مساء الخير حبيباتي..♡♡
انا متزوجه من ثمان سنين وربي ماكتب لي اطفال الله يرزقني وكل محرومه وخلال هالسنين صابر علي زوجي ولاعمره حسسني انه يبغى اطفال او جرحني بكلمه لو بالغلط لان طبعا السبب مني عندي مشاكل وقاعده اعالج..
زوجي يابنات يحبني ولله الحمد بمعنى كلمة حب من احترام وتقدير وحنان ومعامله حلوه وكلام حلو ويشيل همي ويضرب لي حساب واحبه بسبب هالتصرفات والافعال الحمد لله..
بيوم اقشر من الايام الله لايعيده من يوم واعوذ بالله منه كنت مع جارتي الصبح وكنا نسولف بالخيانه وقلت لها فلان زوجي مافي دليل على انه ممكن يكون خاين طنت وقتها براسي فكره والله يلعن ابليس قلت لها دقي من جوالك عليه وشوفي وتأكدي واقنعتها ودقت وهنا كانت بداية المي وصدمتي سألها قلها انتي فلانه او فلانه..!! وقتها عرفت انه راعي مكالمات ومايخلو طبعا تعوذت من ابليس وقلت نزوه ماراح اخليها تخرب بيتي وفوق هذا وش اروح اقوله خليت جارتي بلحظة غباء تكلمك صعبه !!
طبعا من بعد هاليوم كأي انثى بدأت اشك واراقب ايام نوكيا كنت اشوف السجل حق المكالمات وفيه مكالمات بالنص ساعه واكثر طبعا افتش من وراه وكل ماجيت ابواجه اتذكر اسلوبه وحبه ومعاملته وتبرد حرتي واقول بصبر.. ومرت ايام وطلع جهاز بلاك بيري والله يسامح من جابه له وهم اهله وطبعا يلعب الشيطان براسي وانتهز الفرص وافتش لقيت واحد من اصحابه يرسل له اضافة بنات وارقام ويقول فله ووناسه وبرودكاستات وزوجي للاسف يستجيب وشفت رسايله للبنات وسواليفه ويرسل صوره ويطلب صورهم وعدا وحده بينهم علاقه شوي قويه ترسل صور جسمها ووجهها حلوه البنت حسبي ربي فيها ونعم الوكيل وتطلب تقابله وتشوفه وزوجي مايمانع..!!
زوجي يحبني وبار باهله جدا ومحترم مع الجميع ومايخرج مع اصحابه حتى يوفر لي الاكل والعشا ويبسطني ويطلع وخرجاته مو كثير وقبل شوي طلع ويسالني اذا طفشانه او لا ؟؟ وممكن يكنسل طلعته عشاني ابغى اعرف كل هالتصرفات والافعال والحب ايش يكون مستحيل زوجي يجاملني 8 سنين وحتى مع اهله يحرشونه بسالفه الحمل ويقول مستحيل من غيرك ادور اولاد متفهم وعاقل ومره في جو حلو سالته قد قلت احبك لغيري؟؟ حلف والله لغيرك ماقلتها !!
بنات انا محتاره احبه ومو مقصره معه حتى بالنوم طلباته مجابه ومبسوط واذا سافرت لاهلي وغبت يستقبلني بكل شوق..
وكل خياناته ذي ما اثرت على حياتي ابد بالعكس حبنا يزيد..لو تكلمت وواجهته انا متاكده راح اخسره ووممكن توصل للطلاق ولو دورت غيره ماراح احصل مثله..
بس قلبي كيف اكسره واضغط عليه واصبر وكيف اتحمل خيانه وحب عقلي مشتت عادي اكمل حياتي معاه ممكن يترك هالاشياء..؟؟
مرات افكر اروح لاهلي وازعل بس وش اقول يخونني حتى اهلي يقولون مثل فلان مافي اللي هو زوجي وماعندي مشكله بحياتي غير هالمشكله..
ودي امسك شي ثاني عليه او تقصير وازعل بسببه بس مافي..
محتاااااااااره...!! وقلبي فيه نار وحب !!
بس حسبي ربي ونعم الوكيييل..يارب اصرفه واصرف كل الرجال عن الحرأم..
افيدوني وبردو على قلبي لان بدأت تعكس على نفسيتي وهو مستغرب ويسالني وش فيني..بس لساني مربوط اخاف اتكلم وتكون نهايتي معه
الموضوع مغلق