محبطططططة مابقى شيء ماجربته وشعري خشن محلك سر جبهتي كبيرة واحتاج غرة ناعمة أغطيها آآه

يابنات انا لي كم سنة أحاول اعتني بشعري
مابقى شيء هنا قريته ينعم ويطري ويفرد ماسويته
الزبادي والبيض والسمن والزبده والزيوت بأنواعها والموز والافوكادو
مالاحظت الا شوي تطرية وتهجيد
لن الأندومي تظل أندومي
والغره للحين مدرجة تدرجاااات صغيره مره ونااااااااااااااشفه والله اذا رفعتها فوق توقف من كثر ماهي ناشقه وقاسيه بزياده
قصتي عجيبه لانافع فيها زيت ولا سمن ولا موز ولابطيخ ولاشيء
ولاشيء قادر يهجدها ويسيحها ويمسها عشان اقدر اسويها غره وانزلها ع وجهي وجبهتي
كل شيء جربته لها حتى جل القطونه والسفرجل اللي قالوا البنات هنا يفرد ويروح الطعجات جربته ولا فاد
شريت بديل زيت بانتين ودوف وصانسيلك وتخسرت عالفاضيء لا مست القصة وطيحت شعري
مع العلم اني احتاج شيء ينععععم ويفرد الشعر ويطريه لاني جبهتي كبيرة فاحتاج قصة تغطيها لااااااازم الجبهه مرا مشينتني اذا لبست طرحه الكل يقولي كذا شكلك احسن لاتطلعين ع احد يخطبك البسي طرحه افضل
الاسشتوار والسيبراميك من استعمال واحد يقطع شعري ويقصفه من فوق مو تقصف من تحت بس لا من نص الشعر تتقصف وتنعدم مع اني احط سيروم وماقصرت وشامبو من بودي شوي خالي من الاشياء الضارة
وش اسوي
تكفون يابنات اللي تعرف شيء يفرد طبيعي لاتبخل
الله يرحم والديكم عن الجنة

مدري كيف المتزوجات اللي شعورهم مجعده وناشفه او افريقية متعايشين مع الزواج انا بنت وشايله هم كيف كل ماتروشت بطلع بكشتي عند الرجال
الشعر نصف الجمال
الحمدلله على كل حاااال

36 تعليق 6,185 مشاهدة

شاركي في النقاش

سجلي الدخول لإضافة تعليق.

التعليقات

35
  1. @keeftooma123

    منتجات بالمرز كويسة تطري الشعر ، انا شفت فيديوهات كثير باليوتيوب عن هالكريم و اللي يستخدمونه شعرهم مجعد ، بالمرز عندها حق اغلب انواع الشعر و يهتمون اكثر باللي شعرهم جاف و مجعد . و بالنسبه للطريقه انا احطه على شعري بعد الشاور ، استخدم اللي بجوز الهند لان يمنع التقصف و التساقط . و زيت دابر املا عجيب اذا بتتحملين ريحته . تقبلي مروري و ربي يحققلك و للجميع مرادهم
  2. @nor_169

    صاحبة الموضوع
    زيت السمسم من اول الزيوت الي مستخدمتها ومستمره عليه ولا جاب نتيجه
    جريمات باللمرز شريت نوعين الاخضر وواحد ثاني ازرق اظن وغاليين وزي عدمهم
    زيت املا كله عطور ومجربته من 8سنين ماشفت منه الا الشر والخشونه