السلام عليكم
يااخواتي انا الحمدلله علاقاتي جيده مع صديقاتي
وكل وحده فيهم كنت الحمدلله انا الاقرب لها
وبشهادتهم وتواصلهم الحمدلله اني نادره صداقتي بهالزمن
وانا والله ماانكر اني كنت سعيده معهم الحمدلله
لان نادر تلاقين علاقات محافظه ولله وتذاكر وتناصح
خصوصا اني عاطله ومن النادر والصعب علي اصادق مثل اووول بسهووله
المهم صديقاتي
تواصلنا شبه يومي بس ضايقني
ان وحده فيهم كانت تمر بمشاكل وظروف وتلجا لي بكل شئ واساعدها اقسم بالله لو مقابل صحتي ونومي وبالاخير اغناها الله بزوج صالح
تخلت عني والله ماتصدقون كيف صارت تعاملني وتخطئ علي حسبي الله ونعم الوكيل هي نست وانشغلت وعادي عندها خصوصا انها حملت بعد زواجها مباشره ودايم سفريات وطلعات فاببد مو فاضيه ولااتوقع ممكن تذكرتي بس انا قلبي يتقطع وربي مشتاقه لها لاتقولين اسحبي عليها لوقادره ماكتبت هالموضوع احن لها لسواليفنا لمزحنا لضحكنا ابادرها
لكن ايش اقوول غير الله حسبي ونعم الوكيل
ثانيا صديقتي الثانيه كانت تسولف معي نفس الشئ بالكثير بعد يومين ثلاث
فجاءه انقطعت مو قل تواصلها لا انقطعت وكان بيننا كل محبه وتقدير واحترام وكل مااسالها ايش فيك تقول تعبانه واحاول اساعدها واخفف عنها بس الاحظ تصرفني واكتفي بالدعاء لها وصرت اسال عليها على اساس انها فعلا تعبانه بعدين قالت انا مشغوله وتكتفي كذا والله ماتقول غيرها حتى ماتبادلني السؤال وقلت يمكن تعبانه فعلا او متضايقه
والصدمه انها صايره متملكه بس انكسرت نفسي حسبي الله ونعم الوكيل
انا ماابغي تعلمني شئ راجع لها وبراحتها
بس ليش يستغلووني ولما كانوا بحاجتي وساعدتهم وقويتهم والله وحده فيهم بكلامها اني غيرت شخصيتها وخليت عندها ثقه بنفسها
وبالاخير يتخلون عني بمجرد ان اغناهم الله
لاتقولون انسيهم لاني من المستحيل اقدر لكن حتى تواصلي معهم احس بنفسي منكسره حسبي الله ونعم الوكيل
عطوني حلولكم وتجاربكم
شاركي في النقاش
سجلي الدخول لإضافة تعليق.
التعليقات
24- عزيزتي لا تعطين الصداقه اكبر من حجمها
انا م اقولك لا تكلمينهم ولا تتواصلين معهم
بس مو تعيشين احداثهم يوميا وكأنك عايشه معهم
لأن لو صار انقطاع لفتره بسيطه راح تتعبين نفسيآ
واتوقع هذا اللي صار معاك
صحيح انو الحين اغلب اللي يتزوجون يسحبون ع صديقاتهم
وكأن اللي تتزوج ملكت الدنيا بأكملها(الله يعينها ع تفكيرها)
بس انتِ ف البدايه التمسي لها العذر
لأنها داخله ع حياه جديده
ومحتاجه وقت ترتب حياتها
واذا استمرت معاك بنفس التعامل مالك الا تطنشين وتنسين - الله يعين فعلا نأس أغرأب إلافضل أنك تسئلين غنهم وقت مناسبات وبس للإجر وخليهم براحتهم راح يندموا صدقيني
- والله اغلب الصديقات كذا مثل صديقاتك فلا تستغربين ولا تعطين الموضوع أكبر من حجمه انتي انصدمتي من تصرفاتهم لأنك مخلصه لهم واعتبرتي أنهم أخوات لك
والله يا عمري اغلبهم كذا تكون معك زي أختك طول الوقت وتسأل عنك وتعزك و. و. و. و إلى اخر حركاتهم
بس بمجرد أنها تملك او تزوج لا حس ولا خبر
الله يرزقك زوج صالح تروحي معه ويغنيك الله عنهم
ذا الزمن نادره الصداقات اللي تستمر حتى بعد الزواج الا من رحم ربي - احسن الصديقات أخواتك واذا ما فيه بنات عمك او خالتك وما شابه ذلك
صلة ورحم وستر وغطاء ان كانوا أهلا لذلك
اما صديقات الدراسة او العمل فالغالب تنقطع صلتك بهن مع انتهاء الدراسة او نقل الجيرة او غير ذلك
علما فيه من تستمر صداقتك معهن لأخر لحظة في حياتك
لا تحزني من فراقهن وكما تقولين هن المحتاجات لك لأنك ومن خلال موضوعك ارى انك حكيمة وفاهمة وواثقة من نفسك
اتركيهن ولا تفكري بهن
وان تواصلن معك صليهن وان تزوجت وهن لم يصلنك ثم علموا بزواجك وارادوا التواصل
اسحبي عليهن
ما يستحقونك
ويخافون منك
لانك الاحسن
الله يرزقك من يسعدك بقربه منك بالحلال - الله يرفع قدركن على الردود
وبالفعل انا اعطي الصداقات اكبر من حجمها
وليتني اتوب واستفيد من تجاربي
بالعكس في كل مره اقول الناس مو واحد
ومو لازم تؤثر فيني ناس ماتستحق
اللهم بين الاذان والاقامه انت حسبي ونعم الوكيل عليهم
والله يسعد كل من ردت
مواضيع مشابهة
تابعي تجارب أخرى من هذا القسم.