صباح الخير خواتي .
كيف الحال ؟
أبي أعرض عليكم مشكلتي اللي كل سنة وفي هذا التوقيت من السنة تصير منذ عشر سنين وهي :
زوجي مدرس وعارفين دوام وامتحانات وشغل وعى طول أنا عندي شغل وما يحب يسوي لنا شئ وإذا إذا سوى غصب ويأجل أي شئ إلى العطلة في هذا الصيف طلبت منه إنا نسافر بس أشوفه متردد وطلبت منه يغير أثاث الصالة ويصبغها ووعدني بالصيف في وقت الدوام ما يسوي شئ وفيه أوراق تخص البيت لازم يسويها أجلها إلى العطلة وبدأت العطلة ومن أول بداية العطلة وهو سهر بالليل ونوم بالنهار ولما يقعد ما له خلق والنهار راح طول ما أنا أقعده وهو زين زين زين لحد ما يروح الوقت وهذا أسبوع إنتهى وهو ما سوى شئ لحد الآن وأمس قالي روحي لأهلك أبي أسهر عشان يأخذ راحته وما يرجع مضطر للبيت وأنا والشغل اللي مواعدني فيه ولا حتى قال أبي أطلعكم وإلا يأخذ العيال يونسهم بالبيت من العطلة ما طلعنا ولا شفنا الشارع والبارح نمت عند بناتي والله ولا درى عني ولا دورني عاد أنا مو مقصرة معاه وقايمة بكل شئ حتى ملابسه أنا أشتريها له حتى طلبات البيت أنا أدبر نفسي وأقوم فيها مريحته على الآخر
ألحين يا بنات شوروا علي هذا الرجل شسوي فيه اشلون أخليه يلبي طلباتي أنا تعبت منه ومليت أرجوكم أرجوكم أي حل خلاص هو قفل العطلة بدأت ما يعرف أحد:(
شاركي في النقاش
سجلي الدخول لإضافة تعليق.
التعليقات
7- هلا إختي .. عزيزتي بانصحك نصيحة ..الزوج دائما مايحب كثرة الطلبات اللي ورا بعض وكل طلب وكل يوم شغله تهد البدن ..
لا عزيزتي ماراح ينفذ لك ولا وحدة ..لكن بالتدريج حبة حبة حتى لوكان لك سنة وإنتي تطالبينه وجربيها بنفسك ..
لكن قولي له وش رايك ياعيوني او ياأبو فلان هالشهر نصبغ ..والشهر اللي بعده نغير الأثاث .. وإذا بدا بالصبغ ..وصبغتوا قولي وش رايك حبي لوغيرنا الأثاث الحين ؟؟مرة وحدة تفتك من الحوسة ..
وخلي كلامك موجهة على إساس إنك تبين راحته ..ووخليك مرحة أثناء طلبك له وخليك فرفوشة ولا تزعلين قولي ياعمري يالله قولي متى وعطني عهد وخليها كلها بأسلوب رمح ..بعدين بعد شهر قولي للعيال يالله قولوا لبابا نبي نسافر وانتي من بعيد لبعيد يالله ليتنا نسافر ..وبها الطريقة ..
لأنهم للأسف يظنون إنا طمعانين حتى والله لوإن لنا سنين موسنة طلبين أغراض معينة .. لكن زي ماقلت لك حبة حبة لا يهج الرجال ..وإن شاء الله تعطينا الأخبار الزينة ..
وأخيرا ..عزيزتي أكثري من الإستغفار ..وإسئلي اللي قادر عليه هو الله إنه يسخر قلب زوجك لك وويوافق على اللي اللي تبينه ..
وأتمنى إني أفدتك ولو بالقليل .. - مشكوووووووووووووووووووورة يا أسوم أنت الوحيدة اللي جبرت بخاطري وعسى الله يوفقك
- المحافظة على صلاة الفجر خصوصا والصلوات عموما من أسباب جلب الرزق.. وتحسين العلاقة بين الزوجين..
أصلحي مابينك وبين الله وحاولي أن تعيني زوجك على هذا.. وسيصلح الله ما بينكما..
صلاة الفجر..
الرجل في المسجد مع الجماعة..
والمرأة في بيتها في وقت الصلاة..
صلاة الفجر مفتاح الرزق ومغلاقه..
المحافظة عليها فتح باب رزق..
وتركها أو إهمالها غلق باب رزق..
. - انتي غلطتي من الأول لما ريحتيه وشلتي عنه كل حاجة!!!!!!
ترى الرجال ما يحس بالمسؤولية الا لما يشوف البيت محتاجة ولا بكرة بيروح يدور على الفطرة وعلى المسؤولية الله يستر عند وحده ثانية......
تحملي مسؤولياتك وارمي مسؤولياته علية لاتندمي بكرة....... - انا صراحه رائي من راي الا خت :26: aسوووومa
لا ترمين كل شي عليه مره وحده خليها حبه حبه
علشان مايقول طفشتيني من كثر الطلبات
وانتي غلطانه عودتيه على انك حامله كل المسئوليه من البدايه
وصار اتكالي حسسيه انه مسئول بعد والله يوفقك ويسخرلك زوجك
وانصحك بقيام الليل مع قراءه القرأن
:26: :26: :26: :26:
مواضيع مشابهة
تابعي تجارب أخرى من هذا القسم.