يسعد صباحكم
آخباركم ..:)
طبعاً بكتب لكم حكآية الولادة اللي بفضل ربي تيسرت وتسهلت ماشاء الله لا قوة الا بالله
من قبل مااولد بكم يوم ينزل معي افرازات شفافه وبلل بالكلوت واحس فيها تكون احيانا دافيه اذا نزلت بس مو كثيره ولقيت مره مثل الخييط دم طبعا مطنششه لاني ماني مستعجله ع الولاده لاحقه ع السهر والازعاج 😇
ومره ماني جايبه طاريها واصحى الجمعه وهو بالذات اللي من زماان ماابي اولد فيه ابي اولد بعده لان مسوين حفله كبيره للعيال
وصحيت 11 الصبح وكان معي الم محتمل وادعي ربي ماهي ولاده اليوم وجهزت غدا زوجي ورحع من المسجد تغدينا الا الالام تنتظم وتقوى واطنش واغير وضعيتي واجهز بناتتي لين صرت احس بزي الدفع مع الالم هنا عورني قلبي قلت هاذي مافيها لعب
واروح اجهز الشنطه واصلح كوب يانسون واخذت رطب ولبست وطلعت من البيت تقريباً 2 وطيران ولله الحمد كانت الشوارع شبه فاضيه
ودخلت السيارره كانت حااره ساونا بس ريحتني بشكل فضيع واشرب يانسون وصار الطلق يقرب ومعه دفع ووصلت الطواري وع طول ركبت العربه ودخلت عليهم وهما بارديين يسألون حامل اي شهر قلت انا احس بدف واصيح عليهم بولد خلاص ويسدحوني وتقييس وع طول تصيح 8 سانتي يلا يلا وطيران ع غرفة الولاده ههههههه وجالسه تهدِّي فيني وتقرا معي ادعيه وفعلاً ادعية الكرب وقراءة القران مفعولها عجيب في تهدئة الالم
ودخلت الغرفه والبس بسرعه ويساعدوني وانسدح وياخذون مني دم وتكشف ع طول صار 9 ويلا مع كل طلقه ادفع ومره مرتين اربع وطلع حمودي الساعه 3 ونص كانت القابله تونسيه له الحمد اللي سخرها لي وبفضل الله تمت ولادتي السريعه السهله الله يوفقني لشكره ولحسن عبادته
لما ولدت كلهم يسألوني عندك سكر حمل لين شكيت في نفسي وزن البيبي كان كبير 4 ك وعشر جرامات على انه مو بيين مااشاء الله
بس ذبحتني البواسير بعد الولاده اللي لسى ماولدت تنتبه لنفسها الله يشفيناا ويقومنا جميعاً بالسلاممممه والخياطه تكه وتوصل للفتحه ورا
الله يكتب الاجر ويجعل مانمر فيه تكفير ويرحم ضعفنا
انتوا انسوا من الولاده وادعوا الله بالتسهيل كلها ساعات وتصير ذكريات واللي خليفه منها والله ان الانسان كلش يصير له على قدر ثقته بالله ♡
كنت متفائله اني بولد قبل يومي وكنت متفائله بالولادة اليسره وبدون ماااوتر نفسسي
وفعلاً كانت كذلك ♡
والله للحين ماني مستوعبه اني ولدت له الحمد حتى يرضى
❤
.¸.•°ألتبآشـ 10 ير التاسع والعشرين لـأحلى كروشات مآيـ⑤ـو ويونيـ⑥ـو°(الله يهون عليهم)
متابعة النقاش، صفحة 128