هل استحق زواج زوجي عليه ادخلوا واحكموا واتقبل كل كلمه تقولونها .>>استوفي الردود

انت حره في حقك وحق اولادك لكن اين حق الله في مالك من زكاه وصدقه صدقيني لانحتاج لجمع المال ولكن نحتاج ان يبارك لنا الله فيه وذلك بدفعنا للصدقات والزكوات لكن حبيبتي لم يفت شي اذا عندك ابدئي بتزكيته والتصدق بالبضع وقد وعد الله جلا وعلا بالبركه فسبحانه البركه ليست في المال فقط وانما سوف ترين ذلك في اولادك وصحتك
انما هو ابتلاء فاصبري

بغض النظر عن مصداقية القصه من غيرها من كثر القصص صرنا ماعاد نعرف الصحيح من غيره

لكن مايمنع انها تكون عظه وعبره بعض حريم تتمتع وتستلذ بالعطاء بدون مقابل وخصوص لزوج

وردود حره على كف صقار وجادل الدواسر
آراء صائبه 100%

زياده عليها يا بنت الحلال الندم ماراح ينفعك بشي زوجك ماراح يشرد اولاده ويرميهم بالشارع وخصوص انتي تقولين له مركزه الاجتماعي والي له مركز اجتماعي اكيد راح يهتم بنظرة الناس

الحين لازم ترممين الي هدمتيه بنفسيات عيالك وبناتك

راتبك ماهو قليل خصوص انك ماراح تدفعين ايجار ولا الاشياء الاساسيه متعي عيالك وابسطيهم بفلوسك عوضيهم الحرمان والبخل الي عيشتيهم فيه

لبس طلعات سفريات

واذا تبين زيادة دخل مثل ماقالت وحده من العضوات انتي مدرسه ومعك خبره والمدارس الاهليه بتلقين وظيفه واستقدمي خادمه

وترى الفلوس في بركتها ماهو بكثرها وقلها

والصدقه وما ادراك ما الصدقه لاتبخلين فيها تضاعف بركة مالك بدون ماتحسين

عن أبي هريرة ، عن النبي صلى الله عليه وسلم أنه قال : ما زاد عبد بعفو إلا عزا ، ولا تواضع عبد لله إلا رفعه الله ، وما نقصت صدقة من مال


واستسمحي من اهلك ولا اتوقع انهم بيخذلونك

وزوجك اتركيه لله والله اذا هو ظالمك ومتعدي على مالك انه ماراح يتهنى بحياته

انتي في مجتمع حولكم اهل اقارب اصحاب الكل بيشوف فعله ويحتقره

الي مافيه خير لعياله مافيه خير لناس

وانتي افضل من غيرك بكثير ولله الحمد ربي رزقك بنعمة الذريه وغيرك يحط ملايين علشان يحصل طفل واحد

نعمة العافيه الي مالها ثمن

عندك دخل ثابت وهو تقاعدك خمس الاف

غيرك مطلقات وعايشات على الضمان مع اطفالهن واذا طالبت بنفقه هددها يسحب اطفالها


والنعمه الاكبر انك تنامين وانتي مظلومه ما انتي ظالمه ومتعديه على حقوق غيرك

وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ

وربك مايضيع عنده مثقال ذره فكيف بيضيع حقك وانتي حطيتي مالك وشبابك لزوجك علشان مستقبل افضل

أنتي لا شك ظلمتي نفسك ,, لكن اللوم ما ينفع الحين .
سامحي نفسك على ظلمك لنفسك ,واطلبي من الله يسامحك .

المهم أنتي ذكرتي في كلامك شيء يوحي أن زوجك بيرجع لك فلوسك ,
لكن الظاهر يبغي في البدايه يحسسك بخطأك وظلمك لنفسك وللي معك .
وإن شاء الله يصدق هالشي ويرجعلك فلوسك , وتتعلمين درس للمستقبل.

والأهم إنك تتجهين بقلب صادق وحرص كبير لله سبحانه وتطلبين منه كل شيء.


الله يوفقك.

انتي جنيتي على نفسك

وحرمتي اطفالك حرام عليك

والحين لازم تصححين غلطتك وتعوضينهم

ودامك عودتيه على هالامور تحميلي

الله سبحانه وتعالى يمقت البخيييل

اسمحي لي هذا جزاك تستاهلين لانك حرمتي عيالك

الحمدلله والشكر والله يعين عيالك عليك وعلى الاذى الي تسببتيه لهم

والي مافيه خير لي اهله مافيه خير لناس