لمن أجهضت مسبقاً؟؟

السلام عليكم

بس حبيت اسأل اللي لهم خبرة في هالشي
انا صار لي من اجهضت 40 يوم تقريبا
ولسى ما شفت الدورة

سؤالي للي أجهضوا هو بعد كم نزلت الدورة عليكم علما بأني اجهضت في شهرين وعملت تنظيف للرحم..

فهل وضعي طبيعي؟؟ لاني سمعت دكتورات المنتدى يقولون ان الدورة تأتي بعد أٍسبوعين من الاجهاض


ولكم جزيل الشكر..

11 تعليق 1,157 مشاهدة

شاركي في النقاش

سجلي الدخول لإضافة تعليق.

التعليقات

11
  1. @lady2005

    نفس حالتي وحالة صاحبتي بس ماادرى طبيعي ولا لا لانة يلزم راحة 2-3شهور راحة لاستقبال حمل جديد
  2. صاحبة الموضوع
    شكرا للرد حبيبتي.. والله يعوضنا بخير.. ولو إني مو حاظة في بالي إن التأخير يمكن يكون بسبب حمل..
    وننتظر الرد من اللي ليهم خبرة في هالشيء..
  3. @ghtaryf

    التاخير عادي جدا لانك ممكن تكوني حامل ولافيه اي خطر من اجهاض ثاني انا اجهضت مرتين واستفسرت كثير عن الموضوع والخلاصه ان الحمل بسرعه ما فييه مشكله وككثير اللي حملوا بعد الاجهاض قبل الدورة الاولى تجي
  4. @khd_alkmr_2

    أنا أجهضت في حمل عمره 3 شهور .. ونزلت علي الدوره مباشره..
    واستمرت تجيني الدوره 6 شهور بس متلخبطه مصحوبه بآلآم في الظهر ..
    طبعا انا سويت عملية تنظيف بعد الاسلاب مباشره...
    وبعد 6 شهور رحت لحرمه تمرخ في المدينه اسمها ام وليد ..
    وطلع فيا جرحين في الرحم بسبب عملية التنظيف..
    ورحت للمستشفى وطلع كلامها صحيح..
    وطلبوا مني اني اسوي شي اسمه كوي الرحم .. والله ناسيه..
    خفت منهم ورحت للحرمه وأعطتني حبتين مهبليه وحطيتها... وقالتلي الحبه هذي ما تطيح الا إذا نزل الجرح والصديد بالكامل ...
    اول حبه جلست 3 أيام ونزلت مني بلاوي وبعدين طاحت .. ولما حطيت الثانيه جلست نص يوم وطاحت ..
    وبعدها حملت على طوووول والحمد لله ...
    أما سلفتي فصار لها نفس قصتي وطلعلها جرحين في الرحم بسبب عملية التنظيف ... وما كانت تدري عنها وتحولت غرغرينه (ألله يكفينا الشر) ...
    أنا أحارب عمليات التنظيف بسبب إهمال بعض الدكاتره ...
    والسبب اللي أشوفه من الناس اللي حولي ، أغلبهم جاتهم مشاكل بسبب عملية التنظيف ..
    وزوجة أخويا لما سوت عملية تنظيف بعد الإسلاب شالولها طبقه من الرحم ...
    وراحت لمستشفى ثانيه وسوولها عملية ترقيع...
  5. صاحبة الموضوع
    *خد القمر*
    أنا أجهضت في حمل عمره 3 شهور .. ونزلت علي الدوره مباشره.. واستمرت تجيني الدوره 6 شهور بس متلخبطه مصحوبه بآلآم في الظهر .. طبعا انا سويت عملية تنظيف بعد الاسلاب مباشره... وبعد 6 شهور رحت لحرمه تمرخ في المدينه اسمها ام وليد .. وطلع فيا جرحين…
    يا ربّ استر..:eek:
    خوفتيني على حالي ياخد القمر.. بس مشكورة على المعلومة..
    عشان جذي أنا خايفة من تأخر الدورة لي الحين وخصوصا إني ما احس بأعراضها ولا بأعراض حمل ولا شيء.. وانا مستبعدة فكرة الحمل مطلقاً..

    ننتظر ردود الأخريات مع الشكر الجزيل..

تابعي تجارب أخرى من هذا القسم.