ارجعو لمواضيعي تعرفو قصتي
مالي قدره اكتب من اول وجديد ارجعو لمواضيعي تعرفو قصتي والحين اعلمكم ايش صار الحمد لله على كل حال وربي يعوضني ان شاء الله صحيت يوم الاربعاء بسوي الغداء ولما قمت حسيت بمغص قوي ونزيف مثل الدوره على طول رحت المستشفى وتنومت وسويت سونار من اول وجديد ومافي نبض تقول الجنين موجود والكيس موجود ومكانه طبيعي مانزل اسفل بس هذا بدايه اسقاط كلها يومين ثلاثه وتسقطين ورفضت اتنوم ودخلت زوجي قالت المدام لازم تنوم راح يصير معها نزيف قوي وتنومت يوم الاربعاء وسبحان الله جت وحده مره كبيره بالسن قالت اشربي عشبه تسويها هي تقول اذا الجنين حي بيوقف النزيف واذا ميت راح يصير معك نزيف وينزل وال شي تسئلني كيف شكل النزيف وخبرتها قالت خلاص هو بيطيح بس اشربيها وشربتها يوم الخميس الصباح الساعه 10وخف المغص معي بس الدم مسمتر بالنزول وماجت الساعه 3الفجر الا كني معي ولاده وحسيت شي متحجر اسفل بطني وامشي بالاسياب وتردني السستر سريري وعلى طول صرت انزف وهي تشوف تقول استني لين خلاص اطراف يديني ورجليني بردت معد احس فيها وانادي وحده متنومه معي تروح تنادي السستر وجت وخافت من الي شافته وجت الدكتوره تكشف وتنظفني بصبعها مدري يدها لاني مو في وعي كل شوي ترش علي مويه وتشنجت يديني ورجليني وتكشف بالسونار تقول الجنين نزل باقي الكيس وتسئلني تقول انتي رحتي الحمام قلت لانها مولاقيه الجنين قلت في ملابسي اكيد وعلى طول حولتني غرفه العمليات ولما دخلت شفت شابين سعوديين وصرت اطالب الدكتوره اقول مين راح يسوي العمليه قالت انا بعدين جى الرجال وعطاني ابره حاره صرت ابكي منها والدكتوره فوق راسي وحاطه الاكسجين على انفي بعدين معد حسيت بشي الى السستر تصحين وانا لسى متاثره بالبنج واسئل مين سوى العمليه واكرر مابي رجال ولما فقت من البنج جاني ضحك مو طبيعي عجزت امسك نفسي حسيت اني سكرانه اخر شي عضيت البطانيه علشان محد يسمعني هذا الساعه حول اربع الفجر او خمس ولما جى الصباح تعلمني البنت الي متنومه معي تقول ماشفتي السستر كيف رمتك على السرير بعد ماجبتك من العمليات تقول رحت اصيح عليها اقولها شوي شوي عليها ردت عليها تقول مو شغلك انت تقول وانتي تسئلينها من سوى العمليه مابي رجال قالت ايش فيها رجال مافي شي بعدين قالت اوف وطلعت وتركتك ولما جت دكتورتي تشوفني وانا اسئلها قلت من سوى العمليه قالت انا قلت انا شفت 2رجال سعوديين قالت الرجال بس يساعدونا في رفعكن من الاسره لنا حنى مانقدر عليكن وانتهت قصتي وربي يعوضني ان شاء الله ولا اذوق الي ذقته مر ثانيه