفين ,, هي تقدر تكلم مُحامي وتقول له لو قدرت اثبت ان هو رمى عياله وما يبيهم ولا يعرف هم بأي صف يدرسون اقدر أخذ حق الحضانه ,,
اذا هي تقدر تاخذ حقها وتجيب حد من اخوانها ومن اهله يشهد ان رمى عياله ولا يبي يعرف عنهم شـــــــــــــــــي ..
تسوي هالحل وتطالبه بالنفقه لانه هو اب غير مسؤول مثل مارماها ورماهم بيرميها مره ثانيه..
خلها تحضره في المحكمه ويساالونه عيالك باي صف ؟؟ تعرف عنهم شنو يحبون شنو يشربون شنو ياكلون؟؟
اصلا الشيخ اذا عرف ان هالابو مايعرف هوى دار عياله ماراح يحكم له بالحضانه ..
تتصل لشيخ ,, وتسال محامي شاطر وفاهم وهو يقولها ولا تعتمد على محامي واحد
هذي 3 حالات وهي تختار شنو تبي ..
والله يوفقها
طردني وتزوج علي وبعد سنين جاء يبحث عنا
متابعة النقاش، صفحة 4