اريدالحكيمه فقط فموضوعي حساس

أولا يجب أن تفهمي أن الحب مشاعر طبيعية و ليست جريمة أو انحراف يرتكبه ابنك
و اسألي أجدادنا و جداتنا
ثانيا كون البنتين هم من رمو بشباكهم على ابنك فهذا شي معروف ببنات الوقت هذا يكفينا شرهم
ثالثا كل ممنوع مرغوب ولو منعتي ابنك عن اللي يبيها راح يتمسك فيها أكثر
فنصيحتي قولي له حرام يلعب ببنات الناس(طبعا هم اللي يلعبون مو هو) و يكتفي بوحده
وتكون العلاقة شريفة و اذا يحبها يخاف عليها يعني مراسلات وبس
و تفهمينه انه بمرحلة مراهقة وانه مشاعره مو مستقرة فبلاش يعطيها وعود بالزواج لأنه ممكن يكبر و تتغير مشاعره تجاهها أو يتخاصم معاها ويتركها
المهم اكسبيه وخليه صريح معك وادعي ربي يحفظه
والموضوع مو مصيبه زي مانتي متصورته

اذا كبر ابنك خاويه

بس مستغربه كيف وصلو لبريده


شفي مالك الا تكلمينه بعقل واياك والانفعال ايااااااااااك
مهما سمعتي اشياء تنرفزك
لازم تكسبينه

ولو عندك اخوان شباب او تعرفين احد من اصدقاءه عاقل او رجل راشد يثق فيه
علميه
لان الرجال لهم اسليبهم

شوفي ياقمر ,,

أنت خلي لولدك شخصيه ,, وبالتالي هو اللي يتصرف ,,

كونك دايم تتصرفين بداله وتحمينه بمبالغه ,,

ماتعطينه فرصه لتكون عنده خبره ,,

وعليه مايعرف يتصرف في مواقف مشابهه أو حتى مختلفه

ولدك الحين مرااااهق

وطبيعي تفور عنده رجولته ورغباته اللي كانت مطفيه

دورك توجهينها في الطريق الصحيح

وياحبيبتي ,,

في تعاملك وياه لا تنظرين له نظره الام اللي تشوف ولدها الصغير

البنات والشباب انفتحت لهم أبواب الفتنه على مصراعيها ,,

تسلحي بالدعاء ,, واغرسي الدين في قلبه

ربج يهديه ويوفقه ويجعله من الصالحين

معروف ان المراهق يحب يتمسك برأيه ويعاند بقووه اذا شاف احد اعترض عليه حتى وان اقتنع بوجهة نظرك نادرا انه يعترف انه على غلط لان هالشي يعتبره هز لشخصيته انتي شلون تتعاملين معه في هالقضيه
اول شي بما انه ارسلك رساله انه يحبها انتي أجلسي معه برونقه ولاتبينين انك مؤ راضيه ع الموضوع اسمعي وجهة نظره وايش اللي حببه في البنت وأكيد راح يتجاوب معك لما يحس انك متجاوبه معاه والجلسه مؤ تحقيق
بعدين قولي انا شفت بالغلط ع الماسنجر محادثاتها لك وكلامها كان جريئ شوي فكر فيها شوي بينك وبين نفسك انت تحب تتزوج وحده أخلاقها كذا الزواج مسؤوليه مؤ بس حب وعواطف جياشه تبي وحده تحفظك وتصون بيتك ولما تطلع من بيتك تكون متطمن عليه تتوقع وحده كلمتك بهالطريقه وهي ماعرفت قادره تصونك وتصون عيالك
المهم انتي قوليلي من هالكلام اذا شفتيه مااقتنع قوليلي خلاص انت الحين بدري ع الزواج كون نفسك وتوظف ولكل حادث حديث طبعا مع الايام لما يكبر شوي وتعترضه مواقف في الحياه راح يعرف ويميز الصح من الغلط وهو بنفسه راح يجيك ويضحك ع نفسه وع الرساله اللي كتبها
وأنصحك أبوه مايعرف بالموضوع لان هالشي راح يكبر الموضوع ويخفي الولد يعاند اكثرر
اسفه طولت عليك بس حبيت افيدك

فهميه ان اللي تكلمه تكلم غيره

ومافي زي البنات العفيفات والشريفات

وكلامها معه دليل قله ادبها وممكن اذا تزوجها تكلم من وراه

او اذبي عليه وقوليله البنت اخلاقها سيئه و ماتنفع لك

انا عندي ولد مراهق و اعاني من جدته دايم تقول بخطب له

وتفتح راسه ع اشياء مو وقتها

بس ابوه متشدد معه ولا يسمح بالمحادثات ابدا
معه بلاك بس دايم نفتشه

ولو ابوه لقي نص كلمه مي حلوه يذبحه

انتي خذي موقف صارم معه