يوه فيشارره ضاق صدري والله
ربي يعوضك بالخلف الصالح ياكرييييم
رحت للموعد وانلطعت حوالي ساعه ونص قبل ماتشرف الدكتوره على حظي عندها ولاده
والحمدلله سويت سونار وعرفت جنس النونو
باقص لكم بالتفصيل عشان تعيشون معي جو
دخلت على غرفة السونار وكان فيه فنية الاشعه هنديه اعتقد ماشاء الله وجهها سمح وعيونها جميله
سلمت وفسخت العبايه وانسدحت عالسرير
وجت وشغلت الجهاز والشاشه وجلست وسمت بالرحمن
كل هذا وقلبي ياترى ويييييييييييييين !!!!! واقف عند حلقي واحس راسي ينبض
والغرفه فجأه صارت بااااااااارده ومظلمه ومافيها نور
رفعت لبسي ونزلت بنطلوني
وعصرت على الجهاز هاك الجل الباااااااارد اللي يلسع بالبروده
وقلبي لازال طربق طربق طربق
وحطته على بطني وعيونها عالشاشه
وفجأة!!!!!!!;;;
عيونها البراقه الجميله تبققت واتسعت اقصى اتساع
ااااه ما اوصف لكم روعتي وفجعتي لحظتها
ياجعلكم ماتذوقونها
صار شكلها يخوف زود عالظلام
انا لفيت وجهي بشكل تلقائي للجدار ما ابغى اسمع الخبر الله لايقدر ولا ابغى اشوف
والدنيا فجأه تحولت لفرن حااااااااار وعرقي صبصب
المهم جلست يمكن خمس دقايق تحوس ببطني وهي ساكته تماما
وانا وجهي للجدار ولاهيه امسح جبهتي من هالعرقان
تخيلوا خلال هالخمس دقايق شعوري
تخيلت صدمة زوجي
تخيلت روعة اميمتي
تخيلت وتخيلت اعوذ بالله من الشيطان الرجيم
وفي النهايه حسيت بكلينكس تمسح بطني
وناظرت المره الا ظافة قشها وقايمه للمكتب تعبي الاوراق
قلت هييييه صديق كلاص قالت ايوه كلاص
قلت بنفسي شهالبرود وين الدموع وين التأثر ياقوي قلبها هالهنديه
المهم جتني شجاعه قلت هذا بيبي كويس قالت ان شاء الله روح دكتور كلام
المهم لبست العبايه مقلوبه الظاهر من الخرعه وزوجي عند الباب وطلعت وانا مدري وش الدنيا
قلت له امش علدكتوره وشخطت مثل الصاروخ مدرعمه وهو يلحقني بالشنطه خخخخخ نسيتها
واهج الباب عليها زين ما انكسر
دخلت قلت وش في الاشعه قالت انتي مين 😲
هههههههههههه كل ماذكرت وجه الدكتوره فطست ضحك تقل داخل عليها ارهابي ههههههه ارتاعت المسكينه
المهم طقت الكمبيوتر وشافت التقرير وطمنتني الحمدلله ما اوصف لكم شعوري بغيت اقوم امظخ خدودها واخمها:biggthump
ما انلام نشف دمي وارتعت روعه سنه بساعه
قالت معك نزول بالمشيمه واخرتني اسبوع تقريبا على حساب السونار
وقالت لي جنس النونو
نكمل القصه في الجزء الثاني
:pinklove::pinklove:
خخخخ تشويق لاتدفون ههههههههه
قالت بنوته الله يجعلها من امائه الصالحات العابدات البارات يااااااارب
من عاد فيكم تتكرم وتلون اسمي بالوردي فديتهم ورموشهم ❤❤❤❤
التجمع الســ 7 ــابع لمواليد شهري ، نوفمـ11بر & ديسمـ12بر
متابعة النقاش، صفحة 309