الولادة بمستشفيات القصيم الخاصه ..كل وحده تقول تجربتها

الحبيب عندهم التجميلي باخذون زيادة عليك ٢٥٠٠
غير الولاده

ام عصفورين.
بس الفرق بالسعرر والمسمى. اففف. ٢٥٠٠
او كخيااطه يفررق.
انا ابي الي يضوق المنطقه ايش اطللب.

اغدا احلى

انا بولادتي السابقه خياطة عاديه بالحكومي بس كانت مشدوووده ومت منها.. واستخدمت خلطة قشر قهوة الخمس فناجيل موجوده بالمنتدى والله اتعب وانا اقول خيااااال تضوقت ولاحضت الفرق واستخدمتها حتى في ايام الدورة فضيييعه هالخلطة والله عن تجربة
دعواتكم لي بالولادة العاجله السهلة اليسيره ولجميع الحوامل

أنا سألت الحبيب
قالوا اذا تبين خياطة تجميليه ب٢٥٠٠
الصراحة استغلال وإلا المفروض مع سعر الولادة

اللهم لك الحمد حتى يبلغ الحمد منتهاه .. احمدك ربي واشكر فضلك على ماانعمت به علي وتفضلت حمدا طيبا مباركا

ابشركم بفضل الله ولدت الحمد له وبعد استخاره ثم استشاره في مستشفى القصيم الوطني على يد الدكتورة السودانية سارة والدكتورة نجلاء ..
في البداية جاني الطلق العصر وكان باااارد وكنت اظن انه مغص عادي وصار مستمر ومنتظم لكنه بارد .. الى صلاة الاخير بدا يشتد وبدون مويات ولادم وصبرت وتماسكت حتى طلع الفجر ورحت للمستشفى طيرااان وانا ماالحق نفسي وصلت بفضل الله كشفت الدكتورة وقالت سته.. هم بدو يصفقون وانا اناظرهم مستغربه لانه الحكومي يخلونك لما عشره
المهم صعدوني فوق حتى ملابسي ماغيروها وعلى طول توليد...!! والله يابنات دخلت يدها احسها وصلت بلعومي بس ماشاء الله يدها خفيفه ومااخذت دقايق الا ويبدا الدفع وانا ادفع من قللب.. ااااه وتشرف بنتي بعد توسيع وخاطتني احسها من قلب وطولت شوي بس الحمدلله مو زي الم خيوط مستشفى الولادة..!
بصراحة المستشفى بالرغم انه ماعندهم احد ودخلته بوقت مبكر وكان فااضي وماكان معي الا ممرضه رفعت السماعه وبدقايق جت دكتورتين وكذا ممرضه معها والله الدكتوره الله يوفقها كني اول مرة اولد مع انها الثالثة كانت طيبه وتسمع كلامي وماتقرف وتطمني ريحتني الله يريحها ويجزاها خير.. الغرفه اللي اخذتها مشتركه بس ماكان معي احد السرير فاضي.. وفيه جهاز عندك تضغطيه تجيك الممرضه تركض والحمد لله تعاملهم معي جدا راائع وخدمتهم زينه..
ابرز عيوبهم.. بنتي ولدتها 6الفجر ولاجابوها الا العصر يعني ماشفتها ابدا راح زوجي شافها بالحضانه والحمدلله تطمنت عليها
عند الخروج ماجت الممرضة تدفني للخروج انا شلت بنتي وزوجي هو دفني وشال الاغراض تخيلو خخخخ
طبعا اكلهم زين وعنايتهم جيده الا اني ماحبيت اجلس كل المدة 3ايام جلست يوم فقط وطلعت..