تكفوووووووووووووون اعيروني انتباهكم

السلام عليكم ورحمة الله
انا راح اعطيكم فكرة بسيطة فقط عن وضع ولدي عشان ولاوحدة في اللي راح تقرا الموضوع تقول اني مبالغة
ولدي هو الكبير كان اجتماعي لابعد حد لدرجة ان البنقال يعرفوه وماشاء الله عليه طريقة كلامة جذابة جدا وملفته
حسيت ان شخصيته تغبرت بعد ولادتي في اخوه اكثر شي كان مسيطر عليه الخوف من أي طفل بالرغم اني كنت اهتم فيه اكثر من اخوه وماحسسته بالقهر مرة لدرجة انه اذا ضربه انا مافتح فمي عليه بكلمة تضايقه كنت اسحب اخوه وانا ساكتة وارجع له على طول واتكلم معاه حتى صار يحبه مرة والحمد لله .
طبعا هو دحين عمره 5 سنوات . ولدي نبيه وذكي ماشاء الله عليه بس انه معتمد عليه في كل شي حتى في اللبس ودخول الحمام الله يكرمكم والاكل وكل شي حتى اذا جيت اعلمه الحروف او الارقام يقول لي انتي امسكي القلم واكتبي وارسمي انا ما ابغى . بس حاليا بدات اعوده انه يعتمد على نفسه في هذي الامور .
طبعا هو مارضي يدخل الروضة الفصل الاول ودخلته الفصل الثاني بس المشكلة في الروضة اللي دخلته فيها كنت انا معلمة في نفس المجمع يعني ما يستقر عندهم شوي ويجي عندي فوق بس الصراحة حسيت ان شخصيته صارت قوية شوي . بعدها انا طفشت وجاني كلام من المدرسة ان ولدي عندي ومن هذا الكلام . وديته روضه ثانية وليتني ماوديته .رجعت شخصيته في الضعف اخس من الاول ولا عاد يروح لا الروضة الاولى ولا الثانية والمشكلة مافي خيار ثالث . المهم بعدها صار يبكي ومايبغى يروح الروضة مرة ولا يبغى يخرج عند أي احد مرة لا جيرانا ولا حتى بيت اقاربنا ( طبعا انا ساكنة في شقة في نفس بيت اهلي فوق ) ما يرضى ينام عندي فوق ينام عند خالته او جده الله يعطيهم طولة العمر
ولاحظت عليه الفترة الاخيرة ان لو جونا ضيوف ومعاهم عيالهم وضربوه ما يدافع عن نفسه . امس جو عندنا ناس ومعاهم ولدهم قام شال سيارة ولدي وضربه قام يقول لي الولد ضربني قلت له قدام امه روح اضربه وخذ لعبتك وحتى امه قلت له روح اضربه ودافع عن حقك . خنقته العبرة يقولي لا انتي اضربيه والله يا بنات حسيت ان نفسي الارض تبلعني ولا اشوف ولدي ابو الشخصية القوية يصير كذا
وانا ماتاكدة انه ماراح يدخل الروضة السنة الجاية
والاحظ كمان ان يده في فمه على طول . والله العظيم يا بنات ان مرة متازمة من ضعف شخصيته المفاجئه وبالذات انتو تعرفو ان 90 % من شخصية الطفل تكون خلال 7 سنوات الاولى من عمره
وفي هذا الزمن الضعيف ما يقدر يعيش وراح يتازم
والله يا بنات احس اني ملخبطه الكلام اخر لخبطة من كثر توتري
ابغى اراؤكم تكفوووووووووووووووووووووووون
او أي وحدة فيكم عنده رقم أي احد متخصص في الامور الاسرية او الاجتماعية او السلوكية او أي احد له دخل في هذا الموضوع تتكرم وتعطيني وانا شاكرة
ولها دعوة في ظهر الغيب باذن الله
اسفة ع الاطالة

12 تعليق 886 مشاهدة

شاركي في النقاش

سجلي الدخول لإضافة تعليق.

التعليقات

12
  1. @saaak_byoty

    دخليه نادي
    خليه يقعد مع ابوه كثير ويحاول يعلمه الدفاع عن النفس
    رجعيه الروضة اللي تشتغلين فيها وخلج حازمة معاه انتي فتحتي باب له انه ساعة مايبي يطلع من الفصل عندج حبيبتي الابلة حقه مستحيل تخليه يطلع اذا قلتيلها لاتطلعيه معروف هالشي كل الاطفال اول الايام يبجون بالفصل والابلات يمنعونهم من الطلوع برا الفصل ويظل جم يوم جذيه بعدين يتعود
    بالنسبة للروضة الثانية تأكدي اذا في حد ضايقه او تحرش فيه لسمح الله شجعيه انه يكلمج عن اي شي صار معاه علميه انه لو حد كبير لمسه او مد يده يخبرج ولايخاف
    بالنسبه للاخصائيين ماعندي فكره عنهم

تابعي تجارب أخرى من هذا القسم.