شاركي في النقاش

سجلي الدخول لإضافة تعليق.

التعليقات

2,358
  1. @daaandooon

    الله يسعدك يا عنوده انت و كل اللي سالوا عني
    سبب غيابي كان بالاول لانه زوجي صار عنده مشكله مع واحد بالشغل و كنت قلقانه عليه كتير ما بتتصوري كيف كنت عايشه من خوفي عليه الله يكفينا شرهم والله انهم خبيثين و ما بتامنلهم
    بعدين عمي اتوفى الله يرحموا اتاثرت كتير عليه صارلي سنتين ما شفته وهيك صار زي لما اتوفى ابوي الله يرحموا برضوا كانلي تلات سنين مش شايفته و انجنيت يومها الله يلعن ابو الغربه
    بس ربك ما بنسا عباده الله سبحانه و تعالى وفقني كتير بدراستي و طلعتلي شغله جديده في بحثي و بس اخلص شغلي عليهاراح ينشروها بمجله علميه الحمد لله بس هلكت شغل كل يوم من 8 الصبح ل 11 بالليل
    تسلمي مره تانيه
  2. سلام،،،

    شكرا لكل اللي تعاطفو مع موضوع خالي،،،و الله يفك أسره و أسر جميع المعتقلين كلهم الموجودين في المعتقلات الاسرائيلية (الفلسطينيين و الأردنيين و اللبنانيين و المصريين و السوريين و جميع الموجودين)
    بالنسبة لعادات العرس عنا، ما بعرف كتير لأني ما بحضر أعراس، بس حسب ما بسمع،،،
    قبل انتقال العروس لبيت العريس لما يجي ياخدوها بيلتمو الرجال و بيعطوها نقوط، و لما تصير على اللوج قريباتها المقربات في شي بيعطيها نقوط و في شي هدايا،،،
    أما بخصوص ليلة الحنة و هي أكثر شي حاليا بيستخدموها في القرى و قليل جدا في المدينة، ما بعرف عنها شي لأني بكره الحنه و ما بحب اسمع سيرتها،،،
    في ليلة الشمع، هذه ليلة غريبة عجيبة بيجوا أهل العروس على أهل العريس و حاملين معهم شنط خاصة بالعروس مثل شنطات السفر و في من هذه الشنط بكون هدايا لأهل العريس،،، و الشمع هذا بكون شمعدان كبير و مزين و بتكون الحفلة مثل حفلة العرس،بس ناقصها العروس لأنها ما بتيجي معهم بتركوها لحالها في البيت .
    أما يوم العرس أهل العريس على الغدا بيبعتوا لأهل العروس غداهم و لمعازيمهم،،،
    و خلي سناو تكمل لأني لحد هون بعرف،، و لما تزوج أخوي كان العرس مختصر جدا لأنه كان وقت الانتفاضه الأولى و المجاهرة بالأعراس كان ممنوع، كله على الساكت، فيعني ما شفنا لا شمع و لا غيره، و أنا يوم عرس أخوي رحت الكليه و قدمت امتحان و روحت على البيت لبست و طلعت معهم على الصاله على طول ، و قسم راح لدار العروس،،،
    و كمان حسب ما سمعت هالأيام إنه في صالة العرس صاروا يفتحوا جهاز العروس كله أمام المعازيم!!! و طبعا البنات بتفاخروا بلبس الفاضح و المكشوف من وين ما كان، و المناظر بتكون كأنها جاية من قناة lbc ،،،،
    و في صحيح عادة غريبة عجيبه عنا و هي لما يكونو خاطبين، طبعا كالعادة في زيارات متبادلة بين الخطيبين أو أهلهم، و الغريب عنا إنه الخاطب بيجي مرات ينام عند خطيبته!!!!، هو مش نوم بمعنى النوم لأنهم بضلو سهرانين للصبح، شو بيحكو ما بعرف،،،
    كملي يا سناء،،،

    و أعذروني يا صبايا لو ما دخلت كتير، بسبب الوضع في غزه
  3. دندن والله اشتقتنالك

    ربنا يفرجها عليكي

    والحمدلله عكل حال

    كلنا نفسياتنا بالحضيض

    الحمدلله عكل حال المهم انتي بخير وبنتك بخير وزوجك بخير

    بتسوى الدنيا كلها
  4. السلام عليكم يا صبايا..

    كيفكم كلكم..
    الله يهدي البال.. والدنيا بدها تستمر..ناس بتتزوج وناس بتموت وناس بتنولد.. سبحانه ربنا الحكيم العليم

    أول شي.. DaaanDooonالله يطمن بالك على زوجك .. وان شاء الله ما بينعاد هالظرف يا رب..
    وعظم الله أجرك بعمك يا أختي.. وربنا يصبركم ويسكنه فسيح جناته.. بس ابقي طمنينا على حالك لأنا بنقلق عأي وحدة بتغيب كإنها عايشة معنا..

    عنودة.. مبروك العرس عصحابة وان شاء الله عرسك بيكون أحلى وبتنبسطي فيه أكتر وأكتر..

    إيمان ديري بالك على البنوتة والله بينشفو الدم.. بدك تضلي تفتلي وراها ربنا يحميها ويحمي ولاد الجميع.. وبالنسبة لوضع زوجك.. أنا زوجي أسخم من هالناحية.. ومن هلأ شايلة هم إذا بحمل.. شو المعدل بدو يعمل مع عصوم..!
    يا رب تتيسر جية أمك يا إيمان.. عشان يرتاح بالك..

    سنسن..سناء.. كيفك وكيف الولاد..؟ بطل بده تيتا؟؟

    زهورة.. ربنا يكون بالعون.. والله الأجواء معكرة..

    سامحوني يا بنات.. مشغولة بالسفر وبعصوم.. والأخبار اللي بتكشش البدن..زيادة عالهم هم..

    معلش يا عنودة.. موضوعك حلو كتيييييير.. إذا قدرت برجع بشارك فيه..

    عقبال فرحتنا فيكي يا نونو..

    سلام
  5. @aanodty10

    صاحبة الموضوع
    مسا الخير
    يسلمو للي شاركوا بالموضوع وللي ماشاركوا
    أمون <<<<<<<<< صح صاير هالأيام الواحد يعمل اللي بيريحه بس بحس هاد بالمدن مش بالقرى
    بالقرى متمسكين بعاداتهم بشكل
    يعني ممكن اللي بإربد نفسها أو بالكرك نفسها موبالقرى
    بس بصراحة هالعادات ماعجبتني وكنت جد ملخومة ومو مستوعبة اللي بيصير وأكيد بعرسي مارح أمشي كتيير عادات من عاداتهم
    دندون <<<<<<<< حمدلله على سلامتك منيح اللي طمنتينا وعظم الله أجركم بوفاة عمك الله يرحمه ويغفرله
    أم منى<<<<<<<< إشتئنالك
    أميرة <<<<<<<< تروحي وترجعي بالسلامة
    فلسطين <<<<<<< كيف شهودة
    سنا<<<<<<<<<< بنستنى عادات الخلايلة
    نوني +لين+نونو <<<<<<<<<تسلمو ياااارب

    يارب ماأكون نسيت حدا

تابعي تجارب أخرى من هذا القسم.