.¸.•°ألتبآشـ 10 ير التاسع والعشرين لـأحلى كروشات مآيـ⑤ـو ويونيـ⑥ـو°(الله يهون عليهم)

مبرووووووووك اموووووول الحمدلله على سلامتك وسلامة البراء
والله يجعله من مواليد الصلاح والسعاده يارب ♡♥♡

والصداع يمكن من اعراض الابرة الجانبية خذي مسكن قوي

* الف الف مبروك لكل اللي ولدو
وعقبى يارب للبقيه 
بنات انا لي عشره ايام احاول ادخل المنتدى ومو راضي يفتح لي شكله زعﻼ‌ن مني خخخخ
واليوم الحمدلله رضي وفتح
المهم حبايبي ودي اسأل اللي اطفالهم جاهم صفار متى طهرتموهم ولدي عمره 18يوم وﻻ‌ طهرناه مره خايفه يطول ويتعب بعدين الحين نسبة الصفار خفت بس الدكتور يقول ممنوع الطهار يمكن يجيه نزيف والدكتوره تقول اصبري عليه حتى يصير عمره شهرين وبعدين طهريه
شايله هم انو يتعب بعدين الله المستعان 
  
  

  *بلييييز ردو عليه

لحظه والله ماادري بس ولدي الاخير كان معه نسبة صفار عاليه وطلعته على مسؤوليتي
وطهرته بعد 14 يوم ولاصار له شي
عموما احس ان شهرين كثير حرام يحس

