سؤال للي سافرت مع شغالتها للامارات والي عندهم خبره بسرعه الله يعافيكم

انا بسافر الاسبوع القادم للامارات وباخذ شغالتي معي ومادري وشلون اسوي ناس يقولون لازم تاشيرة من السفارة الاماراتيه واحد يقول لا بس من الجوازات فالي راحت ومعها شغالتها تعلمني كيف سوت لاني دقيت على الجوازات يقول مادري عن السفارة والسفارة مااحد يرد

5 تعليق 845 مشاهدة

شاركي في النقاش

سجلي الدخول لإضافة تعليق.

التعليقات

5
  1. @halla120

    التأشيرة تاخذينها من الجوازات يعني في مراكز الحدود


    مافي داعي انج تاخذينها من السفارة


    والله يحفظكم
  2. @rema_2

    Halla120
    التأشيرة تاخذينها من الجوازات يعني في مراكز الحدود مافي داعي انج تاخذينها من السفارة والله يحفظكم
    اهلين اختي
    تروحين وترجعين بالسلامه
    الي اعرفه انك تاخذين جوازها للجوزات وتسوين تاشيره وعند المطار او الحدود الامارتيه تسوين لها الفيزه هي تطول تاخذ تقريبا حول الساعه هناك ..اتمنى اني افدتك
  3. @aanyzaoyh

    صاحبة الموضوع
    مشكورة اختيHalla120
    !REMA!
    على الرد السريع
    يعطيكم الف عافيه
    واذاكان فيه احد مر بالهل شي ليت يعلمني
    لاني بسافر عن طريق البر
  4. @agtmaaayh

    اختي عنيزاويه..تاشيرة الشغاله تطلعينها في الحدود واهم شي تاخذين اقامتها ماتنسينها عشان مايردونكم..وبتاخذ منكم مننصف ساعه الى ساعه لتخليصها وحسب الزحمه.
  5. @ktraoy_1

    بالنسبة للمرور في حدود السعوديه فالتأشيره تسوينها في الحدود اما تأشيرة الأمارات احنا سويناها في السفاره قبل لا نسافر

    طبعا هذا الكلام العام بس صادنا موقف سخيف جدا من الحدود السعوديه في سلوى يعني انتبهي والا يسولنكم نفس ما سووا لنا رجعونا الخط كله الى الدوحه على قولت الشرطي اللي في الحدود انه جواز الخدامه مافيه صفحه فاضيه ما فيها ختم فا ما يقدر يحط التأشيره فيها حاولنا وياه بكل الطرق وابدا راسه يابس المهم لقينا صفحه كان مدبس فيها بوردكارد مال رحله قديمه قلنا له هذي صفحه فاضيه يوم شافها قال فيها ختم صغير على الطرف ومارضى يخلينا انطوف رجعنا الى الدوحه وثاني يوم رحنا بالطياره


    :) قلت لج قصة حياتي بس موقف ما ينسى ابدا لان مشينا الخط كامل الى الحدود ورجعونا مره ثانيه\لا وصادف انه عايله قطريه ثانيه نفس القصه بعد هم رجعوا

تابعي تجارب أخرى من هذا القسم.