ليش بعض الناس دمهم ثقيل

السلام عليكم

خواتي مالي بعد الله إلا أنتم

و ربي طق كبدي من ثقل دم بعض الناس من قرايبنا و أصدقاء قرايبنا


مرررررررررررررره فضوليين و مرة لصقة

و المشكلة طيبين من الداخل و ما يسوون هالشي عن سوء نية

ما أبي أقطع علاقتي وياهم و لا زعلهم أو جرحهم بس والله تعبت

حاولت أفهمهم بطريقة لطيفة بس ما يفهمون

أقلكم موقف مثلا تكونين تتكلمين مع إنسانه تقولين لها طيب يا عمري أنا انبسطت بالحديث وياك لازم أروح أنام ألحين

الإنسان الطبيعي شو يسوي ؟ يقول يالله تصبحين على خير و بس صح ؟

لا مثلا الناس إلي أتكلم عنهم لو تقولين لهم رايحة أنام تقلك سوسو ؟؟

نعم ؟

أبا أسألك سؤال

تفضلي ؟

اممم دقيقة


إيه .. إنتي تحبين الأكل السبآيسي ؟ أو شنو أحلامك في الحياة ؟


لااااااااا حول و لا قوة إلا بالله ... يعني هل هذا سؤال ضروري ؟ ما لقيتي تسأليه إلا ألحين ؟

و أقصر مثلا في الإجابة على أساس إنها تفهم

تقوم تقلي .. ليش جوابك مختصر ؟

يعني ليش هالنوعية ما يفهمون ؟

كل ما تشوفك أنلاين تجيك ركض صباح الخير مسا الخير شلون شغلك اليوم ؟
تشوف صورة مبينة فيها نصف وجه بنت تسألك منو هذي ؟ و شلون عرفتيها ؟
تبغى تعرف كل شي

المشكلة مش واحدة بس لا أكثر من واحدة عندهم هاي الحركات


هل العيب في ولا في الناس ؟! هل معي حق ولا أبالغ لما أتضايق من هاذي النوعية ؟

15 تعليق 3,099 مشاهدة

شاركي في النقاش

سجلي الدخول لإضافة تعليق.

التعليقات

14
  1. صاحبة الموضوع
    على فكرة مرات لما يسألوني أسئلة و ما أرد عليها ............ يرجعون بعدين و يقولون لي طيب ما جاوبتي على السؤال الفلاني ؟ و ليش مطنشة هذا السؤال ؟



    !!!!!!!!!!!!!!
  2. @oshyl_1

    سووري بس بصراحه الله يعينهم عليك ماتستاهلينهم لو ما يعزونك كان ماعطوك وجه
  3. @dlaa_atfal

    بعض الناس ماتعطى وجه ايد

    يايبثرونك باسالتهم المخيسه


    يايقلبون عليك

    فاحسن شي حطي لكل شي حدود لاضرر ولاضرار
  4. @gyn_aostn_1

    لا تطيحين الميانه مع كل الناس 
    خصوصًا الناس الفاضيه الي جالسه لا شغله ولا عمله ذولي ترى نشبه
    لو انهم موظفات وكروفات كان والله اللي فيهم كافيهم
    ف اختاري الصديقات اللي يليقون لك 
    وخليك رسميع اكثر

تابعي تجارب أخرى من هذا القسم.