حركة أعجبت زوجك فبيت غيرك

اخواني يمدحو اواني التقديم لما تكون متناسقة مع بعضها ( يعني تكون القعدة لها ثيم معين )

ونظافة البيت وريحة العود والبخور في البيت

ولاحظت فيهم يعشقوا الطبخ الشعبي ويحبوا التجديد في طريقة التقديم
وما يحبوا التجديد في الاكل

يعني الاكل شعبي زي ما هو بس طريقة التقديم هي اللي تختلف


كمان لاحظت معظم الرجال في عايلتنا ما ياكلوا من الاكلات الجديدة زي الزانيا والفتوشيني والصواني اللي فيها ابتكار
ما يبغوا غير الاكل التقليدي الحجازي
بالذات الاسماك

موضوع جميل ..و نبهني لاشياء مهمه ...زوجي دقيق جدااااا مثلي.. هو الوحيد بين سته بنات فيفهم فسوالف الحريم ويهتم لها..

من تقديم وتجديد وفنون وديكور واثاث وهذا شي حلو صحيح لكنه متعب بصراحه..

ينتبه للمكيفات السبليت وشفاطات الحمامات من فوق اذا كانت نظيفه والا مغبره.. الدلال والترامس والصحون والملاعق تلق ونظيفه..التقديم اتيكيت ومافيه زحمه.. الحلى موزون ورااااقي...القهوه محبووكه.. الروائح تجذبه بكل انواعها وخاصة الفواحات العطريه عند الحمامت..الدعاسات نظيفه..المويه مايكون فيها طعم ثلاجه او اي شي.. التمر جديييييييد ويلمع والاكل حاااااااار مو بااارد وطبخ بييييت.. التنويع مهم جدااا عنده يعني شي بالدجاج وشي باللحم وشي بالخضار ..

كنت احسب زوجي ناادر ..لكن الان شريحه كبيره من الشباب بدو يتوعون لهالامور وماصارت حكر على الحريم!!!

:)

أنا زوجي ما بينبهر باي شيء
الدنيا عنده فانية
لو عايزة اعمل اي حاجة في البيت ولو ضرورية جدا يماطل وبالسنة على ما يعملها
ويقول يا ريت الواحد كان على ايام النبي عليه الصلاة والسلام ينام على الارض ويتغطى بقطيفة والسلام
ولو اشتريت حاجة جديدة في البيت يقول ما لهاش لزمة