التبــ3ـاشير في محطتنا الثانية والـعشـرين لشهري يولـ 7ـــيو وأغسـ8ــطسღღالله يسهلهاღღ

متابعة النقاش، صفحة 247

شاركي في النقاش

سجلي الدخول لإضافة تعليق.

التعليقات

2,015
  1. @loshz_1

    مساء الخير 

    بنات الله يسعدكم انا اول مره اكتب بها التجمع انا بالتاسع وخلصته بحساب الدوره لاكن بحساب السونار باقي لي 5 ايام واخلصه على خير .. 

    مشكلتي يابنات ذبحني التنميل بيديني وخاصه بااطراف اليدين والله اني مضايقه مره قلت اكيد نايمه على يدي بس مو معقوله على اليدين كلها وكمان مو راضي يرؤح مدري وش سالفه التنميل ياليت اللي تعرف تقولي وش اسوي والله يجزاها كل خير .. 
  2. @myh_myh

    ان شاء الله طموحه المفروض اهتم قبل الولاده بس الكسل والتعب

    لوشز حبيبتي ماعندي علم ان شاء الله البنات يفيدونك

    شاء الهوى الله ييسرلك وتجي تبشرينا
  3. اكشن ولادتي 
    في يوم الخميس قررت ارتب البيت تعزيل وعزلته وما جا المغرب الا زوجي العزيز يقول يلا سرينا الاسواق نخلص اغراضك حقت النفاس وطلعنا رحنا كم مشوار وتعبت اقول له رجعنا يقول كملي ما عليك ما راح تولدين وما رجعنا الا 10 بالليل المهم تروشت وما قدرت انام من التعب مكسره وحرارتي ارتفعت شوي وكمادات وحاله لين نمت الفجر 
    قمت صباح الجمعه الا ونازل دم علامه قلت مو مشكله اذا حسيت بشي بروح وجلست سويت شنطتي احتياط وعلى العصر قلت امر الطوارئ واكمل بعده السوق 
    واروح فحص والا اربع سانتي وقالو تنويم 
    انا امي مسافره وخواتي واخوي مافيه احد غير زوجي واموت صياح ما ابي اولد ابي ارجع البيت قالت ما يصير قلت طيب بروح اتروش واجيب شنطتي وارجع والدكتوره ابد نفسيتها بخشمها تقول على مسؤليتك واذا تاخرتي اكثر من ساعه بسوي لك فحص قبل لا اطلعك فوق حيوانه تخوفني 
    المهم اكمل صياح وارجع البيت واتروش واصلي لي ركعتين وادعي وادعي وانا منهاره متفاجئه ورجعت قبل لا اكمل ساعه وكانت الولاده زحمه خلوني انتظر وانواع الصياح وتجيني الممرضات الطوارئ يهدون فيني وانا اكلم امي واهلي مو قادره مرعوبه 
    وبعد ساعتين ما فضت ولا غرفة ولاده طلعت تنويم الحوامل وحطو التخطيط وخلوني مافيه طلق والدكتوره تقول انتي 36 و 3 ايام ما راح نسوي شي لين يجي الطلق 
    وبقيت لين الساعه 11 وتجي الدكتوره عسل تفحصني وتقول نفس الشي 4 وكتبوا لي ابقى بتنويم الحوامل وثاني يوم السبت مافي طلق ولا سو لي فحص ابد وبقيت لين الاحد نفس الشي يوم الاحد سوا لي فحص وصار 2 ونص الى 3 تقول الدكتوره انكمش وممكن تطلعين ولو بتجلسين اجلسي قلت لها بطلع انا ابي الفكه من المستشفى 
    المهم لين لقو حجز اهلي ورجعو وصلو الاثنين ورحت شفتهم ومستانسه ما ولدت طبعا مع الانهيار العصبي صوفرت وحاله 
    بعدين الاثنين ظهري رجع يعورني وقالو لي هذا طلق قلت لهم خلاص بروح الطوارئ بعد ما امشي رحت مشيت بالسوق وقلت اروح اتروش ويوم تروشت جاني النوم وسحبت على المستشفى ونمت نوم عميق الين الفجر قمت اصلي الا والدم رجع ينقط واستمر ينقط للظهر وظهري قام يعورني اكثر رحت بعد الصلاه الظهر للطوارئ 4 سانتي وطلعوني الولاده وجهزوني وانا اضحك اقول لهم لو ما ولدت بتودوني تنويم حوامل قالو بنشوف 
    وجلست من 2 الظهر الين 5 وفحصت الا خمس ونص ومافيه طلق الا خفيف يطلع بالجهاز بعدين فكت لي موية الراس وبدا الطلق الين 8 بالليل لين ولدت الدكتوره باكستانيه شاطره وحليوه والقابله سعوديه عسل وبس طبعا ظهري تفتت من الالم وبس 
    ايه انا ما فارقت الدعاء وكل يوم استخير وادعي ربي باللي فيه خير لي ييسره لي وسورة مريم وكل شي قدرت عليه كنت اقراء والحمد لله 
    وادعو لي اللحين ظهري يشد قبل لا ترجع امي بيتها لاني راح ابقى في بيتي بي بترسل لي اكلنا كل يوم وانا بقوم بنفسي ان شا الله 

تابعي تجارب أخرى من هذا القسم.