بس استشيري كذا دكتور احسن

بكتب لكم قصة ولادتي 
طبعا خلصت التاسع واخذت من العاشر 5 ايام ولدت يوم الاحد وكان موعدي يوم الاثنين كنت ادعي اني اولد قبل موعدي وربي استجاب لي له الحمد قبل ولادتي باربع ايام نزل علي مويه ودم ونطيت ع المستشفى وادق ع امي بالطريق صياح استغفرالله يوم وصلت ويكشفون قالو مافيه طلق والرحم مسكر اطلعي واذا حسيتي بالم قوي تعالي طلعت وقعدت كذا يوم ويوم الجمعه بالليل احس وانا نايمه بمغص مارتحت في نومي طنشت وكملت نوم واقوم السبت الصباح الا فيه مغص غريب مو زي المغص اللي احس به اول التاسع ويطلع زوجي للدوام واقعد الى 9 الصباح ونفس الالم وشوي يخف ورجعت نمت يوم جا الظهر وادق ع اخوي قلت تعال عندي لان زوجي طالع مهمه ويجي قال اوديك المستشفى قلت لا الالم محتمل اذا تعبت مره بقولك يوم جا العصر وتدق اختي بيتها قريب مني قالت امررك نطلع السوق قلت تعالي خاطري امشي واشوف عن نفسي يزيد الالم ولالا والله يابنات اني بالسوق امشي واذا جاني المغص امسك بالرفوف باقوى ماعندي بنت اختي واختي الصغيره انهبلو مني شي يمسك باخر ظهري واسفل بطني يعصرني وانا احترت هل هو الطلق ولالا قلت بتحمل الﻻ الساعه 8 واروح الخاص اكشف اذا فاتح الرحم ولاماتعب روحي بالحكومي  وادق واحجز موعد وبالفتره ذي رحت عند اختي وامشي بحوشها والالم بدا يزيد ويتقارب ويوم جت 8 واركض للمستوصف وهو قريب بالمره وادخل قلت ابيك تكشفين اخاف اروح الحكومي ويقولون توك وتكشف قالت بسم الله ماشاءالله الرحم فاتح من 4 الى 5 وهي تحرك بقوه الظاهر تسوي تحريض قالت يالله طيري للمستسفى وعرقي يقوم يتصبب وركبي تنافض وادق ع اختي تعااااااالي بولد وتجي هي وولدها قلت مري بيتي اخذ شنطتي وبتسبح قالت ايه هين ان خليتك تروحين اامستشفى انتي ع بالك بتولدين ع طول انتي بكر وبتطولين الكلام هذا الساعه 10 واروح للبيتي واقعد امشي والالم يزييييييد واشرب حلبه ويانسون محليتهم بتمر واتسبح بمويه حاره الى ااساعه 12 الا خلاص اصيح ماتحمل قالت اختي الحين اوديك وان شاءالله انه فاتح 7 او 8 واروح للعسكري واول مادخلت ماقلت لهم اني رحت للخاص والرحم فاتح وينوموني وتكشف علي قالت مفتوح 3 وانا اللي اتحططططططم وصلت عندهم طبعا ع 1 بالليل قالت ماراح تولدين الا الصباح ياويلي ويلاه والرحم اللي فاتح من 4 الى 5 وين راح قالت امشي بالسيب وامشي وامشي والالم يعصرني عصر اذا جاني الالم امسك بالجدار واون انسى حتى الدعاء استغفرالله واذا راح مشيت ودعيت وجاني جوووع وغثيان ابي اكل شي عجزت وطبعا هذا كله وانا اسمع صراخ اللي يولدون وشلت هم اني ادوخ وقت الولاده من الجوع وجا الفجر وانا ع هالحاله واروح اجلس من التعب واختي تنتظر برا عيو يدخلونها ويوم جت الساعه 6 الصباح قلت لها روحي ماحولي ولاده وزوجي كان برى بعد قلت روح بس ارقد وارتاح لانه من دوامه جا للمستشفى ع طول وياقلبي نايم بالسياره والالم يروح ويجي بس صار متقارب مايمديني ارتاح الا وجاي طبعا حاطينا باستراحه مافيها الاكراسي حديد قالوا ايش قالو غرف الولاده قليل مانقدر ننومكم وكل ماخذو كشفو يشوفون كم الرحم كم فاتح واكل من تمر حاطته بشنطتي والله الوحده من الالم مالها نفس تاكل بس يوم اتذكر اني بيغمى علي وقت الولاده وماراح يكون لي قوه بالدفع وع الساعه 8 توني جلست ع الكرسي ومعاي حريم الا واشوف مويه تمشي من تحتي اقوم الا ملابسي تقطرررر حسبتها مويه صحه قاعده اقول بخاطري من هذي اللي ماسكرت مويتها ماحسيت فيها ابدا واطالع يمين ويسار وانادي السستر قالت يلاه ماما كشف وتخمني وانا اصيح وتجي سعوديه وتكشف قالت ولاده مفتوح من 7 الى 8 ويودوني غرفة الولاده وينوموني وع راسي دكتوره سعوديه ويحطون قياس الطلق ونبض الجنين والمغص يزيد كل ماجاني امسك باطراف السرير واون الحمدلله مسكت نفسي عن الصراخ بصوت عالي قالت انا اشوفك تتالمين بس الطلق يطلع عندي بالجهاز مو قوي واشوفها تحط بالغذايه ابره اثاريها طلق صناعي عاد يوم طلعت امي تسالني عطوك طلق اقول لا ماعطوني احسب الطلق بس تحاميل من تحت خخخخ المهم ع الساعه 11 الصباح خف المغص وجا اللي العن منه اللي هو الدفع الجنين يبي يطلع وانا عجزت ادفع معىاني قاريه بالنت كيف اتنفس وقت الدفع بس كل شي ضاع وقت الجد وتحاول فيني الدكتوره ماقدرت قاعده اضغط ع فوق وربي حسيت وجهي وصدري بينفجرون اخذ نفس بس ادفع ع فوق مو تحت وتقوم تهاوشني انتي كذا بتاثرين ع نبض البيبي وانا اللي اصارخ تكفييين ساعديني اشفطيه ماقدر ويتجمعون عندي حوالي 6 دكتورات قالو ترى نحولك عمليه اذا مادفعتي كويس وانا اللي انهبل واصيح عاد وقت اللي يخف الدفع يقولون وقفي لاتدفعين ويطلعون برى الغرفه وانا اصيح لاتروحون وتخلوني طولت بالدفع قعدت يمكن ساعه ونص وربي اني اقطر عرق وشفايفي تزرق اتذكر يغسلون وجهي ويشربوني مويه والله يابنات اني خلاص يئست قلت انا ماني مثل الحريم اللي يعرفون يدفعون واخر شي تجمعون حولي واللي توسع بيدها واللي تضغط ع بطني واللي يشجعوني ع الدفع وانا بس اصارخ الا ويقربون المقصات ويقصون لي ماحسيت فيه وربي من كثر الم الدفع وادف باقوى ماعندي الا وتطلع بنوتتي ويحطونها ع صدري وربي يابنات اني اتحمد واتشكر ربي من الفرحه رااااااح كل التعب ويخلوني نص ساعه ع بال ماجت اللي تخيط وتحط لي ابر بنج وكنها ماحطت احس فيها وهي تخيط اللللم ويوم خلصت ويودوني غرفتي والحمدلله ع كل حال 

اموووول
الحمممد لله ع سلامتك والف الف مبروك ياقلبي