قوري الشاي

السلام عليكم ورحمه الله

عندي مشكله مع قوري الشاي (اللى نسوي فيه شاي)


كان عندي قوري بس للاسف بيوم من الايام نسيته على النار مده طويله فاحترق القوري ولله الحمد جت سليمه


المشكله الحين مانى عارفه شنو اسوي

كل مره اشتري قوري شاي يطلع مو اصلي او يسود بسرعه
ويكون للشاي طعم غريب
اما طعم معدن ..؟

او طعم مادري شلون صاير


والشاي مايكون طعمه حلو كثير


جربت اشتري اكثر من قوري ونفس المشكله تصادفني

9 تعليق 3,531 مشاهدة

شاركي في النقاش

سجلي الدخول لإضافة تعليق.

التعليقات

8
  1. @bthyn_2

    الغاليه ذكرتيني بقصتــي ..
    مره كنا طالعين البر و زوجي كان مدمن شاي في هذيك الفتره ولزم انا انشل الغوري ويانا ..
    ورجعنا و رجع الغوري المسود معانا .. ياني احباط من لونه وتميت أفرك فيه كل يوم واحطه في ماي حار واييب اللوكس والفيري والتايد والاومو وغييييييييييييره ..

    بس تدرين لشو اتوصلت آخر شي ..

    ييبي جدر ثاني وحطي فيه اشوي ماي مع مبيــض كلوركس .. واذا كان مسود من داخل حطي فيه نفس الشي كلوركس مع ماي .. وخليه فتره .. يعني تقريبا يمكن ياخذ ربع ساعه او اكثر .. انتي بتلاحظي بعينج انه السواد راااااااااااااح .. بالاصح ذاااااااااب في الماي واختفى مووول وبيرجع الغوري جنه ايديد يلمع وايلــق ونظااااااااافه جنه صج صج توه مشتراي ..

    جربي والله ما بتندمين ..

    ولا تنـسين عقبها اتغسلينه بأي صابون غسيل ثاني عشان الريحه اتروح .. أنا أغسله بفيري وأخليه اشوي فيه والحمدالله مســـــتااااااانسه على النتايج الحلوه ..


    واموفقه حبيـــــــــــبتي ..
  2. @aldloaah

    صاحبة الموضوع
    السلام عليكم


    مشكورة يا قلبي على هالرد

    راح اجرب انى انقعه الليله
    واشوف النتيجه باجر الصبح




    طيب سؤالي شلون اخلي طعم الشاي يكون مميز بنكهه حلوة
    من غير طعم للمعدن


    لان شايي احس فيه طعم معدن!!
  3. إذا حبيتي إنه ما يسود لما تحطينه ادهنيه بزيت ، وبعدين أغسليه بالصابون يروح بسرعه ، عن تجربه

تابعي تجارب أخرى من هذا القسم.