عامليه مثل مايعاملك ...فيه اقوال كان هلنا الاولين يقولونها لنا ومازالت تنقال لنا ...وهي امور في الحياه وافضل الامور اللي يكون عليها الرجل والمراه ,,وهي يقولون لنا المراءه تشوف نفسها في بيتها يعني تكونين متكبره ومتعاليه ليه عشان الرجل ماينقص عليكي في شي ولايتمنن عليكي بامور يسويها لك ..شوفي نفسك عليه لاتكونين ضعيفه قدامه اكسري عينه وخليكي شامخه قدامه بس مو بالهواش ورفع الصوت لا بالاسلوب والرقه واعطيه حجج يعني لما تشوفينه يتعالا عليك واجهيه باسلوب راقي ومنمق وخلي حججك مقنعه قدامه ...ولاتجرين وراه ترى الرجال يحب المراءه اللي طنشه وماتعطيه وجه خذيها مني وانا اختك لاتسالين عليه خليه لين يتصل عليكي وباقول لك حاجه ان ما عودتيه على اسلوبك وعلى طبعك من الحين وعلميه انك بنت من بيت محترم وله وزنه ترى والله راح تتعبين معه يقولون (الطفل على ماتربيه امه والرجل على ماتعوده المراءه )ترى كل شي من البدايه ان بديتي صح راح تكون حياتك كلها اوكي ون صار هناك خلل في البدايه راح تتعبين والله يجمع بينكم على خير ...تقبلي مروري ,,
نصيحة مني لا تناقشيه يوم يبدا يعصب لانه انتي حاتعصبي واكيد الشيطان بيدخل بينكم وقتها و يصير شد وزعل اسكتي والله مرة على مرة بيبطل الاسلوب دا وانتبهي تتصلي عليه بعد اي مشاحنة او اي شد في الكلام
فيه واحده من جماعتنا سبحان يعني كيف اقول لك مافيها من الجمال شي بس سبحان الله رجالها مايدري ايش يسويلها وترى زوجها شايف نفسه ..بيت قصر وسياره فخمه وظيفه ماشاء الله وظيفته ميجر في شركه صناعيه بس لو يجي عند زوجته انه مايسوى عندها شي لييه ..لانها شايفه نفسها عليه والله انها ماتشوف الناس اللي حولها بشي يعني لدرجه نقول ليه متكبره لذي الدرجه ..وترى يعني هي من اسناف الوالده تقول الوالده كانت قبل زواجها انسانه متواضعه ومرحه وضحوكه بس مجرد تزوجت هذا الادمي تغيرت 180درجه ليه لانها اعرفت ان ذا الانسان مايصلح له الايعامل نفس معاملته لها ,,انتي اتبعي نصيحتي لك والله اني محتره عليكي ولاتجرين وراه نصيحه لك خليه هو اللي يسال عنك ..واللي تفولك كلميه ,,مع احترامي يقولي انك عجوز وانك ماتعرفين خير وتبغيني اكلمه ,,كل شي ولا كرامتي المراءه ان انهانت كرامتها اش بقالها ,,عزي نفسك واحترميها ان احترمتيها بيحترمك ويحسب لك الف حساب ...