عندما يتشابه الكل نحن نتميز ((التجــــــــ20مــــــع)) لبنات UK

18 يونيو 2013

تتذكرون يا حلوات ردي اللي فوق

أنا شريت بعض هالمنتجات وجربتها و ووعدتكم راح اقولكم رأيي فيها عموما مابي اكثر كلام بقولكم باختصار تجربتي

أولا واقي الشمس من أفين

جربته ولي تقريبا شهرين صراحة حبيته مررة خفيف وملمسه حلوو ع البشرة توزيعه سهل بس عيبه مثل كريم الاساس ينشف لو ما وزعتيه بسررعة الي عجبني فيه ما يبان انك حاطه واقي شمس اذكر مثل ما قلت لكم بيوديرما لازم يطلع مثل على وجهي مثل البويه مهما حاولت اوزعه كووويس هذا افين حلوو خفيف وملمسه ع البشرة نايس و الكريم تضغطين وينعصر لك اعتبره ميزة حلوووة فيه عشان يحافظ ع الكريم ما يخرب و بنفس الوقت ماينعصر لك بالغلط كثيير يعني بضغطه وحدة تنزل كمية تناسبك

سعر فوق 13 و شوي

__________________________________________________

LEMONY FLUTTER

هذا يعتبر مرطب ثقيل يعني زبدة للمنطقة الكيوتيكل الي حول الظفر و بنفس الوقت للركب و الاكتاف كاتبين عنه بالموقع المنتج هذه مرررة حبيته وعشقته بالرغم انه صغير لكن نقطة وحدة منه كافية للترطيب بشكل رهيييب و ريحته بعد رهيييبة ليمون وااضح و زنجبيل طبعا انا استخدمه على الركب و الاكواع يرطبها بشكل فظيييع و فرررقت معي صراحة بس انا يوم ايه ويومين لا ما استمر عليه يعني و لا كان بشوف نتائج احلى ما اقولكم انه سحري بس ترا يستحق التجربة

سعره فوق 6 باوند

______________________________________

COALFACE

Facial Soap

صابونة الفحم للوجه جربتها من مدح البنات يقولون تصفي البشرة وتقشرها وترطب طيروها السماء جربتها لمدة شهر كامل على جسمي كل ما اتروش و يوميا اغسل وجهي فيها وماحسيت انها سوت شيء بالعكس عادية جداا بس امانة ماتجفف الوجه بس الصراحة ما راح اكرر اشتريها لأني ما حبيتها

سعرها 5 باوند و بالكيلو تشترينها

________________________________

TEA TREE WATER

تونر قابض للمسامات استخدمه بعد ما اغسل وجهي ثم احطه وبعده عاد مرطب جربته مع صابونة الفحم و الى الان استخدمه الزبدة شوي حلووو مو مرة خخخخ الي عجبني فيه بشرتي ما تحسست منه وناسبها هو خفيف ابخه على ووجهي و بامكاني استخدم قطنة بس ما افضل صراحة في النهاية هو مكوناته حلووة ما اشوفه حلو ولاشين نص ونص ريحته مثل الديتول المهم ناويه اجرب غيرره

_______________________________________

BUFFY

زبدة جسم مع حبيبات للتقشير استخدمه اذا تروشت بعد طبعا ما اغسل جسمي وكذا هي آخر خطووة رأيي فيها هي ترطيبها رووعة ويصير ملمس الجلد مخملي وناااعم بدون ما يكون مدبس ويضايقك هي حلوووة لكن مستحيل اكرر شرائها عشان ريحته مرررة ما عجبتني و لادخلت مزاجي غير أن الحبيبات تخدش الجلد كأني افرك بشي يمشخ جلدي مع اني جربت ااستخدمه و المووويه تصب على جسمي يمكن استخدامي غلط وماعرفت
____________________________________

صابونة جسم

شريت هالصابونة فضول صراحة عجبني شكلها بقوووة الزبدة جربتها وماعجبتني ابدا ريحته مو مررة ومفعولها مو ذاك الزود بس لو حابين تجربون كيفكم

سعرها فوق 3 باوند

_______________________________

RUB RUB RUB

آخر شي صنفرة من لاش للجسم رهييبة صراحة ريحتها ليمون استخدمها احيانا والمويه تصب على جسمي تطلع فقاقيع خفيفة مثل الصابون ومرات اطفي المويه و افرك فيها ع الخفيف الركب و الاكواع احس صدق بالنظافة و ريحتها منعشه عيبها اولا تذووب بسرعة و ثانيا فيه ناس يتحسسون من الليمون وهذا الي صار معي فيه مناطق معينه بجسمي تتحسس منها احسها تكشط يعني تلسع خخخ حبيته و افكر اشتريها بعد مرة ثانية او اجرب غيرها من نفس المحل لأن كميتها كوويسه وسعرها بعد

سعرها اقل من 8 باوند

و رجاء يا حلوووات ممكن فيها اشياء ناسبتني و ممكن ماتناسبكم فرجاء تاكدوا من الشيء وجربوه بالمحل

أتمنى اكون افدتكم و ياليت الي تجرب اي شيء غير الي ذكرته تقول لنا عنه عشان نستفيد من تجارب بعض

في النهاية لو شفت تفاعل منكم راح انزل لكم بعد اشياء

ادعوا لي بالتوفيق

عندما يتشابه الكل نحن نتميز ((التجــــــــ20مــــــع)) لبنات UK

التعليقات

اعطوني اسماء مولات عندها عروض

بنات الي عندها خلفيه تفيدني ربي يحقق امانيكم

اللي عندها أي معلومه عن روسيا تدخل

مين عندها بنت ب سادس

سؤالي للي عندها اولاد في المدارس الاجنبيه