صديقتي في حالة ذعر على ولدها ،، طمنوها الله يطمنكم

السلام عليكم

اخواتي لي صديقة عندها طفل عمره 4 سنوات ونص
زلق من ماء على البلاط وطاح عالارض
والضربة جات على رأسه من الخلف
ولما طاح راسه ارتد مرتين من قوة الضربة
صوته ماطلع ابد
سواد عينه ارتفع لفوق
وجسمه طايح كله
اخذوه على الطوارىء مباشرة
الطفل صحى في السيارة وكان يأن من الالم
وسألوه كم سؤال والحمدالله رد عليهم
وكان بس يبي ينام وفيه غثيان وبطنه يوجعه وفيه ورم خفيف في راسه
<< هذا الي حصل بالتفصييييييل
طبعا المستشفى الي اخذوه حكومي وسيء جددددا في معاملتهم وتطنيشهم وعدم الاهتمام
عملوا له اشعة سطحية وطلعت سليمة ولله الحمد
رجعوه للبيت بس طول اليوم يبي ينام ويشكي من صداع راسه وياكل شووووي مو بالعادة

طبعا امه ارتاحت شوي بعد نتيجة الاشعة بس باقي توسوس على ولدها
وتقول اخاف اشعتهم ماتبين واخاف ولدي فيه شي واخاف واخاف ....
وتهوجس قلبها مهو متطمن
حتى الدكتور هندي مدري باكستاني حسبي الله عليه شكله مضغوط وقعد ينافخ عليها ولاطمنها وهي منهارة
الله يجزاكم خير طمنوا قلبها واذا هالاشعة الي عملها المستشفى كافية خلاص او لازم يعملوا له رنين مغناطيسي
بنسخ لها ردودكم عشان ترتاح
ولو فيه شي يخوف بنصحها تروح المستشفى


علما ان الاشعة هي اشعة اكس راي
وهي والله وضعها المادي ضعيف جدا ولهالسبب ماهي قادرة على تكاليف الخاص
لكن اذا الامر يستدعي بتدبر عمرها

منتظرتكم الله يوفق من ترد او تدعي للولد انه يكون بخير

17 تعليق 2,327 مشاهدة

شاركي في النقاش

سجلي الدخول لإضافة تعليق.

التعليقات

17
  1. صاحبة الموضوع
    اضافة //

    ياليت الي عندها حل شعبي تعطينا من خبرتها حتى ازودها فيها؟؟
    وكيف من ناحية اكله ونومه وتحميمه وجو الغرفة وهو نايم؟؟
    اعذروني على دقة الاسئلة
    لكن هذي أم وتعرفون قلب الام
    وانا بس ابيها ترتاح
  2. الله يحفظه ويخليه لها يارب
    انا من رائيي توديه مستشفى حكومي ثاني تطمن عليه اكثر
  3. @khal_fyyysl1417

    الله يطمن قلبها ياااارب

    ولد اختي صار له كذا مره بالضبط وودوه خاص وعمل اشعه وطلع سليم ولله الحمد

    الله يطمن قلبها ويخليه لها يارب

تابعي تجارب أخرى من هذا القسم.