بستشيركم لو انخطبتي بمثل هذي المواصفات توافقين او لا

سلام

بنات لو خطبوك 2 بهالمواصفات وش تحسين الافضل علما انو مو كبيره عشان تستعجلين ماتعديتي الـ 22 يمكن عند البعض يعتبره كبيره بس حنا نعتبره عادي غالبا عندنا يتزوجون 25 وفوق + ماعليك يعني بس مابي امدح نفسي:ohmy: + تنخطبين كثير مـاشاءاللـه


الاول مطلق وعنده بنت يمكن مااستمر زواجه اكثر من سنتين بس مواصفاته جدا جميله جامعي ويمكن يكمل ماستر وموظف وغير مدخن وماديته فوق الممتازه وحتى عمره ماتعدا 32 يعني مواصفاته كامله ماشاءالله بس عيبه انه مطلق وعنده بنت

الثاني عزوبي عمره ماتعدا ال 30 متعلم بس مو جامعي لا معهد اداره وموظف وماديته مقارنه بالشباب اللي حوله ماعليه عادي يعني مثلهم بس مشكلته مدخن


وش رايكم ايش اللي تشوفونه افضل ؟؟ او ارفض الاثنين كلهم ؟
يعني الاول عيبه مطلق واخاف اخذه الناس تشمت فيني وش عندها ماخذه مطلق وعنده بنت ميته عالزواج ولا فيها عيب والثاني مدخن + انا عادي حاليا ماودي مره اتزوج عشان كذا مابي اتسرع بالقرار فـ ابي اختار صح


الله يوفق اللي ترد علي وتساعدني

32 تعليق 3,426 مشاهدة

شاركي في النقاش

سجلي الدخول لإضافة تعليق.

التعليقات

30
  1. @berrymix

    ظروف الناس وآراءهم تختلف، بالنسبة لي أتاكد من سبب طلاق الاول إنه ما كان يضرب ويمد يده مثلا.. الخ
    الاول في نظري مناسب

    بالنسبة لي العلم مهم، وعلى قد ما الواحد متعلم على قد ما يكون راقي بتعامله في الغالب، المدخن بيجيك عصبي ومنرفز ومتقلب المزاج
  2. الصراحه
    الزواج من مطلق عنده اطفال سواء طفل او اكثر

    ما اعده زواج

    لانه بتدور حياتك حول الصغيره

    يا تكوني طيبه بزياده وينوخذ حقوقك

    يا تكوني قويه وتظلمين البنت

    وكلها الدنيا فانيه وانا اختك

    غير انو اغلبية اللي اعرفهم مطلقين ( مع ترك طليقاتهم سنوات والاصرار على عدم العوده لها )

    ثم بيوم يغير رايه ويرجعها لاقل سبب وهو علشان بنتها

    ويحطك قدام الامر الواقع


    الصراحه

    انت بنوته ومن حقك واحد زيك

    تعيشون شعور العروسه والحريه

    ثم يجيكم اطفال شوي شوي تكونون عائله

    اللي خطبك المفروض يدور وحده قريبه من ظروفه

    او بعمر اكبر منك

    مطلقه

    ارمله

  3. @bhr_a_lamany

    الاول بعد ماتعرفين سبب الطلاق لان مواصفاته افضل بكثير

    بعدين وش مطلق؟ احيانا السبب يكون عدم توافق او شي تافه يعني مو مقياس

    وملاحظه انك تحسين ان العرسان عند باب بيتكم ، لاياقلبي العرسان احيانا يجون مع بعض ثم بعدها انسي احد يطق بابك

    نصيحه لازم تختارين واحد مهم ، العمر يجري وماحد يضمن لك انه بعد 3 سنوات احد بيطق بابك

تابعي تجارب أخرى من هذا القسم.