هلابك اختي كلامك ع العين والراس
لكن انا سائحه وافرفر اغلب دبي واسكن فنادقها اللبس غير محتشم ابد ابد
ولولا الحيا كان وصفت لك اللبس اللي صادفني في الاماكن العامه وبعض المولات وبعض الفنادق
وصح فيه ملصقات ع ابواب المولات بضرورة اللبس المحتشم لكن مع احترامي محد التزم فيه
بصراحة اذا كل هذا وتقولين مب لهدرجة اجل كيف بيكون لو وصل لهدرجة!!!
وفعلا الاجانب غالبية سكان دبي ومافيه الا كم مواطن احس ودي اصورهم لان اخيراً شفت مواطنين
واحساسي كسائحه لما اروح دبي كأني رايحه دولة اوروبية لانهم الغالبيه عندكم
حتى هم يناظروني بااستغراب واستحقار لاني منقبه والحق يقال مو الكل فقط النساء الاوروبيات اما باقي الجنسيات نساء ورجال حتى الرجال الاوروبيين في حالهم
بس الاوروبيه تعطيك كلام بعيونها وردة فعلها واشمئزازها حتى في الفندق ماتسلمين منهم لان كلهم اجانب بااستثناء كم عائلة
بذات اذا مطعم او ذا وولك عيونهم تقول كيف تاكل او تمشي وهي مغطيه وجهها يحسسونك انك كائن غريب!
وانا الحمدلله مااهتم فيهم ولابنظراتهم لاني اعتز بديني كثير وافتخر بحجابي اكثر لاني ادري ولايدرون انا ليش متمسكه بحجابي
وعندنا فالسعودية اجانب لكنهم يمشون على قوانينا ويحترمون دينا عشان كذا يلبسون عبايه ويحطون طرحه اما بشكل عشوائي ع راسهم او يعلقونها ع رقبتهم وشعرهم طالع اهم شي لابسين عبايه ولما نسافر سوى مع الاجانب من السعودية لدبي تكون لابسه عبايه واول ماتوصل مطار دبي تفصخها!
المهم عسوله انا مو قصدي اسب او انتقد انا قلت اللي شفته ومافيه اي مبالغه لو ننزل موضوع استفتاء صدقيني الغالبيه من رايي وسمعت ان السكن الافضل في الشارقة بس ماجربت وماقد نزلت لها
وانا شفت الاجانب كيف لابسين في الاماكن العامة وبرضوا شفتهم في المسبح في احد الفنادق الفخمه عندكم ماراح اقولك وش شفت ولا وش نوع واشكال البكيني هذا غير انه مسبح مختلط!! فكيف عاد بمكان خاص اكثر بالسباحة!!!!!
وبالمقابل فيه عندكم محجبات من جنسيات عربية لكن عددهم قليل الاروبين والاسيويين اكثر.
عموماً لاتزعلين يمكن فرق البيئة بينا وبينكم يفرق في التفكير والتعايش لكن فالاخير نظل حبايب وجيران.
دمتي بخير
::26::
ليلة السيدات تعود مع تجربة لا مثيل لها !
متابعة النقاش، صفحة 16