أمي " حبيبتي قصدي انصحج مب اجرحج "

السلام عليكم

بنات أنا احب امي واااايد وماحلل ولا ارضى لاي وحدة تدعي عليها

امي وااااااااااااااايد طيبة واجتماعية وكل اللي حواليها يحبونها لكن محد يعرفها على حقيقتها غيري والله العظيم اني احبها وما انكر معروفها وخيرها علي لكن حقيقتها اتضايقني وااااااايد ودوم افكر اذا ماتت لا سمح الله بتتعذب وااايد في قبرها هالشي شاغل تفكيري وايد وانا مابا تتعذب تصرفات امي كلها غلط ابوي ما يبا يتزوج عليها عشانا انا اكبر وحدة في البيت متزوجة وعمري 22 سنة


امي ما تصلي, تجذب وااايد, تسرق، تحش، استغفر الله العظيم مستحية اكتب لكم والله بس صدق تعبت خلاص اباها تتغير ماباها تتعذب في الاخرة ساعدوني


امي تحب الناس القراب لها اهم شي عندها كلام الناس والجيران لكن ابدا ما يهمها ابوي اتصدقون ان ابوي روحه يطبخ وياكل اتصدقون ان ابوي ما عنده خزانة ملابس في البيت لانه ما يرقد عندها في الغرفة ملابسه في غرفة الملابس ونومه في غرفة اخوي، اتصدقون انها تكره اهل ابوي وتحش فيهم جدام اعاءهم وتمدحهم جدام اللي يحبونهم، اتصدقون اني عمري في حياتي ما سمعتها تدعي لي او تدعي لواحد من اخواني، مع ذلك ابوي يحبها وصابر عليها يقول عشان عيالي ما بطلقج ولا بتزوج عليج

اذا تكلمت في التلفون حشت في فلانة واذا تكلمت مع فلانة في التلفون حشوا في علانة ووووووووالخ

بنات انا احبها بس مش قادرة ابرها بالطريقة اللي ترضي ربي احس انها انسانة مخادعة عشان جي ما اقدر ابرها ومابي ادخل النار بسبة امي ولا ابيها تتعذب واذا كلمتها ونصحتها اتقول لي انتي قليلة ادب وشوفي بنات الاناس كيف يعاملون امهاتهم وووالخ تعبت نفسيا وجسديا تفكيري كله في امي ومماتها وحياتها


اتصدقون احب عمتي ام ريلي اكثر لانها دوم تدعي لي الله يوفقني ودوم تذكر اللله ارتاح يوم اقعد معاها لكن انمي عمري ما سمعتها قالت لا اله الا الله

امي تسرق يا بنات والله تسرق والله الشاهد علي يدتي خبرتني انها سرقت منها فلوس لكن يدتي ما تكلمت الا يوم امي سرقت مني وكنت احسب الخدامة يدتي قالت لي ديري بالج من امج بعد ايدها خفيفة انا انصعقت قلت لها كيف وكيف خبرتني كل شي وفعلا تأكدت انه فلوسي امي شلتهم وعطت خالي لانه كان محتاج والله لو خبرتني جان عطيتها اثر لكن مب تسرق وماخبرت ريلي قلت له يمكن الخدامة وخلاص دفعة بلاء ان شاء الله


امي نادرا ما اشوفها تصلي، تصلي الفرض بس ويمكن بس المغرب، ابوي هو اللي يوعينا لصلاة الفجر وهي تبقى نايمة


بنات انا احبها بس تعبت من جذبها وسرقاتها وحشها في الناس وحقدها تعبت من اهمالها لابوي واخواني تعبت من جو التوتر والقلق اللي في بيتنا بسبتها


بنات والله انها طيبة لابعد الحدود واجتماعية معاااااااارفها واااااااااايد لكن حقيقتها مؤلمة وما انكر خيرها وفضلها علي عشان جي حابة اغيرها للاحسن



ساعدوني كيف اغيرها للاحسن بدون ما اجرحها وبدون ما اسمع منها كلام يضايقني

16 تعليق 2,501 مشاهدة

شاركي في النقاش

سجلي الدخول لإضافة تعليق.

التعليقات

16
  1. ادعي ربي يهديها. مافيه إلا كذا  و تصدقي عنها و الله يهديها و يفرحكم بهدايتها
  2. @fof_6

    ا نا حاسه فيك بس اش نقدر نسوي الله يهدي امك ويهدي امهات المسلمين


    النصيحه ماتقبلتها منك مالك الا تدعين لها
  3. النصيحه مرااح تااخذه ليشش لانهاا منك وانتي بنتها وهاشي بحسسها بنقص انو كيف بنتي تنصحني

    مالك ي قلبي الا دعااااااااااء ادعي ربي بجوف الليل انه يرد امك لربي ردا جمميلا

    تصدقي عنهاا بكل وقت اجاابه ادعي وصدقيني مااضيع ربي احددد


    والله يختي انو اخووي قبل الله يغفر له مهمل بصلااه لدرجه مايصليها في المسجد وكان يتركها

    ماكنت اشوفه يصلي دعيت ربي وانا ابككي مو مره ولا مرتين كثيييييييييييير والله ان ربي كريم

    لان اخوي يصليها بالمسجد الحمد الله اللهم صلاه الفجر الله يهديه ياخرها وباذن الله يواظب عليها

    مثل باقي صلااوت

    انتي ادعي ربي وانتي مموقنه ترا قلب امك بين يدي الله لاتقولين مستحيل تتغير هذا ربي وهو الي

    خلقها بس اخلصي بدعاااااااااااء

    لله يخليها لك ويهديها
  4. الله يريح بالك بهداية امك يارب

    حاولي بطريقه غير مباشره تشغلين اشرطه دينه عن الجنه والنار

    مثل شريط يأمان الخائفين للشيخ عبدالوهاب الطريري او للشيخ عبدالمحسن الاحمد

    لعل الله يحدث بعدذلك أمرآ وادعي لها ولاتضغطين عليها عشان ماتنفر وتعاند
    والله يهديها ويهدي كل ضال