الغاليه انا يبت لج جم شي بس يعلم الله اني مب مجربتنهم .. بس كلها اشيا طبيعيه فاكيد ما بتضرج و انتي جربيهم .. الغاليه نصيحتي لج .. انج تسوين لج نظام لمدة اسبوع او اسبوعين .. يكون مكثف .. تطبقين كل الماسكات و الخلطات حق القشرة و اذا عقب الاسبووعين ما نفعووج روحي للدكتور بيووصف لج شي شامبوهات او اي شي من الصيدليه و جربي و ان شالله بترووح القشره كلها .. بس اذا راحت القشره ردي سوي ها الماسسكات ع الاقل لو مره او مرتين بالاسبوع علشان ما ترجع ,, 1- تدلكين شعرج بملح مال الاكل و بعدين تغسلينه بشامبو ,, و تاكدي دووم انج تشطفين الشامبو كله بالماي .. لانه الشامبو اذا تم بالشعر يسبب قشره 2- عقب ما تغسلين شعرج تدلكين فروة راسج بنص كوب فيه عصير تفاح و خل و تخلينه شوي عقب تغسلينه .. و هذا تسوينه لمدة اسبوع يوميا .. بس اسبوع 3- تيبين كوب واحد ماي و تحطين فيه ملعقتين زعتر جاف و تغلينهم .. و خليهم خمس دقايق و بعدين صفيه .. و يوم بتغسلين شعرج دلكيه فيه و دلكي الفروة بعد .. و لا تغسلينه عقب ..
4- هاتي كاس ماي و كاس خل تفاح و ملعقة كبيرة تقريبا نعناع جاف .. و اغليهم .. و عقب صفيه ...و دلكيه بفروة الشعر و خليه عقب لحد ما يحف عقب اغسليه .. و الباقي طبعا حطي بغرشه و ردي استعمليه
5 - هذي اسهل شي كوب روب + شوية زيت زيتون
وشي ثاني انك لما تبدئين بالعلاج لازم تغيرين مشطك لمشط جديد لان المشط ينقل العدوى حطي الخلطه على فروة الشعر لين الاطراف و سوي مساج لمدة 5 دقايق لفروة الراس و لفيه بالنايلون و خليه 30 دقيقه ولا ساعه .. بس ها الماسك مره بالاسبوع
و ابشري الغاليه ان شالله القشرة بترووح .. بس انتي لا تستعملين سبري او جل وااايد .. و لا تلبسين شيله الا عند الضروره .. و حاولي تستعملين شامبو ضد القشره من الصيديليه..
تبارك الله ماشاء الله الاخت yuliaa ماقصرت ..صح كل اللي قاليتو..تطبخين اكليل الجبل فموي..لين يبرد شوي تحطين فيه ملح الطعام ( كوبين موي وملعقتين ملح) ..بعد ماتغسلين شعرك ويتنظف..نشفيه شوي ..بعدين وزعي عليه الوصفة..اهم شيء المشط..من اليوم ماتحطين مشط حد على راسك ولو مافيه قشرة..وكمان حد مايمشط بمشطك..لانه ممكن تكون من الحساسية..اتمنى لكي الشفاء ان شاء الله..
Hawajs الخلطه تبان حلوه ومنوعه وبعد اللي اعانيه مستعده احطي بصل في راسي:22: تسلمين حبيبتي
طابت جروحي مشكوره الغاليه انا دوم اسمع عن اكليل الجبل بس ما اعرف شكله وهل هو يتحصل عند العطارين؟
centrino مشكوره و بسير ان شاء الله اشتريه
yuliaa بصراحه والله ماقصرتي فديتج الغاليه الوصفات اللي عطيتيني اياهم ان شاء الله بجربهن وترى حفظتهم عندي كمرجع والله كريم افتك من هاي العله عندي سؤال بعد انا استخدم سيت كامل للشعر من لوريال فشو رايكم هو زين ولا لا؟
nasma26 ماقصرتي عزيزتي ومشكوره
والله ماقصروا بنات حواء واللي بعد تقدر تفيد ياريت تشارك