تهاوشت انا وزوجي بسبب امه

انا ساكنه مع اهله وهو طول الوقت عند امه لمن يخرج مع اصحابه يجيب لي اي شي معاه وهو جاي للبيت وزوجي فاضي مايشتغل ومن كثرة المشاكل مع اهله قطعت علاقتي معاهم لكن هم مايخلونا يذكرو زوجي بالمشاكل وانا اعرف من وجه يبان انه محرض واسال عيالي اتاكد اكتر مو اني اتجسس بس اسالهم جده خاصمت بابا يقولو ايوه وزعقت له بصوت عالي ويجي عندي زوجي وهو ساكت واعرف وقتها انه زعلان فما  اعصبه زياده هو اللي يبدا بالسب ...مو معقوله يااخواتي افتح موضوع واتبلى على ام زوجي المسنه كل وحده تعرف وحافظه زوجها مابي شي منكم غير تدعولي ...

الله يهدي سركم ويالف بينكم ويسخركم لبعض
امه حرمه كبيرة في العمر والقدر --تعزينها من معزته وتغلينها من غلاه ---البيوت لها اسرار ومشاكل محد فاضي بس ارفعي ايدج بالدعاء وربج ما يردج خايبة ان الله يسخره لج ولعيالج
اذكر قصة انذكرت في اكثر من مكان ان حرمه سارت عند الحكيم او العالم او الشيخ وقالت له ام زوجي منكده علي وحياتي مع زوجي تعيسه بسببها وحاولت وما قدرت مب راضية تتغير قالها بعطيج عشبه خليها تشربها كل يوم لمدة شهر وانت غيري معاملتج للاحسن ساعديها في شغل البيت وراضيها وكل شيء زين سويه لها واذا صارخت عليج تحملي ولا تردين وبعد الشهر تعالي
سوت الحرمه اللي قاله الحكيم ورجعت بعد شهر وقالت له مشكور عطني زياده من هالعشبة نفعت وايد مع عمتي تغيرت معاملتها تماما وصرت اغلى من بناتها
قالها السبب مب في العشبه لانها عشبة عادية ما فيها اي شيء لكن انت السبب تغيرتي معاها فتغيرت معاج
اختي الغالية سواء هالقصة صح او مجرد خيال ثقي ان عمتج هي امج لانج في بيت ابوج تتعرضين للصراخ والتوبيخ من امج حتى وانت متزوجة تزعلين شوي وترضين وتقولين ما اقدر ازعل عليها هاي امي
اللي ما ترضينه لامج لا ترضينه لعمتج
اصبري واكثري من الاستغفار ولا تدعين الا بالخير واكثري من الاعمال اللي تحبها عمتج تعالي على نفسج شوي
تغلين وتكبرين في نظر زوجج اكثر وحتى لو رجع زعلان ويصارخ من عندهم الزمي الصمت
محد بينفعج غير ريلج اصبري عشانه وتحملي فترة وبتمر والله يعينج

الله يكون فعونك

ادعي دايم اللهم اكفنيهم بما شئت
وتغافلي عنهم
واصبري
الا مايفرجها ربك

تهادوا تحابوا ارسلي لها هديه مع عيالك وقولي لهم امي تسلم عليك جربي وماتندمي واهم شي التززززمي الصمت مع زوجك اذا فتحلك موضوع واهم من كل هذا استغفررررررررررري