لحقووووووووني راح أجن

والله يا عذبة الأطباع نفسي واتمنى اكون زيك هاااديه وما يبان علي لس للأسف طبعي حاااار وحامي واللي في داخلي يبين ع وجهي وما فيني صبر أبدااا
اليوم أنا وزوجي ما شفنا بعض ابدا تغدى هو واولاده وكل واحد في صوب
وراجع البيت من نص ساعه وطلع فوق ينام 
الله يصلح الأمور يا رب
لا إله الا انت سبحانك اني كنت من الظالمين

كأنك والله تتكلمين عني وعن زوجي
انا مثلك قبل يومين سويت مثلك بالضبط قمت اصااًرخ بدون شعوور وبصوت عاااالي
انفجررررت من بروده معي بمناقشة موضوع لنا اكثر من 4 ايام نتكلم فيه وهو مطنش وساااااااكت ولاكأني اتكلم
لدرجة عيالي نايمين بغرفهم وسمعوني
ومع ذلك كااان باااارد ومستفز وعديم الرحمة وقال لي: انتي مجنونه ،، انتي مريضه.. وطلع بكل برووووود من الغرفه
وانا سكرت باب الغرفه علي وجلست ابكي بحررررقه وصووت عالي..

يا قلبي عليك يا قصيميه ، والله انهم هالرجال ما ادري وين يريدوا يوصلونا
وكيف تصرفتي معه ف اليوم الثاني ، أنا بصراحه ما تواجهت انا وهو اليوم ابدااا
وتصدقين على الرغم من شعوري بالذنب على الصرااااخ اللي صرخته أمس من قلبي حسيت اني صرخت وصرخت وصرخت وانفجرت لدرجة بنتي تقول ماما أمس سمعت احد يصرخ وكأن الجدار يهتز، بس اليوم حاسه نفسي خفيفه على الرغم من ان الشعور بالإحراج من نفسي ملازمني
واللي يقهرني اني أمس وانا أصرخ أقوله شفت كيف عدم مبالاتك بي ولا بمشاعري وين وصلتني قال بكل برود مع حركة لوي الفم ونظرات الإحتقار إياها: موه أنا اللي سويت فيك كذا الا قلة أدبك وطبيعتك الزفته الحين طلعت!!!
تخيلوا ؟!!!! وانا في قمة إنهياري وعصبيتي وضيقتي من عدم مبالاته ولا تحرك من سريره ولا كأنه شي وأنا كل اللي سويته على أمل انه يتحرك او حتى أحرك فيه أي شعور حتى انه يقوم ويضربني أهون من اني اشوف قدامي صخر لا يحس ولا يشعر
وانا من المغرب الى الساعه 2 الفجر وانا اكلمه يا فلان افهمني يا فلان حس فيني تراني أنثى أحتاج الكلمه الحلوه أحتاج اهتمام احتاج احس اني حبيبتك
وافهمه ان الحياه موه بس توفير الأساسيات بل مشاعر واحاسيس وانه هالأشياء الصغيره مهمه
وهو ما غير يلوي فمه ويقلب عيونه مره بالسقف ومره بالتلفون ومره يمين ومره شمال ولما قلت له ليه يا فلان ما تناظر بوجهي وكأني مرتكبه معصيه وكارهني وكارهه حتى تطل بوجهي ؟؟!!! ما عبرني ولا كأني اكلم بشر وكأن جدار قدامي
وانا بالأول كنت أبكي بدموعي بس وانا اكلمه وبعدها ما حسيت بنفسي الا بركااان وثاااار وانفجر لما شفت لا مبالاته بي ولا بكلامي وحركاته المستفزه مره يقلب وجهه ومره حركات بفمه 
وقمت كسرت كل اللي قدامي واصررررررررخ من قلب وصوتي استغفر الله العظيم جايب آخر الدنيا 

من رأيي تطنششيه هاليومين لحد ماتهدأ الأجواء بينكم شوي، وابددداً لا تعتذري له وخليك واثقه من نفسسك لا يهزك طناشه ، وانتي لازم تصيري زيه طنششيه ولا تهتمين له واذا جاء وناقشك بالموضوع كلميه بهدؤ ، وغيري طريقتك معاه انا احسك بهالاسلوب اعطيتيه اشارة انك ع طول محتاجته وصار ضامن حبك ،عشان كذا لا تبينين له حبك مرا خليكي بين وبين لا تخلينه يحس انك مييته عليه لاااااا وصدقيني راح يتغير معك ،.والله يسسسسسخره لك يَ رب ،. 

جزاك الله الجنه أختي dreams happy
بس زوجي وانا اعرفه لو نجلس متخاصمين شهر ولا ممكن يجي وراح يظل ع سكوته
فكيف هالمره بعد عمليات التحطيم اللي سويتها
وع فكره انا اشتريت اليوم بدل الأغراض اللي كانت ضحية الإنفجار
وتركتهم له قدام غرفة النوم لانه كان مقفل الغرفه بخرابها
ودخل ولا شال الأغراض