هل استحق زواج زوجي عليه ادخلوا واحكموا واتقبل كل كلمه تقولونها .>>استوفي الردود

الله يبرد قلبك
انا بس قريت مت من القهر الله يعين

دامك كاتبه قولو الي تبون تقولون انا اقول تستاهلين عزيزتي لاني ببساطه اكره الشخص اقادر المتقشف ع نفسه (واما بنعمه ربك فحدث)والله سبحانه إذا أنعم على عبده نعمة يحب أن يرى أثرها عليه في ملابسه وفي أكله وفي شربه، فلا يكون في مظهر الفقراء، والله قد أعطاه المال ووسع عليه، لا تكون ملابسه ولا مآكله كالفقراء، بل يظهر نعم الله في مأكله ومشربه وملبسه. ولكن لا يفهم من هذا الزيادة التي فيها الغلو، وفيها الإسراف والتبذير.وانتي بخلتي ع نفسك وخلي بخلتس ينفع واللهم لاشماته بس صراحه تجلطين

أيش ينفعك فيه الملامه ؟؟
أنتي مب ناقصه أحد يجي يلومك ويأنبك ..
أنتي محتاجه أحد ياخذ بيدك ويربت على كتفك ويقولك امر الله نااااااااافدذ
عطيتي زوجك فلوس أو ماعطيتيه ..صرفتيها أو بخلتي فيها ..إن كتب له ربي زواج بيتزوج ..!!
والله لو كنتي تلبسي أغلا الجواهر والألماسات وملابسك من أرقى بوتيكات باريس وماتصيفي الابالنمسا وسويسرا ..
وماتوفري له ريال لو بغى يتزوج بيتزوج مايرده ..
اللي بخاطره يعدد والله لو أهو فقر الناس وعايش عالجمعيات الخيريه بيعدد ومابيرده الفقر عن اللي براسه !!
فلاتلووومي نفسك وتقولي أنا ساعدته ..أنا هيأتها له ..! هو متهيأ ومستعد للزواج من حاله ..!!
فكري بمشروع العممممر ..أستثمري مابقي من حياتك ..
حرآم تهلكي حالك بالحزن والتفكير ..والله مابيفقدك ولابيحزن عليك الا أولادك ..!!
إعتبري زواجه نقطة التحول اللي كنتي محتاجتها علشان تفوقي من حبك له وثقتك العمياء فيه ..
تناسي اللي صار وقولي الحمدلله يبتقولي كيف أتناسى وهو قاعد يتصرف بفلوسي ..
الحمدلله إن فلوسك ماتصرفيها ع علاج من مرض عضال أصابك ..
أو أصاب أحد أولادك ...أو أمك أو أبوك ..
قولي الحمد لله مااكان أبتلائي بمرض يآكل لحمي ويفتت عظمي ..
ولامرض بأحد أولادي ..ولامصيبه بعزيز وغالي ..
يارب لك الحمد ع الصحة والعافيه , ع الذرية الصالحه السليمة المعافاة ..ع الاولاد البارين الصالحين ..
عالوظيفة اللي تسندك وتقوي شوكتك وتمنعك عن سؤال الناس ..

فكري بالجاي وبس ..كيف تبسطي نفسك ..كيف تبسطي أولادك ..
من اليوم أفصلي حلالك عن حلاله ..ولاتسأليه عن اللي أخذه ..
وكليه للقاضي السمآء ينتصف لك منه ..
قوليها له ياابو فلان أنت عارف فلوسي وين رآحت ..
أنا ماابشكيك ع قضاة الدنيا ..أبشيك ع قاضي السمآء ..
اللي يعلم في عالي السمآء إن مالي وحلالي أخذته مني بغير رضاي ..
إي نعم أنا شاركتك إياه برضاي ..بس ما سمحت لك تتصرف فيه ع زواجك ..وعلى هالكلمة أسكتتتي ..
وأبدأ عيشي حياتك مع أولادك ..سافري لكل مكان نفسك فيه ..عوضيهم أنبسطي ..
اأشتري لنفسك كل شيء تحتاجيه ..إفرشي بيتك من أفخم وأحلى شيء ...وأتصدقي وذوووقي حلاوة تعبك ..
بلاش تسألي أستاهل يتزوج عليّ أو ماأستاهل ..
لأنك بكل الحالات مايتغير من واقعك شيء ..
بالعكس ممكن تقرأي أجابات تعنفك بشدة ..وكأنهم خلقوا ملائكة مايخطئون ..!!

الله يفرج همك هناك رب رحيم أفرشي سجادتك أختي وأبكي بين يدي رب ر رحييم