مش عارفه يانجلا اقولك ايه هنا الكلام يطول وبصراحه بفضل الكلام عن الكتابه في المواضيع اللي زي دي بس النقاب مش فرض ربنا سبحانه وتعالي أحل الوجه والكفين فالعدل ان المرأه بتتغطي ومايظهر منها الا الوجه والكفين اما تغطيتهم بقي فهي فضل وليست عدل ولو جينا لمعني الايه الكريمه (يضربن بخمورهن علي جيوبهن) فالخمار هو كل ماستر ، ويطلق للرجل والمرأه فخمار المرأه مايغطي رأسها وكذلك خمار الرجل وهو مايطلق عليه العمامه وهناك حديث شريف عن الرسول صلي الله عليه وسلم انه كان يمسح علي الخف والخمار ) فهل ايضا كان الرجال يغطون وجوههم!!!! اذا المقصود بالخمار هو كل ماخمر الرأس اي غطاها وكلمه جيوبهم فالجيب هو فتحه الصدر ..اذا النقاب فضل وليس فرض
نيجي بقي عن الجانب الاخر وهو اني قولت عليه عاده وان فيه كثيرات مجبورات عليه عندنا في مصر مثلا مافيش حاجه تلزمنا بالنقاب الا لتنال فضل لبسه اذا فاللي بتلبسه بتلبسه بمزاجها اي علي اقتناع اما اسمحيلي عندكم في السعوده اعتقد في بعض المدن مش كلها فهو الزام وكان ليا صديقات سعوديات مبتعثات طرحوا موضوع النقاب-- هما هنا ماكانوش منتقبات كانوا بنطلون استرتش وبلوزه طويله وميك اب عادي -- اتكلموا عن ان في السعوديه مش الكل حابب يلبس النقاب حتي لما بيسافروا بره فيه اللي مابيستناش انه يوصل البلد اللي بيزورها علشان تقلعه بل بتقلعه وهي لسه علي الطائره وشعر وميك اب وحجات زي كده ففي البعض بيلبسه لأنه فعلا عاده اب مثلا متدين بشده فيقوم يلبس بنته وهي عندها 10 :15 سنه النقاب فتكبر تلاقي نفسها منتقبه والله وقتها بقي اقتنعت بيه ما اقتنعتش فهو فرض عليها ماتقدرش تقلعه ...فأنا هنا مش بدعي للتخلي عنه والعياذ بالله بس حبيت اوضح ان اللي كشفه وجهها وكفها مش مذنبه بإذن الله رب العالمين ردا علي ردك علي يانجلا
ماتضيق الدنيا وعند الله الفرج ,, تجمع الكنديات الــ 11//مغلق لعدم التفاعل
متابعة النقاش، صفحة 108