شاركي في النقاش

سجلي الدخول لإضافة تعليق.

التعليقات

241

  1. صاحبة الموضوع
    شمعة العيون
    حبيبتي مشكورة وانشاء الله ببتدي ببرنامج بهذة الاجازة وبعد شهر بخبرج بالنتائج الحلوة ومحلاة الانسان اذ دخل واعجبة الشي مدح واذا ماعجبة الشي طلع من غير مايجرح ويجذب ربيعة
    يا مرحبا بج الغاليه و ان شالله تطلعين من البرنامج بنتيجه حلوة ..

  2. صاحبة الموضوع
    بنات بسم الله الرحمن الرحيم ..
    ييت لكم مره ثانيه و ها المره بزززيد ماسكات اكثر .. و من كل الانواع ...
    و بنات ما اوصيكم ع الاششيا اللي قلتها فوق و بحطها بنقاااط ..
    1- لا تسشورين شعرج واايد الا للضرورة و انا كنت ها الفترة كلها ما اسشوره موووليه
    2- استعملي شامبو طبعيي حق شعرج و لا تحطين واايد من الشامبو يوم بتسبحين
    3 - سوي تدلي و مساج لفروة راسج ع الاقل باليوم مره وحده لمدة ربع ساعه .. انا اسويه و انا اطالع التلفزيوون
    4- يوم بتمشطين شعرج .. مشطيه من تحت و انتي منزله راسج تحت .. هذي واايد تنفع
    5 - اتوكلو على الله و اتاكدوا انج اذا محطية ببالج انج بتستفيدين راح تستفيدين .. يعني خلج متفائله


    انزين خل انيي على الماسكات ..

    بسم الله الرحمن الرحيم ..

    * ماسك تطويل
    اتيبين شدة جرجير و تحطين معاها كاس و نص زيت جوز الهند.. و تخلطينهم بالخلاط و تخلينهم يوم كامل .. و عقب يوم تستخدمينهم .. تحطينهم بشعرج و تسوين مساج .. عقب اتخلينهم ساعتين .. و تغسلينه
    * ماسك تطويل
    نفس اللي فوق بس بدل زيت جوز الهند تستخدمين زيت زيتون ..

    * ماسك كثافه
    ملعقة عسل + ملعقة كبيرة زيت زيتون و صفار بيضه .. و تحطينهم نص ساعه .. و تغسلينهم .. هذا الماسك بس مره بالاسبوع و ينفع حق المتزوجات
    * ماسك كثافه
    تيبين قشر حبتين موووز و ملعقة كبيرة حلبة و زيت جوز الهند حوالي كاس و نص او اكثر بشوي و تحطينهم بجدر و تغلينهم ع النار و عقب خليها 4 ايام غقب اخلطيها بالخلاط .. و حطيها ساعتين .. و ترومين تجهزين الخلطة قبل و تجهزينها متى ما بغيتي تستخدمينها ..
    * ماسك نعووومة \
    علبة روب يعني زبادي و ملعقة عل و ملعقتين او اكثر زيت زيتون او اي زيت و صفار بيضه .. و تحطينهم على شعرج لحد ما تنشف..
    * ماسك نعوومة
    3 بيضات كامله و ملعقة زبادي و ربع ملعقة عصير ليمون .. تدلكين فيها الشعر عقب تخلينها ربع ساعه
    * تغذية
    مايونيز تحطينه ع الشعر ساعه كامله و مره وحده بالاسبووع
    * تغذية
    بيضه وحده و عصير ليمونه وحده ,, نص ساعه

    * تساقط الشعر ..
    تييبين شدة كزبرة و تحطين وياهم ماي .. تقريبا 3 دبات ماي او اكثر بشوي .. بس مب صغيرة .. يعني الدبات اللي فيها لتر و نص ماي .. و خليهم يغلون ربع ساعه .. يعني خليها لحد ما تغلي و عقب ما تغلي خليها ربع ساعه تغلي ع النار .. و عقب خليها تبرد و صفيها .. و عقب اغسلي شعرج فيها ثلاث مرات بالاسبوع ... و لا تستخدمين الشامبوو .. اغسلي شعرج بصابون زيت الزيتون بدال الشامبو و ترى بعد يكثف الشعر ..
    بعد ادعكي الفروة بالليمون .

    و بعد تييبن ملعقة كبيرة زعتر ناعم و تحطينه في كوب ماي و تغطينه و تخلينه يوم كامل و عقب تصفينه و بعدين تدلكين فيه فروة الراس و تسوينه يوميا .. يعني كل يوم تنقعين زعتر علشان تستعملينه اليوم الثاني ...


    و كلي واايد جزر و خيار و جرجير .. بس بدون ما تقشرين الجزر و الخيار .. بس لا تزودين الجرجير عن شده في اليوم ..

    و في وصفه حلوة ...

    تيبين قشر موز و زيت جوز الهند وزيت الزيتون و تخلطينهم بالخلاط و تحركينهم على النار الهاديه ربع ساعه .. و تحطينها بالثلاجه دووم .. و تستخدمينها على شعرج و تخلينها ساعتين .. تستخدمينهم 3 ايام وورا بعض .. و عقب مره وحده بالاسبوع .. و مشطي شعرج قبل لا تغشلينها عسب يخوز المووز ... بس ترى استعملي قشر موووز يديد .. و الزيت الزيتون و جوز الهند قد بعض .. وقشر الموز اذا بتحطين كاس زيت زيتون و كاس زيت جوز الهند حطي قشور اربع موزات تقريبا.. و هذي تكثف الشعر بعد ...


    * للشعر المصبوووغ
    اللي شعرها مصبووغ و ما تبي ترووح الصبغه .. هذي ماسكات بدووون زيوت ..
    بيضه + عصير ليمونه ... نص ساعه
    3 بيضات + ملعقة زبادي + ربع ملعقه ليمون ... نص ساعه
    و لا تستخدمين زيت الزيتون لانه يغمج الشعر

    بنات بغيت اقوول انه الماسكات كلها مجربه .. شي منها يايبتنها من ربيعتي و شي منها من النت و الله يجزي الخير اللي محطينها .. لكن ما حطيتلكم ماسك انا ما جربته .. ماعدا ماسكات التساقط مجربه وااحد بس .. و الباقيين كلهم اختي مجربتنهم لانه شعرها يتساقط و ربيعتي .. و مفيده ..

    و اتمنى لكم كلكم التوفيق و ان شالله تحصلووون احلى شعووور في العالم ..

  3. صاحبة الموضوع
    ابي اضيف معلوومه للبنات اللي كانو يستفسرون عن الشامبو اللي استعمله .. انا ماعرف اسمه لانه بالهندي .. بس عادي ما يخالف استعملو اي شامبو صحي .. نصيحتي لكم تستعملوون شامبو صحة مال السدر او تستعملوون صابونة زيت الزيتون كانها شامبوو .. يعني تفركين فيها شعرج و تراها مفييده واايد و انا استعملها بعد مرات بس لاني مب متعوده عليها ..


    و بنات اي سوال انا حاضرة .. و ترى اللي يبي ماسكات على عيني و على راسي .. انا كنت محطيه الماسكات كلها بدفتر و مقسمتنهم على سب الايام .. علشان جذي عندي واايد ماسكات .. معظمهم مجربتنهم .. فاسالووو عادي و انا بالخدمه .. و ان شالله اذا جربت باقي الماسكات و شفتها اوكي برد الكم خبر ...

تابعي تجارب أخرى من هذا القسم.