السلام عليكم ورحمة الله وبركاته
أختكم زي ما انتو شايفين أول موضوع لي وأتمنى إنكم تساعدوني في حل للورطة اللي أنا فيها ...
اشتريت قبل شهر فرن ويرلبول كهربائي عيونه حلزونية ومن غير مروحة ...
الفرن ماشي معايا تمام في كل شي في الكيك والمعجنات والطبخ إلا في حاجة واحدة ..
شواية الفرن ( العلوية )
ما لها غير درجتين Hi أو low يا عالية يا منخفضة طيب وين المشكلة ؟؟؟
المشكلة إنه في بعض الأصناف احتاج أولع عليها من فوق بس وكنت أضبطها في فرن الغاز مثلاً زي التشيز بسبوسة
ما يتولع عليها إلا من فوق بس لكن حرارة الشواية العلوية حتى وهي على الواطي تحمرها والبسبوسة نيه من جوا وغير كذا طبقة الزبادي تنعدم وتصير ناشفة مرة ...
جربت كل شي يخطر في بالي نزلت رف الفرن لآخر رف تحت وحطيت صينية فاضية فوق صينية البسبوسة والنتيجة واحدة ..
اتخيلوا لسه ما استغنيت عن فرن الغاز ومخليته على جنب للأطباق اللي زي كذا ... :huh::icon33:
والله مقهورة قهر لأنه اسويها كثير لدرجة فكرت اشتريلي فرن كهربائي صغير جانبي أقدر أتحكم بحرارة الشواية من فوق بس كمان شغلة كثرة الأجهزة في المطبخ
الله يجزاها الفردوس الأعلى اللي تلاقيلي حل
شاركي في النقاش
سجلي الدخول لإضافة تعليق.
التعليقات
14- لا تنسوني يا بنات
الله يرفع قدركم
- ليتني اقدر اساعدك ،ماعندي الا فرن الغاز
- طيب خليه علي منخفظ هذا الحل وانتظر ول خليه عالي ثواني بس لا يطول
- ماعندي علم بس حبيت ارفع ويعض الاجهزه الله يعوضنا فيها فعلا تأخذي فيها مقلب كبير
الله ييسرللك من تعلمك عليه - حبيبتي انا كان عندي نفس الفرن هذا ( الحلزوني ) , كنت أستخدم الشواية بس عشان اعطي وجه الأكل لون من فوق , ولا الأكل كله
بالصواني كنت اعتمد اعتماد كلي على الفرن , والشواية يادوب 5 دقايق اشغلها وانزل رف الفرن اخر شي تحت عشان لايحترق علي الأكل
الله يعينك ويوفقك
مواضيع مشابهة
تابعي تجارب أخرى من هذا القسم.