اريد التوبه .. انا لا أصلي وهجاجرة القران5سنوات آآه يارب اغفرلي ابغى مساعدتكم

متابعة النقاش، صفحة 5

شاركي في النقاش

سجلي الدخول لإضافة تعليق.

التعليقات

106
  1. @abgh_atob_1

    صاحبة الموضوع
    الله يوفقك اخواتي ردودكم افرحتني
    نسيت اقلكم معلومة انا ماصلي ولا اقرا قران
    لكني تصدقون ان قلت لكم ماسمع اغاني ولا حتى اتفرج تلفزيون
  2. @am_alolyd_ondosh

    هذي بشارة خير وان الخير اللي بداخلك يغلب الشر حاولي انك تضغطين على نفسك وتقومين تصلين وخلي بنتك تساعدك تزرعي فيها حب الصلاة وتكلمي عن اثر تركها وبتشوفين انك مع الوقت بتتغلبين على الشخص اللي بداخلك وياليت تقرين على نفسك وترقين بيتك وبنتك وزوجك وشغلي البقره ولي القران دايم شغال عندكم او المحاظرات اللي تشرح صدر الانسان وتخلي الروحانيه والسكينه تتملك بيتكم وابعدي كل اللعب والصور ذوات الارواح وبخري بيتك ونظفيه يبعد عنه الشياطين وتغشاكم السكينه
    الله يصلح حالك وحالنا ويحرم اجسادنا عن نارجهنم والدينا والمسلمين اجمعين
  3. أسأل الله لك الهدايه ....الحمدلله تفكيرك بالتوبه هذي بداية الخير الله يهديك لطريق الحق..كل ما أذن ونفسك تكاودت الصلاه قولي يمكن هذي اخر صلاه لي ...خلي تفكيرك اخروي يعني فكري بالموت وسكراته فكري بالقبر وظلمته فكري بالصراط وزلته فكري يوم تتطاير الصحف قولي الرسول عليه الصلاة والسلام قال ان للموت لسكرات هذا وهو رسول صلى الله عليه وسلم كيف انا لا اصلي ولا اقراء قران وسبحان الله تلقين اللي مايصلي حياته فيها من الذنوب والمعاصي الكثيره لأن الصلاه تنهى عن الفحشاء والمنكر...من الحين انوي التوبه وغيري ما بداخلك قومي الحين اغتسلي وصلي الظهر وادعي الله يغفر لك ولا يجيك الشيطان يوسوسلك ان ربي ما بيقبل توبتك لا ياحبيبتي الله غفور رحيم يفرح بتوبة عبده بس اعزمي انك ماترجعين للمعاصي لأنك توك ببداية الطريق بتتعبين شوي بيوسوسلك الشيطان بس خليك قويه واعلمي انك بدون صلاه قطعتي الصله اللي بينك وبين ربك قولي لنفسك الله خلقني لعبادته وانا الحين ما اصلي اجل وش الفايده من الحياه اذا ماعبدت ربي!!!النمل يسبح الله الشجر انا ادميه محاسبه ليه اقصر بالعباده...

    ولكل وحده مقصره انصحها بمجالسة الأخيار سبحان الله الواحد يتأثر بمحيطه روحي محاظرات صادقي الصالحات خذي رقم داعيات اذا حسيتي انك مقصره كلميه بكلامها بتشجعك على الخير الداعيات يبون الأجر وصدورهم وسيعه ويساعدون .....خلي قناة القران شغاله اول ماتقومين من النوم او اذاعة القران رااااحه عجيبه.....




    فكري ببنتك شلون بتنجو من الفتن اذا ماصلت ولا عاشت في بيئه صالحه ماتعودت على القران وامها وابوها يصلون تشوفهم ...الحين الزمن يخوف وشلون الأجيال القادمه الله يحمينا ويسترنا....


    زوجك حثيه عالصلاه في المسجد خليه يتعرف على الامام يتقرب منه يصاحب الملتزمين اللينين طبعا لأن فيه متشددين الله يصلحهم تفكيرهم متزمت..


    خلاص من اليوم غيري حياتك ماتدرين يمكن الموت قريب وربي يحبك يحذرك !!!انا ما اخوفك بس تحمست والله كأني اكلم اختي يعني لو وحده من خواتي شكتلي بقولها نفس هالكلام لأن مشكلتنا نغفل عن الموت كأننا واثقين طولة العمر واحنا نشوف الموت ياخذ الكبير والصغير المريض والمتعافي ...أسأل الله حسن الخاتمه لي ولوالدي ولزوجي ولذريتي ولأهلي وللمؤمنين والمؤمنات ..




    واحنا هنا بالمنتدى خواتك عندك اي مشكله اطرحيها البنات يحبون الخير مابيقصرون واذا انحرجتي من شي اسألي اللي تبين على الخاص ...الله يوفقك وييسر امرك وينور دربك ويفرج همك ويصلح ذريتك وزوجك ويعينك على الاستقامه ...
  4. @tolyb_15

    حبيبتي اولاً تفكيرك بالتوبه بحد ذاته ممتاز وخطوه جيده ، ابدئي منها، مش كلام الليل يمحيه النهار هذا شيء مو سهل ياجنه خلود بلا موت ،او نار خلود بلا موت و(العهد الذي بيننا الصلاة فمن تركها كفر) هل ترضين ان يحشرك ربي مع ابوجهل وفرعون ووو... بالطبع لا تريدين جاهدي نفسك اعانني  الله واياك،،
    ابدئي التغيير الجذري من نفسك شوفي عباءتك ،لبسك،بيتك فيه منكر شيليه من تلفزيون وقنوات هابطه استبدليها بقنوات هادفه و اشرطه مجلات ......،حتى زوجك ابدئي بتغييره لتنالي الاجر اذاكان عندك وسمعتي الاذان مباشره اتركي مابيدك وتوضي وصلي هو بيراك ومع التكرار يتعود وتبدين تنصحينه ويهديه الله ان شاءالله ويعينك ايضاً، حتى صديقاتك لو كانو مثلك ناصحيهم او ابتعدي عنهن واختاري الشخص المقرب منك حاولي يكون ملتزم لكي يعينك على نفسك، لوكان عندك حلقات اودار اشتركي فيها ليزيد محصولك الايماني وتستشعر به جوارحك واصبرررررري لازم تصبرين وتستشعرين العباده اللي تسوينها انك واقفه بين يدي الله اقرءي عن الخشوع واسبابه  في الصلاه ، تصدقي صومي يوم في سبيل الله ادعي لنفسك بالصلاح.....
     الله يهديناواياك وجميع المسلمين ويجمعنا بجنه عرضها السمٰوات والارض

تابعي تجارب أخرى من هذا القسم.