كيف أغير من نفسي؟

انا سعيده بشكل عام بحياتي

زوجي يحبني و احبه و عندي منه بنت زي القمر

مو مقصره عليها بشي

بس بما اني استفدت كثير من تجارب أغلب العضوات

و بالذات موضوع الاخت ميلاد الكلمات قتلني و حسيت كأنها تتكلم عن مستقبلي

حرضني موضوعها أنزل موضوع و اطلب منكم المشورة

زي ما قلت لكم أنا سعيده بحياتي

مو حياة وردية ولا كلها رومانسيه لكن حياة معتدله فيها اوقات زعل و فيها اوقات رضا

و بما اني انسانه اكره النكد فـ أنا اطنش كثير تصرفات

من زوجي المفروض أكبرها بس ما احب المشاكل معاه...

نجي لموضوع المادية .. بما ان راتبي اعلى من زوجي قررت اني اتساعد معاه

و انا اللي اقوله اعتبرني يدك اليمين ،، لا يضيق صدرك ،،

راتبي على راتبك يكفون نعيش حياة حلوه .. و من هالكلام

الا اني ما اسمع منه كلمه تبين انه يقدر هالشي اللي اسويه بل على العكس ...

يحسسني اني تزوجته و راتبه على قده فهذا واججبي اساعده ..

بحيث ان الالتزامات الثقيله نتقاسمها (علي اجار البيت و عليه اقساط السيارة )

مع العلم ان السيارة انا اللي دافعه مقدمها و اجار البيت علي

و احين بروح اسكن بيت حلال ، باسمي وانا اللي ادفع اقساطه

اغراض البيت شهر علي و شهر عليه أو اللي متوفر معاه مبلغ يروح يجيب المقاضي

فاتورة الكهرب أنا اللي اسددها ... و احين يبي يصلح السيارة و يلمح ان ما عنده مجال لتصليحها

يعني احتمال كبير بتكون علي انا و بيدفع القليل

يالله شفت حالي في "ميلاد الكلمات" ،، يارب اتغير انا لسه باقي في البداية بس شلون؟!!

انا ما اطلبه مصروف لا لي ولا لبنتي .. اصرف على نفسي من الالف الى الياء

هو اذا توفر معاه شي جاب لي هديه والا جاب اغراض بنته و اغراض البيت

بس انا ابد ما اكلف عليه ابدا ... و زي ما قلت لكم هو ابد مو محسسني انه مقدر هالشي

هذا اعتراف مني بالمشكله ... ابي الحل ؟!

انا استحي اطلب منه و ما احب اضغط عليه بالمصاريف

خاصه انه يبان عليه اذا متضايق من الحياة و الغلا فعلى طول ابادر بمساعدته

اذا عطاني من نفسه خذيت بس مو ملزوم بمصروفي

شوركم يا بنات وش اسوي؟

48 تعليق 7,831 مشاهدة

شاركي في النقاش

سجلي الدخول لإضافة تعليق.

التعليقات

48
  1. قلبي انا باقولك شي الرجال مهما كان اذا زوجته عودته من البدايه فراح يتعود فانا اقولك من اللحين عوديه لاتخلين كل شي عليك امي زيك الى وصلت لدرجه ان ابوي يطلب منها فلوس البنزيم ويقولها انتي راكبه معي ولا يزعل ولايكلمها فانا ما احرضك هو حلو ان الوحده تكون مكمله لزوجها بس بحدود فحاولي زي الفاتوره هو يسددها البيت هو ياخذ له وسيارته
  2. @ghyod_12

    صاحبة الموضوع
    ام ريما وحمودي
    قلبي انا باقولك شي الرجال مهما كان اذا زوجته عودته من البدايه فراح يتعود فانا اقولك من اللحين عوديه لاتخلين كل شي عليك امي زيك الى وصلت لدرجه ان ابوي يطلب منها فلوس البنزيم ويقولها انتي راكبه معي ولا يزعل ولايكلمها فانا ما احرضك هو حلو ان …
    آمين ولك المثل




    ان شاء الله ،،

    بس انا اخاف يزعل أو كلامي يجرحه !!
  3. يا قلبي انتي
    من كلامك انتي اللي قايمه بالبيت كلو
    ايش بقيتي عشان هو يسوي ولا يدفع
    صح الحرمه توقف مع زوجها بس بحدود
    مو اعطيه كل شي و اعوده و اقول ابغى اتغير
    اطلبيه يجيب لبنته كل اغراضها
    روحي السوق و خليه هو اللي يدفع قولي لو نسيت بطاقة الصراف
    لانك لو استمريتي على حالك دا حبه حبه راح يشيل يده من المسؤولية كلها
    و راح يجمع الفلو س عشان يجيب التانيه على رأسك
    عارفه كلامي ممكن يزعلك بس انصحك
    لا ترخي ولا تشدي الاعتدال حلو

تابعي تجارب أخرى من هذا القسم.