رايحة ماليزيا... شو تنصحوني؟

اسمحيلي مجاري الدمع بسؤال اذا راحت عيله من سته افراد مراح نتعطل في المواصلات؟

الغالية

موكاتشينو
فعلا الموقع اللي نصحتيني فيه به كل شي أحتاجه و هو رووووعة الصراحة...مشكووورة
و تسلمين على هالمعلومات
و برجع للبرنامج اللي اقترحتي عليّ و بتناقش فيه مع زوجي .. ساعدتيني وايد..تسلمين .

عزيزتي
** nora **
تسلمين فديتج و زوجي اقترح مثلج أن نمر على مكتب سياحة قبل..
و مشكورة على الأجوبة.. بس بغيت أسألج من وين بالضبط هالجزم- و أنت بكرامة- و الشنط التقليدية .. سمعت عنهم وايد.. في أي منطقة ينباعون؟ و مشكووووووووورة..

الغالية
مملكه الخير
الجو البارد.. هذا اللي ندور عليه.. إن شاء الله بحطها في اول القائمة و برتب المناطق الباقية حسب نصايح الأخوات الباقيات.. مشكورة

عزيزتي
حبوبة
المشكلة أن زوجي إجازاته صعبة.. و بعدين أنا بعدي في السادس و إن شاء الله ضغط الطيارة ما فيه إشكال و أنا من ناحيتي بستشير الدكتورة .. لأن هاالموضوع ببالي.. و بعدين أنا ما صارت لي فرصة أني أسافر بعد الزواج على طول.. و أعتقد كلما زاد عدد الأطفال , السفرة تصير أصعب..و الله يسهل !! ومشكورة على نصيحتج و خوفج علي .. تسلمين حبيبتي.

الغالية
واضحة
عن شقة أو فندق.. البعض نصحني مثلج بشقة و الآخر بفندق بس لأني ما راح أحتاج المطبخ.. يعني تقريبا كل الأكل برا.. بس الشقة بعد في بالي ..أحسها أريح..و أعتقد أرخص.. ما أدري ..مش مقررة بعدي. و مشكورة
و أما أن أخلي بنتي في البلاد و أطير ... مستحيل . ما أقدر من دونها بتطير روحي من قلبي قبل لا أطير .. و تسلمين

عزيزتي
صدى الأرواح
خذي راحتج و إن شاء الله الموضوع يفيد الجميع.. ويا ليت أقدر أساعدج..!


و تحياتي

ياقلبي طيران الامارات عندهم كتالوج مجاني فيه كل الأماكن السياحيه السكنيه مري اي فرع وخذي منهم ترا يساعك تعرفين مواصفات الفنادق مو بس ماليزيا لا جميع الدول السياحيه في العالم

انا انصحك تدخلين موقع دليل ماليزيا بيساعدك في كثير من المعلومات

اختي اذا حابه شقه
احسن الشقق هناك

برجايا تايمز سكوير خلف شارع العرب
ثم
دربي بارك : بجانب البرجين التؤام
وإن مالقيتي حجز في السابقين

شقق ميكاسا قريبه من البرجين
مستواها يقولون حلو لكن موقعها مو حلو كثير مثل دربي والتايمز سكوير