مرحبا صبايا
مشكلتي متزوجه من 13 سنه وعندي اربع ابناء تزوجت زواج تقليدي جدا زوجي مااحبه ولااكره فيه عيوب كثيره وتحملتها علي امل انه يتغير ولكن للاسف كل سنه يسوء اكثر انا من طبعي اسرار بيتي ماتطلع برا البيت نهائيا مهما صار ولاعمري شكيت من زوجي حتي لامي واختي مستحييييييل اشكي لهم زوجي عاطل عن العمل من سنوات وكل مااقول دور لك شغل يرفض لانه كسووووول واتكالي وكنت اساعده بكل شي حتي القروض اخذت عشااانه (غلطه حياتي)
وغير الكسل والاتكاليه عصبيييييييييييييي جدا جدا يعني من يدخل البيت يتحول البيت الي اعصاااااااااار ودايما الاسباب تافهه يعني مثلا اذا شاف نمله يعصب ويسوي من الحبه قبه وكنت اصبر واتحمل لدرجه الفتره الاخيرة اصبحت اتحاشي الكلام معه وطول الوقت ساكته يعني مافي حياه زوجيه طبيعيه واذا جا يسولف معي يمدح بنفسه ويبالغ باشياء انا متاكده انه من وحي خياله
تصدقون ان في مرات كان يضربني وحتي انا حامل وكنت اسكت ولا اقول لاحد واشياء كثيره لو بكتب مااخلص
المهم اني انا تركت له البيت من شهر ورحت لاهلي مع عيالي انا مو ندمانه بس خايفه من شمااااتة الناس فيني
وطلبت الطلاق منه لاني ماعدت اتحمل اكثر .
بنفس الوقت خايفه اظلم عيالي معاي مع ان عيالي موفاقدينه وافكر اذا تطلقت شنو راح يكون وضعي مع عيالي
واذا رجعت له ادري انه ماراح يتغير
ابي اعرف تصرفي صح ولا استعجلت بقراري وبشو تنصحوني
شاركي في النقاش
سجلي الدخول لإضافة تعليق.
التعليقات
31- الله يفرج همك ويكتب لك الي فيه الخير
- لاحول ولاقوة الا بالله ..الله يكو ن في عونك..ياختي استخيري كثير لو تقعدين شهر لان ربي بيختار لك الخيرة
- المكتوب دايم مبين من عنوانه المفروض من يوم تزوجتيه قبل ماتحملين اذا كنتي ماتبينه كان تطلقتي منه
الان عندك اطفال حرام يتشتتو بين الام والاب
يمكن العصبيه والاتكاليه تكون احسن من الخيانه ممكن لو جيتي تشكي من الخيانه انه خانك يمكن كنا قلنا لك اختتاري القرار الي يريح دامه خانك
بس اغلب الرجال عصبيين
اذا عصب روحي من عنده منتي مجبوره تتسمعي كلامه وجرحه لك
بالاول والاخير هي حياتك بس خليك عارفه انها مو حياتك لحالك حياتك وحياة اطفالك
استخيري واذكري الله واقعدي فترة راحه عند اهلك
الين ما ترتاح نفسيتك واذا الله كتب لك الرجوع ارجعي ووكلي امرك لله
والطلاق مو سهل يا اختي
الله يوفقك للخير ويلهمك الصواب ويسخر زوجك ويهديه لك - لاحبيبتي منتي غلطانه ومقصر معاكم كثييييييييييييير كيف عاطل من سنوات ومين اللي يصرف عليكم لا بالعكس هذه احسن
خطوة قمتي فيها وبالنسبة للشماته انتي مالك من الناس ولاتعيريهم أي اهتمام اهم شي انتي واولادك واولادك ماافتقدو
ابوهم معناته انهم يمكن ماصدقو افتكو منه ومن شره ومدام يضربك اكيد يضربهم كمان وكيف استحملتي كل هذه السنين
استخيري وشوفي مصلحة اولادك فين بالاول وبعدين قرري ولاتنسي ان العصبية والضرب ماتولد الا جيل غاضب وناقم على الحياة
ويمكن كمان يكرهونك اذا ماكنتي قوية واتخذتي الخطوة في الطريق الصحيح اللي تحميهم من شر أب متسلط عليهم وعلى
امهم واذا زوجك شاف قوتك وانك منتي خايفة منه يمكن ينعدل ويتقي الله فيكم ودخلي ناس حكيمين من أهلك لعل وعسى:26: - ما شاء عنك صبوووورة يا ليتني مثلك
مالك الا الاستخارة واعملي لي بيتيسرلك
الله يخترلك الخير
مواضيع مشابهة
تابعي تجارب أخرى من هذا القسم.