توتو ،، يا حياتي انا ،، الحمد لله انا و ميوش بخير ،، و الله انتي كمان وحشتيني ،، ارسلتلك مرتين ع الفيس بوك بس ما رديتي اتوقعتك مشغولة مع الفصعونة الصغيرة .. و عاد التعب لابد منه بذات اول بيبي لانك بتكوني جاهلة اشياء كثيرة ، كلها فترة و راح تتأقلمي مع الوضع اهم شي انتيابعدي الافكار السيئة و خليكي ايجابية ، و من ناحية اللبس و الاستحمام ،، انا ما يمر يوم من غير ما اتحمم و اللبس بس اول 10 او 15 يوم كنت البس بجايم طويلة لكن بعد كدا خلاص بالبس برمودة و كت عادي بس اهم شي رجولي ما تبرد لابسة الشراب و ما امشي حافية .. و الاكل حاولي تهتمي اكثر عشان جسمك يستعيد صحته ،، اعملي اشياء سهلة زي الدجاج او اللحم مع الخضار و حطيهم في اكياس الفرن و الحمد لله اكل صحي و لذيذ و سهل ،، و المسلوقة لحم او دجاج مافي اسهل منها .. و ابعدي عن البارد عشان تنظفي بسرعة و الدم ينزل البارد يوقفه ، و اشربي دوافي كثير ، قشر قهوة ، قرفة ، يانسون ، حتى نعناع ،،، و ربي يتمم عليكي بالعافية و يفرحك بلارين ،، على فكرة مو كنتي مقررة على جوان ليش غيرتي ..
بدوية ،، ههههههههههه امووووت و اش ف مدرسة العربي اللي درستك انا اللي راح اقتلها ع اللغة الخطيرة اللي بتتكلمي بيها ، بعدين دا جزاتي بآكل عنك خخخخخخخ ،، خلاص هاااانت كلها فترة بسيطة و ترجعي لحياتك الطبيعية طبعا مع شوية بهارات خخخخخخ ..
ميلو ،، اخبارك يا قلبي ،، الغسول حطي لتر موية معاها 6 ملاعق ارطا مطحونة و 4 ملاعق ملح فارسي او خشن و 2 ملعقة قشر رمان مطحون ، و حطيها في قدر و خليها تغلي بعدين صفيها و اتشطفي بيها كل ما دخلتي الحمام ..
تجمع النفاسيات الله يقومنا بالسلامة
متابعة النقاش، صفحة 122