تجمع للعازبات و المتزوجات العاطلات ... فقط للمتفـائــلات ♥♥♥

ابداء ببرنامجي :


1/ جدولك اليومي ؟

طبعاً أنا موظفة اليوم عندي اجازة قلت ادخل عالم حواء و نتشارك بالفائدة

لاني مو متزوجة و عندي وقت فراغ كبير بعد الدوام

بالعادة اكون الصباح بالدوام لحد الظهر اذا رجعت من الدوام ازيت شعري و انام

اقوم على الساعه 5 تقريبا اتقهوى مع اهلي وسوالف لحد المغرب

المغرب عندي خلطة للجسم احطها على جسمي لحد الساعه 10 تقريبا بعدين اغسلها على الساعه 12 اكون نايمة او انام ما احب السهر عشان الدوام

2 / هوياتك ؟

احب القراءة كثير و عندي مجموعة كبيرة من الكتب اللي تتكلم عن تطوير الذات

3 / الأشياء اللي تطورتي فيها و صار عندك المام بهـا ؟

تطورت في مجال كيف اكون متفائلة و ثقة من نفسي و بعد الحلويات احبها كثير
تطورت في مجال الاهتمام بنفسي مايحتاج اروح مشاغل وخربيط اهتم بنفسي بالبيت

4 / مخططتك للأيام الجايه وطموحك ؟

أكون بوظيفة أفضل من وظيفتي الحالية أو يتحسن وضعي في وظيفتي الحالية


وهذا برنامجي سريع

متزوجة عاملة


1/ جدولك اليومي ؟
أصحى الساعه 6:45 ص ، اخذ دش 10 دقايق و أبدل ملابسي
و اصحي زوجي و بنتي و ابدل ملابسها و نطلع من البيت 7:15
أنزل بنتي بيت أهلي، و طيران لازم اكون بـ الدوام قبل 7:45
نجي للدوام - قهوة و فطور لين الساعه 9:30 او 10 بعدين يبداء الشغل
و كل يوم حسب ضغطه
12 نطلب غدا و اكل و بلع لين 1 أو 2
4:30 اطلع من الدوام
اخذ بنتي
اروح بيتي
الوقت قصير جدا
أنام الى 6 المغرب
أصحى البس و اسوي شاي و قهوه و احط مكسرات و حلا
ونجلس نسولف و نشوف تي في انا و زوجي و بنتي الى 9
بعدين وقت العشا 10:30 اقوم اسوي عشا او نطلب من برا
و الا نطلع نتعشى برا
ع الساعه 12 الااستعداد للنوم ابدل لبنتي و أبدل و الى السرير


2 / هوياتك ؟
أقراء كثير و احب اتمكيج و البس

3 / الأشياء اللي تطورتي فيها و صار عندك المام بهـا ؟
اللغة الانجليزية - و ادارة الاعمال - الطبخ

4 / مخططتك للأيام الجايه وطموحك ؟
ما عندي مخطط - حياتي مستقرة
بس على المدى البعيد افكر اقدم تقاعد مبكر و اتفرغ لحياتي الخاصة
أو ممكن مشروع صغير

وعليكم السلام ورحمة الله وبركاته موظفه غيرمتزوجه لذا يكون عندي فراغ بس عجزت انظم وقتي ﻷن دوامي ببريده من بعد الفجراطلع من البيت وارجع 1:45دقيقه انام اصحي العصر اصلي وارجع انام الى المغرب بعجالمغرب اجلس مع اهلي اصلي العشاءارجع انام والله يعينا واليوم طلع اسمي بالنقل الداخلي ان شاءالله انظم وقتي احسن جدول بريده قصتي حياتي ...  دعواتكم اخواتي لي الله يرزقني بالزوج الصالح

طيب يمديك تنظمين نومك احس لو نظمتي يومك بتقدرين تنجزين اكثر
لو بعد الدوام تنامين نص ساعه وتصحين وترجعين تنامين بدري بما ان دوامك بدري

جدولك حلو ومزحوم
طيب ممكن تفيدينا ببعض اسماء الكتب اللي قريتي
فيه اشياء من جدولك اعجبتني مثل الاهتمام بنفسك بالعناية