يا حبيبتي انتي صغنونه ايوا لكن خلاص صرتي زوجه و ام ما شاء الله لازم تنسي عمرك و تفكري كيف ترتبي حياتك لا تخلي سنك الصغير مبرر على أي شي خليك قدها و قدود و ربنا معاك باااااااااارب
راح انصحك متل اختي لانو ما في فرق بالعمر بيناتنا كبير
المهم حبيبتي شوفي خدي زوجك و احكي معو و قليلو انو من اليوم راح تتغيري و ان شاء الله ما راح تقصري و قليلو كمان يراعيك شوي لانك صغيرة و لبين ما تتعودي
شوفي حبيبتي البنت رضعيها الصبح و غيريلها و اظن لسا صغيرة بالاشهر الاولى يعني بتنام كتير , المهم حطيها بغرفتك و خليها تنام و خلي الباب مفتوح مشان تسمعيها لما بتبكي و طلي عليها كل شي 10 دقايق
انت بهاد الوقت رتبي البيت , امسحي الغبرة و الارض و حطي كل شغلة محلها بعدين ادخلي عالمطبخ بعرف انو صعب , انا بعمرك بلشت اتعلم و اتعلمي تعملي شغلات بسيطة ما بين ما تتعلمي كل شي , و اذا حابة بعطيك انا وصفات سهلة للطبخ
بعد ما تخلصي من تنظيف البيت و الطبخ روحي رضعي بنتك اذا جوعانة و بخري البيت و عطريه و بعدين روحي ساوي دوش و غيري تيابك و استقبلي زوجك بابتسامة
بعدين حطيلو الاكل و خلي البنت معو ما راح يموت نص ساعة ما بين ما تشيلي الاكل و تجلي الصحون و اذا زوجك بينام فترة قيلولة و انت كنت تعبانة من شغل البيت نامي معو و نيمي البنت كمان
** اذا البنت كبيرة فوق ال 4 شهور وقتها ما راح تنام معظم وقتها فخلي ابوها يجيبلها العاب او في مرجوحة اظن بتشتغل عالشحن و بتصير تهز
و حبيبتي اذا البنت بتبكي كتير احتمال يكون بطنها عم يوجعها , شربيها شاي يانسون كتير منيح لوجع بطن الاطفال بس انتبهي بدون سكر او عسل لانو صغيرة و بيصرلها اسهال لا سمح الله , خلي الشاي بدون سكر او اذا ما تقبلت بدون سكر فينك تحطي سكر بس لازم يكون مغلي مع الشاي سوا مشان ما تنسهل
و زوجك استفسري منو ليش هيك متغير و حاولي تقنعيه ما يسهر كتير و اذا تاني مرة بيقلك ما بتعرفي تعملي شي و لساتك صغيرة , قليلو انت لما خطبتني عرفت عمري و وافقت علي
ان شاء الله ما اكون نسيت شي , و اذا عندك اي استفسار او حابة اعلمك تطبخي انا بالخدمة حبيبتي اعتبريني اختك الاكبر
الله يعينك لسة صغيره ما لحقتي تدربي عالشغل وكيف بتربي بنتك الصغيرة ؟بدك حدا كبير جنبك يعلمك شوفي انا في بيتي امسكه غرفة غرفة تنظيف من الغبار وترتيب وخصوصا غرفة النوم والصالة لانهم المكانين الي بيتواجد فيهم الزوج نيمي بنتك وادخلي المطبخ وتعلمي من النت طبخات حلوة وطبقيها وعشان فقر الدم اشربي عصيرات وكلي كبدة واذا زايد كتير روحي المستشفى بيعطوكي ابر اهتمي بصحتك عشان زوجك وبنتك وعشان تقدري تشتغلي في بيتك وقبل ما تخرجي من المطبخ اجلي ونظفي الدولاب والارضية وروحي خدي حمام وتعطري عشان زوجك يشوفك حلوة ومعدلة ولبسي بنتك وعطريها كل الي قلته ما بياخد ساعة الى ساعتين من اليوم وباقي اليوم بتحافظي عالنظافة اول باول وانتي رايحة وجاية في البيت كل ما شفتي اشي بده شيل شيليه او وسخ بسيط امسحيه ما بيتعبك بس لما يتراكم بيصير مشكلة
الله يكون بعونك // إذا انا متزوجه كبيره و بصعوبه قدرت ارتب جدولي خلال اليوم بالذات بعد ما جبت بنتي فما بالك انتي .. كلمي امك خليها تكلمه و توصيه عليك و انتي لو غفت بنتك خمس قايق ... تكونين سويتي شغله ترتيب البيت مو صعب خاصه ان انتوو 2 بس اول ما تنام لولوي على طول ع المطبخ و اذا صاحت خليها شوي تبكي على ما تكملين اللي بيدك و روحي لها الله يكون بعونج .. مو سهل اللي تمرين فيه خاصه انه ما يساعدج حتى لو بمسكت البنوته شوي
لا تنسين قبل النوم سبحي الله 33 واحمديه الله 33 وكبريه 34 بس استمري عليها ولا ليلة تتركينها وشوفي كيف ربي يسهل امورك وتقدرين تشتغلين وترتبين وقتك ربي يوفقك ويسخر لك زوجك