اتهاوشت انا وزوجي وانا الحين ببيت اهلي

الله يجزاكم خير
اليوم يقولي باجي اخذك من الباب اما ادخل لأ ماعندي استعداد ابوس الايادي
قلتله انا ما ني راجعه كرامتي انتا اهنتها اذا تبيني انت تجي واطلع اتكلم مع ابوي غير هيك ماعندي استعداد ارجع
بس المشكله اليوم يقول للاولاد امك ماتحبكم ماتبيكم لو تبيكم كان رجعت

الله يهديه بس ليتك رجعتي عشانهم بس شوفي هو ما بدا محاولات الا حس باهميتك انتي حاولي تحلين الامور بحكمه واضغطي على نفسك عشان عيالك وربي ولا هو مايسوا التاليه من الغنم على قولتهم

رجلك يبي له تأديب

لا يكون أولادك نقطت ضعفك اللي لقاها عليك

لان اذا رجعتي تبين ترجعين ع نفس ألطريقه

نصصصصصيحه ادبيه ، ادبيه

رجلك شفايفك طوشه يهاوش ويطرد و لا يحسب لهذا الفعل أي حسسساب

صدقيني يبي له تربيه خلي طلعتك زي ما كانت سهله يطلع مرا ثانيه يحسب لها ألف حساب

و اسمحي لي طففففل قاعد يحكي لاولادك أمكم ماتبيكم بالله ذا رجال

نصيحتي امسحي به البلاط بمعنى تمسكي انك ترجعين بكرامه ووعد و رضاوه فوقها

أولادك استودعهم الله الحمد الله أنهم مو بنات او فيهم بنت هي صدق تخافين عليها

ولاهم ابو 4 سنوات او 5 سنوات ،،، ماشاء الله رجاجيل تطمني وأدعية لهم

لان هذا منعطف كبير بحياتك أما استمريتي ع نفس الموال تتمين طول عمرك عليه

ولا المشكلة هي لما تفقدين احترام أولادك لما يكبرو ويشوفو كل شوي يلطش بك

او انك تسددين له أكبر درس في حياته ما ينساه يصير يتأدب بعدها ويحترمك

صدقيني أن رجعتي بتتمين تتعبين منه نوعيته يبيعها تربيه

و عشان أطمئنك ترا واضح مو قادر على المسؤولية حواس بغلطته ويبي الأمور تتصلح بسرعه

طبعا بدون نايبين انه غلطان ، هو اللي جاي متكررم عليك ورجعك للعلم بيكون هو الزعلان وتجلسين تراضينه !!!!!!

حركاتهم يقلبون الطاولة


هذا رأيي كتبته من قلبي لان مابي تضيعينها هالفرصصصصه

ولكل الأخوات ، كل رجل له أسلوب بس بعضهم يحتاج درس ليتادب

الله يفرج همك ويكتب لك مافيه الخير
لاتنسين الصلاة آخر الليل والدعاء والاستغفار الله يردلي ولك عيالنا عاجلا غير آجل

بدا ينضغط من المسؤولية
ومع ذلك قاعد يكابر ويتصرف بغرور وعنجهية
شوفي عزيزتي انا متاكدة لو رجعتي معه بسهولة بيكرر التصرف
لو كنت مكانك ابقوله رجعه مني راجعه واطفالي استودعتهم رب العالمين
واقفل الجوال واخليه يدور حول نفسه
لو كانت هذي اول مره تروحين لاهلك واول مشكلة كبيرة تصير بينكم
كان قلت لك ارجعي واعطيه فرصة
لكن دائما يهدد بالطلاق وكل مره تروحين بيت اهلك وترجعين
معليش لحد هنا وستوب
والمصيبة انه يكلمك وبكل عنجهية يقول تطلعين عند الباب وانا ما ابوس الايادي
فعلا وقح ومايستحي
وعلى فكرة عيالك عارفين ان البلا بابوهم وحاسين بكل شي
واتوقع بيستخدمهم كوسيلة ضغط بالايام الجاية


الله يفرج همك ويسخر لك يارب