°•.¸.•° التجمع الـ (7) لحوامل احلا التوام 2013°•.¸.•°

وعليكم السلام ورحمة الله وبركاته

كيفكم ياعسولات
كثروا استغفار
واشغلوا فكركم
مابتفضوا للوسوسه
...بكره ان شاء الله موعدي عند الدكتور
اساله عن الانابيب
ناخذ بالاسباب
الدكتور يقول لاتفكري
ولاتقلقي ويبغاه طبيعي حتى شوال اذا الله اراد
الغند
اسال الله لي ولك وللمسلمات ذريه طيبه صالحه مصلحه
كلكم وحشونتي
احس اني اختكم

زهوووووره
انا استخدم الكركم بس على حسب نوع بشرتك هي تفتح وتشيل الرؤس السودا
مررره مرتاحه عليها والبابايا اشوف ناس يستخدمونها ويمدحونها شوفي اللي يناسب بشرتك
وزبدة الكاكاو ماتضر وماله علاقه بالبيبي استخدميها مرتين باليوم او على حسب الجفاف


كوكب المحبه
آمين الله يجزاك خير تدرين للحين مافتحت ملف ودي بمستشفاك وزوجي
يقول الولاده والاطفال اسمع عنه مدح شكلي بفتح فيهم كلهم واستخير
لكن لو وصلت التاسع ع خير بروح لخاص
الله يهون عليك ويسخرهم لك ولاتنسين تعطيني انطباعك عن المستشفى
الله يجعلها سهله ميسره وعلى الجميع


صبا
الله يعينك وترى احسن لك انتي انا كنت اطلع بس اذا رجعت ينكد علي التعب
ماقدر اجلس والتسدح مايحصل وماشاءالله عليك احس عندك خلفيه عن الخدج
شكلك تقرين كثير عنهم ان شاءالله يعدي السابع والثامن وانتي صامده
بس ادعي ربك والله يهون عليك وعلينا

السلام عليكم
بك استجير الحمدلله ع سلامتك وسلامة الكتاكيت الله يخليهم لك ويفرحك فيهم

زهورة وكوكب المحبة ومين كمان يله الدور عليكم الله يسهل امركم وامرنا يارب

مس بطرانة عودا حميدا ياشيخة

بنات امس رحت للسوق ورجعت جنوبي وظهري وتحت اكتافي الااااام مبرحة وبكيت بكااااااااءً مريراً بأعلى صوت عندي زي البزران
تعبت تعبت تعبت الله لا يحرمنا الأجر
ويمكن وضعيتهم الله يحفظهم مؤثرة لان اثنينهم راسهم ياحافظ فووووق والرجلين تحت فظهري من النص احسه بينقصصصصص

بنات تراني مافهمت والمستشفى ماقالولي شي فهمووووني :
هل لابد صيام لتحليل السكر ابو ميرندا ؟ والي فهمته اني اشرب هالميرندا دفعة واحدة وبعد ثلاث ساعات تحليل واحد وانتهينا صح ولا وش الي تقول كل ساعة تحليل ، اتخربطت
ارجو التوضيييييح ياعسولات

ياااارب تهون علينا الي بقالنا ياقادر ياكريم وتتمم لنا بخير وعافية ياالله

السلام عليكم بنوتات وكروشات التجمع
ماشاءالله تبارك الله

الحمد لله حمداً كثيراً
حبيت ابلغكم انا ولدت بالسلامة وجبت عريسين الله يحفظهم ويصونهم
كانت موعدي يوم الاربعاء الماضي الساعة اربعة العصر وصحيت تسعة الصباح على نزول مياه كثيرة كلمت الدكتور قال لي مايضر ريحي وكلها كم ساعة ونعمل العملية ورحت على الظهر وجهزوني وتمت العملية ولله الحمد
كانت البنج نصفي وتمت بسلام بس بعد مافك البنج بدأت الا لا م الفظيعة كأني مضروبة بسكين في بطني واقل حركة عذااب واعطوني مسكنات في المحلول وابر كل كم ساعة
البيبهات اوزانهم صغيرة مرة بس الحمد لله ما احتاجوا حضانة واحد فيهم كان تنفسه صعب اعطوه اكسجين يساعده الين ثاني يوم تحسن وجاني وشفته اما الثاني شفته بعد العملية على طول
وابغى اقول لكم نصيحة يابنات لا تبلغوا احد بالولادة الا ثاني يوم او اخر اليوم
غلطتي وصيت اختي ترسل مسجات لكل الناس بعد العملية واتملت عندي الغرفة كمية ناس جزاهم الله خير طبعاً بس كان الوضع لي انا متعب جداً جداً من اول يوم
جلست في المستشفى اربع ايام وطلعت البيت
الوضع طبعاً صعب جداً والمسئولية كبيرة وماني قادرة ارتاح او انام ساعتين على بعضها بس الله يعيني ويقويني يارب على رعايتهم وتربيتهم
الف شكر لكل من سأل عني وان شاء الله اذا لقيت وقت بدخلكم واتواصل معاكم
وعقبال كل الكروشات والمتفائلات يارب ويشهد الله اني خصيتكم بالدعوة ساعة ولادتي والله يتقبل مني يارب
دعواتكم ليا بإن ربي يقويني ويشرح صدري  

ليانا الحمدالله على سلامتك وسلامة العيال
سبحان الله نزلت المويه بنفس يوم العمليه
ربي كاتب تولدين بهاليوم

الله يشرح صدرك ويشفيك ويقر عينك بصلاح عيالك


بك استجير
الحمدالله انك دخلتي وطمنتينا عن اخبارك انتي والحلوات
الله يحفظهم ويخليهم لك